Gaˬlaˬtiˆ 4:27 - Akha

²⁷ Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Zaˬ maˬ jawˇ-eu aˬ ma deuˬ-oˇ, naw maꞈ laˬ kʼaˬ cehˇ dui dui-awˬ. Zaˬ baw-eu uˬ maˆ naˇ naˇ-ehˇ, maˬ shaˬ haw-euˬ aˬ ma deuˬ-oˇ, laˬ kʼaˬ cehˇ-awˇ guˇ dui dui-awˬ. Aˬ jeˬ miˇ neh ehˇ naˇ, kʼaˬ dzeˇ zaˬ neh bi kʼoꞈ-euˬ deuˬ, kʼaˬ dzeˇ zaˬ baw-eu deuˬ maˬ tseˇ, zaˬ gʼawˬ mya ni jawˇ le tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aqjeq mirnae aernar-aq, Yaerbof-euq lafkhoer heulof-aer boftaq-euq mae, “Zaq maq tsaevler nya-eu, maqbaw aqma-or! Laqkhaq caer-awq. Zaq baw-eu laer narnar-aer maq shaqhaw-euq deuq-or! Tersar yawkhav-aer gurdov laf-awq. Aqjeq mirnae aernar-aq, khaqdzerzaq maqbaw-eu ghaq-aq, khaqdzerzaq baw-eu ghaq myavmaqtser zaq jawrle taef-a.” (Isy 54:1)

Gaˬlaˬtiˆ 4:27 ပူးပေါင်းရင်းမြစ်များ

2 Saˬmeuˬlaˆ 13:20

Taˬmaˬ-euˬ aˬ mahˇ aˬ da Aˬbaˇsaˬloˬ Taˬmaˬ-ahˇ mawˇ-awˇ, “Nawˬ-euˬ aˬ mahˇ aˬ da Aˬmaˬnoˬ nawˬ-ahˇ yehˬ bawˬ sehˇ lu-ehˇ gʼeh nehˬ laꞈ taˬ loˇ. Ngaˬ-euˬ dmˇ ma-oˇ, kʼoeˇ loꞈ-ehˇ pyeuꞈ laˇ-euˬ baˬ da neh aˇ dzehˬ-ehˇ taˬ noeˬ shaˬ. Aˬ yawꞈ nawˬ-euˬ aˬ mahˇ aˬ da pyeuꞈ-eu miˇ neh, gaˇ kawˆ heu tiˬ gʼaˬ-ahˇ-iˬ maˬ ja nehˬ ni jawˇ-awˬ” lehˇ ehˇ nehˬ-euˬ meh. Taˬmaˬ-aˬ, cawˬ maˬ baw ni Aˬbaˇsaˬloˬ-euˬ nymˇ-ahˇ nui ma shaˬ zahˬ mˇ mˇ-ehˇ jawˇ-euˬ meh.

Jaceuq 113:9

Maˬ baw aˬ ma-ahˇ aˬ yawꞈ taˬ huiˬ nehˬ-awˇ, zaˬ jawˇ le-awˇ laˬ kʼaˬ bi cehˇ-eu meh. Sahˬpaˬ Miˬyehˇ-ahˇ ja ceuˬ-awˬ.

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

1 Saˬmeuˬlaˆ 2:5

Yaw beh ya dzaˬ ya dawˇ-euˬ deuˬ, nymˬ-mˇ gʼaˬ mahˇ ya mahˇ dzaˬ-awˇ, yaw beh mehꞈ-euˬ shuꞈ-euˬ tsawˇ haˬ, nymˬ-mˇ maˬ paˇ dzaˬ jiˇ coeˇ meh. Maˬ baw aˬ ma zaˬ maˬ jawˇ-euˬ, nymˬ-mˇ zaˬ shiꞈ gʼaˬ jawˇ le-awˇ, zaˬ myaˬ dui dui-euˬ aˬ ma gʼaˬ, zaˬ tiˬ gʼaˬ-iˬ maˬ paˇ jawˇ meh.