Gaˬlaˬtiˆ 4:8 - Akha

⁸ Dzeuˇ laˇ ngeh, naw maꞈ Miˬyehˇ-ahˇ maˬ siˬ nya kʼoeˇ keuˆ ni, Miˬyehˇ maˬ ngeuˇ-eu yaw sahˇ deuˬ-euˬ zaˬ kʼaˆ geuꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawmaf, Miqyaer-anr maq siqnya ngae, aqdirma-aer miqyaer maqngeur-eu deuq-euq zaqkhav geuf-euq mae.

Gaˬlaˬtiˆ 4:8 ပူးပေါင်းရင်းမြစ်များ

2 Laˬsaˬbaˬ 13:9

Aˬloˬ-euˬ zaˬ deuˬ uˆ deuˬ pyeuꞈ-eu Sahˬpaˬ Miˬyehˇ-euˬ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ naw maꞈ teh dzeh-euˬ meh. Aˬ cawˬ tsawˇ jeuˬ mˇ gaˇ haw-awˇ, aˬ yawꞈ maꞈ-euˬ dah zaˇ, piˇ ma deuˬ naw maꞈ tseˇ doˆ-awˇ bi jawˇ-euˬ meh. Tsawˇ haˬ aˬ geu gʼaˬ ma kaˬ, mawˇ neˇ mawˇ gaw tiˬ mawˇ hawˇ-eu yawˇ shiꞈ mawˇ tsahˇ laꞈ nya naˇ, naw maꞈ-euˬ miˬyehˇ lehˇ kuˇ-eu miˬyehˇ yawꞈ ngehꞈ kʼoeˇ deuˬ-euˬ piˇ ma geuꞈ-eu gʼaˇ duˬ yawˬ haˇ yawˬ ha gʼawˇ mawˇ a nehˬ nya meh.

Doˆ-iˇ 5:2

Ehˇ kʼawꞈ, sahˬ paˬ kʼoeˇ gʼaˬ ehˇ-eu, “Aˬ yawꞈ-euˬ ehˇ dawˬ-ahˇ ngaˇ naˇ haˬ-awˇ, Iˇsaˬleˬlaˆ tsawˇ haˬ-ahˇ pyehˬ nehˬ paˬ-ehˇ, Sahˬpaˬ Miˬyehˇ ehˇ-eu aˬ suˇ gʼaˬ-a. Sahˬpaˬ Miˬyehˇ-ahˇ ngaˇ maˬ siˬ. Iˇsaˬleˬlaˆ tsawˇ haˬ-ahˇ kʼawꞈ ngaˇ maˬ pyehˬ nehˬ.”

Iˇsaˬyaˇ 37:19

Kʼoeˇ naˇ, miˬ yehˇ maˇ maˇ ni maˬ ngeuˇ-eu, tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ pyeuꞈ-eu aˬ yawꞈ maꞈ-euˬ miˬ yehˇ deuˬ-ahˇ miˬ dzaˬ keuˬ dzeh nehˬ-euˬ meh.

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Yeˬlaˬmiˇ 16:20

Tsawˇ haˬ zaˬ yawˬ ha-euˬ miˬ yehˇ tehˆ nya ta loˇ. Maˬ tehˆ nya-aˇ. Paˇ tehˆ nya lawˬ naˇ kʼawꞈ, miˬ yehˇ maˇ maˇ ni maˬ paˇ ngeuˇ-aˇ.”

Yeˬlaˬmiˇ 2:11

Aˬ cawˬ tsawˇ jeuˬ miˬ yehˇ maˇ maˇ ni gʼeh gaˇ uˬ duˬ maˬ tahˬ kʼawꞈ, yawˬ ha uˬ duˬ tahˬ-euˬ miˬ yehˇ maˬ paˇ dzeh-a. Ehˇ kʼawꞈ, ngaˬ-euˬ tsawˇ haˬ deuˬ-aˬ, aˬ yawꞈ maꞈ-euˬ yaw shehꞈ kʼahˬ sehˇ pyeuꞈ-eu ngaˬ-ahˇ, gaˇ dahˇ maˬ tsoeˬ-eu miˬ yehˇ neh paˇ dzeh-euˬ meh.

Yeˬlaˬmiˇ 5:7

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-ahˇ aˬ jeˬ miˇ neh ngaˇ iˬ baˇ ya pyehˬ ta. Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ maˬ ngeuˇ-eu deuˬ-ahˇ uˬ duˬ tahˬ-euˬ meh. Ngaˬ-euˬ tsawˇ haˬ deuˬ-ahˇ ngaˇ bi dzaˬ dehˆ-euˬ kʼawꞈ, aˬ cawˬ-euˬ zaˬ miˬ zaˬ yo-ahˇ bahˬ-awˇ, meh maˬ laˇ deuˬ nehˬ-ehˇ aˇ yamˬ laˆ jiˇ-euˬ meh.

Yoˇhaˬ 1:10

Miˬyehˇ neh aˬ yawꞈ-ahˇ gʼoe-awˇ beh taˬ-euˬ miˇ tsaˬ heu kʼoeˇ taˆ, aˬ yawꞈ jawˇ luꞈ meh. Ehˇ kʼawꞈ, miˇ tsaˬ zaˬ deuˬ aˬ yawꞈ-ahˇ maˬ siˬ nya-a.

Gʼaˬkʼehˇ 14:12

Baˬnaˬbaˇ-ahˇ Juˇsaˆ lehˇ aˬ yawꞈ maꞈ myahˇ nehˬ-awˇ, Pawˇluˆ gʼaˬ-aˬ ngehˬ zaˬ tmˇ zaˬ pyeuꞈ-eu miˇ neh, Heˬmeˬ lehˇ myahˇ nehˬ-euˬ meh.

Gʼaˬkʼehˇ 17:23

Aˬ jeˬ miˇ neh ehˇ naˇ, meuˬ heu meuˬ doe ni ngaˇ cah-awˇ naw maꞈ uˬ duˬ tahˬ-eu jawˇ duˬ deuˬ-ahˇ haw ngeh, ‘Nga maꞈ maˬ siˬ nya-eu Miˬyehˇ tiˬ gʼaˬ-euˬ gʼaˇ duˬ’ lehˇ boꞈ myahˬ taˬ-euˬ lawˇ duˬ tiˬ tsahˇ mawˇ-euˬ ma. Naw maꞈ maˬ siˬ nya kʼawꞈ uˬ duˬ tahˬ luꞈ-eu kʼoeˇ-aˬ, nymˬ-mˇ ngaˇ naw maꞈ-ahˇ ja mehˬ le-euˬ heu meh.

Lormav 1:23

Shiˇ-eu maˬ baw-eu Miˬyehˇ-ahˇ uˬ duˬ maˬ tahˬ ni, shiˇ nya-eu jeˬ-ahˇ duˇ leˇ ni tehˆ taˬ-euˬ mawˇ kawˇ pyeuꞈ-eu, tsawˇ haˬ mawˇ kawˇ, aˇ jiˇ mawˇ kawˇ, oeˬ kuiˇ oeˬ laꞈ tsoꞈ-eu jeˬ zaˬ mawˇ kawˇ, miˇ tsa joe joe-ehˇ cah-eu jeˬ-euˬ mawˇ kawˇ, heu deuˬ-ahˇ uˬ duˬ tahˬ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

1 Gawˇliˬtu 1:21

Aˬ jeˬ miˇ neh ehˇ naˇ, tsawˇ haˬ zaˬ deuˬ yawˬ ha-euˬ zaˬ siˬ tsawˇ gahˇ-ahˇ gʼoe-awˇ Miˬyehˇ-ahˇ maˬ bi siˬ maˬ bi mawˇ nya ni, Miˬyehˇ neh aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ jahˇ taˬ-euˬ meh. Ehˇ kʼawꞈ, aˬ dzawˬ-euˬ dawˬ lehˇ aˬ cawˬ kuˇ-eu nymˬ-mˇ aˬ dui maꞈ dawˬ mehˬ mehˬ luꞈ-eu gaˇ kawˆ heu-ahˇ gʼoe-awˇ, jah-eu tsawˇ haˬ deuˬ-ahˇ ka kʼoꞈ nehˬ-eu gʼaˇ duˬ Miˬyehˇ noeˬ tsehˆ-euˬ meh.

1 Gawˇliˬtu 12:2

Naw maꞈ lawˇ ciꞈ zaˬ pyeuꞈ luꞈ ngeh, yaw dehꞈ maˬ dehꞈ-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ gʼawˬ mya jeˬ gʼawˬ mya kawˆ bahˬ-iˇ-euˬ gaˇ kawˆ naw maꞈ siˬ nya meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

1 Teˇsaˬloˇni 4:5

Miˬyehˇ-ahˇ maˬ siˬ nya-eu tsawˇ haˬ loꞈ-ehˇ, yawˬ ha-euˬ nui kʼahˇ laˆ shiˇ-eu gʼaˇ duˬ tehꞈ-ehˇ miˬ zaˬ sheuˬ taˬ-euˬ jeˬ maˬ ya bi pyeuꞈ-a.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

Yawˇshuˆ 24:15

Aˬ yawꞈ-ahˇ naw maꞈ uˬ duˬ maˬ tahˬ mawꞈ te lehˇ ngeuˇ naˇ, aˬ geu gʼaˬ-ahˇ uˬ duˬ tahˬ nmˇ lehˇ iˬ nah noeˬ tsehˆ-awˬ. Maˬsoˬpoˬtaˬmiˇ miˇ kʼahˬ-ahˇ naw maꞈ-euˬ aˬ poeˬ aˬ bawˇ deuˬ uˬ duˬ tahˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ. Maˬ ngeuˇ naˇ, iˬ nah naw maꞈ jawˇ luꞈ-eu miˇ kʼahˬ-ahˇ jawˇ-eu Aˬ mawˇ liˆ tsawˇ haˬ deuˬ-euˬ miˬ yehˇ deuˬ-ahˇ uˬ duˬ tahˬ nmˇ loˇ lehˇ noeˬ tsehˆ-awˬ. Ngaˇ hawˇ-eu ngaˬ-eu miˬ sawˇ zaˬ deuˬ law nmˇ-aˬ, Sahˬpaˬ Miˬyehˇ-ahˇ uˬ duˬ tahˬ ma.”

Yawˇshuˆ 24:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Yawˇshuˆ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Aˇ hu ba naw maꞈ-euˬ aˬ poeˬ aˬ bawˇ deuˬ Uˇpaˬlaˇ lawˇ baˬ nui baˬ paw jawˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh. Aˬ poeˬ aˬ bawˇ kʼoeˇ deuˬ laꞈ kʼoeˇ, Aˬbyaˬhaˬ hawˇ-eu Naˬkawˬ aˬ nyaꞈ nmˇ-euˬ aˬ da kʼawꞈ ahˇ-eu meh.

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.

1 Yoˇhaˬ 3:1

Aˬda Miˬyehˇ aˬ dui-ahˇ aˇ naˆ ni gaˬ-eu gaˇ kawˆ shaˇ noeˬ haw sheˇ. Aˬ yawꞈ aˬ dui-ahˇ gaˬ dui dui-eu miˇ neh Miˬyehˇ-euˬ zaˬ lehˇ myahˇ nehˬ laꞈ-euˬ meh. Aˬ dui-aˬ, maˇ maˇ ni aˬ yawꞈ-euˬ zaˬ deuˬ ma. Kʼoeˇ miˇ neh, miˇ tsaˬ zaˬ deuˬ aˬ dui-ahˇ maˬ siˬ nya-a. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ maˬ siˬ nya-eu miˇ neh, aˬ dui-ahˇ maˬ siˬ nya-eu jeˬ pyeuꞈ-eu meh.