Gaˬlaˬtiˆ 4:15 - Akha

¹⁵ Kʼoeˇ ngeh naw maꞈ laˬ kʼaˬ cehˇ dui dui-euˬ meh. Nymˬ-mˇ aˬ jeˬ paˇ pyeuꞈ-iˇ teˬ. Kʼoeˇ ngeh naw maꞈ-euˬ myaˆ nuiˆ kʼeuꞈ doˆ-awˇ ngaˬ-ahˇ dawˆ tsoꞈ nehˬ laꞈ nya law nmˇ-aˬ, naw maꞈ kʼoeˇ loꞈ-ehˇ dawˆ tsoꞈ nehˬ laꞈ mawꞈ-eu nui ma ahˇ meh lehˇ ngaˇ ehˇ tsehˆ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Arhu, nawmaf laqkhaq caer-eu khoer aqgeugar bibyov-ir jir-euq le? Khoerngae, nawmaf-euq myavnuiv kheufdov-awr, ngaq-anr dawvtsof naeqlafnya lawnmr-aq, dawvtsof naeqlaf mawf-eu mae laer nawmaf-euq garkawv ngar sarkir kamqnya-eu ma.

Gaˬlaˬtiˆ 4:15 ပူးပေါင်းရင်းမြစ်များ

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Lormav 10:2

Aˬ yawꞈ maꞈ Miˬyehˇ nui ma tsaˬ ni mˇ mawꞈ dui dui meh. Ehˇ kʼawꞈ, aˬ yawꞈ maꞈ mˇ-eu kʼoeˇ gaˇ ma maˬ tsaˬ-a.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

2 Gawˇliˬtu 8:3

Aˬ yawꞈ maꞈ kʼaˇ gʼeh nya gaˇ keuˆ ni damˬ nehˬ-eu uˬ taꞈ, maˬ gʼeh nya gaˇ keuˆ ni kʼawꞈ damˬ-eu meh lehˇ naw maꞈ-ahˇ ngaˇ ehˇ tsehˆ peuˬ ma. Aˬ yawꞈ maꞈ yawˬ haˇ yawˬ ha noeˬ siˬ noeˬ mawˇ-eu laꞈ kʼoeˇ,

Gaˬlaˬtiˆ 3:14

Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ guiˬ lahˬ yaw dzahˇ kʼoeˇ, Yeˬsuˇ Ka li-ahˇ gʼoe-awˇ Yuˇdaˆ tsawˇ haˬ maˬ ngeuˇ-eu deuˬ-ahˇ biꞈ nehˬ nya ni, Ka li kʼoeˇ loꞈ-ehˇ kamˇ shiˇ-euˬ meh. Kʼoeˇ-aˬ, Miˬyehˇ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ Yaw sahˇ Miˬyehˇ-ahˇ, jah-eu jeˬ ba da neh aˬ dui za nya ni mˇ-euˬ jeˬ pyeuꞈ-eu meh.

Gaˬlaˬtiˆ 4:14

Ngaˇ naˇ-eu baˬ da neh naw maꞈ ya shaˬ dui dui-euˬ kʼawꞈ, naw maꞈ ngaˬ-ahˇ maˬ byehˇ dzeh nehˬ laꞈ-euˬ uˬ taꞈ, yehˬ bawˬ-ehˇ maˬ gʼeh nehˬ laꞈ-aˬ. Mˬ taˆ gʼaˬ kʼehˇ-ahˇ ha-eu loꞈ-ehˇ ha nehˬ laꞈ-euˬ meh. Yeˬsuˇ Ka li-ahˇ ha-eu loꞈ-ehˇ ha nehˬ laꞈ-euˬ meh.

Gaˬlaˬtiˆ 4:16

Nymˬ-mˇ ngaˇ naw maꞈ-ahˇ yaw tsaˬ yaw dawˇ jeˬ ehˇ nehˬ-euˬ miˇ neh, ngaˇ naw maꞈ-ahˇ muiˇ-eu tsawˇ haˬ pyeuꞈ shaw taˬ loˇ.

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 6:4

Yawˬ gʼaˬ na luꞈ yawˬ ha aˬ joˆ-ehˇ mˇ luꞈ shaˇ luꞈ-eu gaˇ kawˆ shaˇ noeˬ-eu tsaˬ meh. Yawˬ ha yaw muiˬ jeˬ mˇ-euˬ miˇ neh kʼahˬ sehˇ jehˆ mawꞈ naˇ, aˬ cawˬ neh mˇ taˬ-euˬ jeˬ-ahˇ ciˬ cehˆ maˬ cehˆ ni jehˆ-eu tsaˬ meh.

Gawˇlawˇsehˇ 4:13

Naw maꞈ gʼaˇ duˬ maˬ ehˇ, Lawˬdiˬciˆ meuˬ-ahˇ jawˇ-eu tsawˇ haˬ deuˬ gʼaˇ duˬ maˬ ehˇ, Heˬlaˬbawˇliˇ meuˬ-ahˇ jawˇ-eu tsawˇ haˬ deuˬ gʼaˇ duˬ maˬ ehˇ, aˬ yawꞈ aˇ naˆ ni leh jeh-awˇ gaˇ mˇ luꞈ-eu gaˇ kawˆ ngaˇ saˇ kiˇ kamˬ peuˬ ma.

1 Teˇsaˬloˇni 2:8

Naw maꞈ-ahˇ nga maꞈ gʼoeˇ dui gaˬ dui dui-eu miˇ neh, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ tehꞈ-ehˇ maˬ ngeuˇ ni, nga maꞈ-euˬ gʼawˇ mawˇ kʼawꞈ naw maꞈ gʼaˇ duˬ shiˇ dah nehˬ coeˇ ma. Naw maꞈ-ahˇ nga maꞈ gaˬ dui dui-eu ma.

1 Teˇsaˬloˇni 5:13

Aˬ yawꞈ maꞈ Miˬyehˇgaˇ mˇ-eu baˬ da neh gʼoeˇ-eu gaˬ-eu laꞈ kʼoeˇ taˬ huiˬ taˬ mahˇ nehˬ-awˬ. Naw maꞈ yaw kaˬ kʼawꞈ, tsaˬ leˇ dzoeˇ leˇ-eu jeˬ bi jaˆ-awˬ.