Gaˬlaˬtiˆ 3:29 - Akha

²⁹ Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Nawmaf Kali-anr taf-eu tsawrhaq ngeur nar-aq, Aqbyaqhaq-euq aryoeq pyeuf-awr, dawqma sarjax aertaq-euq lof-aer jeqbir of-eu tsawrhaq mae.

Gaˬlaˬtiˆ 3:29 ပူးပေါင်းရင်းမြစ်များ

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

1 Gawˇliˬtu 15:23

Ehˇ kʼawꞈ, aˬ yawꞈ gʼaˬ yawꞈ-ahˇ yawˬ ha-euˬ aˇ yamˬ tsaˬ laˇ ngeh bi gʼoꞈ dehꞈ laˇ tehꞈ-a. Ka li-ahˇ aˬ cawˬ jeˬ hu bi gʼoꞈ dehꞈ laˇ gʼaˬ-euˬ meh. Kʼoeˇ jiˇ naˇ, aˬ yawꞈ zaꞈ le ngeh, aˬ yawꞈ-ahˇ taꞈ-eu tsawˇ haˬ deuˬ-ahˇ bi gʼoꞈ dehꞈ laˇ tehꞈ-a.

2 Gawˇliˬtu 10:7

Naw maꞈ-aˬ, myaˆ-ahˇ mawˇ laˇ-eu kʼoeˇ taˆ paw-euˬ gaˇ kawˆ-ahˇ tehꞈ-ehˇ haw-eu meh. Ngaˇ Ka li-euˬ tsawˇ haˬ ma lehˇ kʼaˬ duˬ ni ehˇ tsehˆ peuˬ-eu tsawˇ haˬ jawˇ-eu ngeuˇ naˇ, yawˬ ha gaˇ kawˆ yawˬ ha yaw muiˬ paˬ-ehˇ paˇ bi shaˇ noeˬ duˬ-awˬ. Aˬ jeˬ miˇ neh ehˇ naˇ, nga maꞈ kʼawꞈ aˬ yawꞈ loꞈ-ehˇ Ka liˬ-euˬ tsawˇ haˬ pyeuꞈ-eu ma.

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

Gaˬlaˬtiˆ 3:18

Miˬyehˇ neh biꞈ-euˬ jeˬ biˇ-aˬ, Zahˇ dawˬ kʼoꞈ dawˬ-ahˇ taꞈ-eu jeˬ pyeuꞈ-eu ngeuˇ naˇ, aˬ yawꞈ neh saˇ jaˇ dzaˬ taˬ-eu gaˇ taꞈ leˇ-eu jeˬ maˬ paˇ ngeuˇ meh. Ehˇ kʼawꞈ, Miˬyehˇ neh dzaˬ taˬ-euˬ saˇ jaˇ baˬ da neh jeˬ biˇ kʼoeˇ Aˬbyaˬhaˬ-ahˇ Miˬyehˇ biꞈ-euˬ meh.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Gaˬlaˬtiˆ 3:7

Kʼoeˇ miˇ neh, maˇ maˇ ni Aˬbyaˬhaˬ-euˬ zaˬ deuˬ uˆ deuˬ-aˬ, jah-eu jeˬ ahˇ-eu tsawˇ haˬ deuˬ meh lehˇ naw maꞈ siˬ duˬ-eu tsaˬ meh.

Gaˬlaˬtiˆ 4:1

Ngaˇ ehˇ mawꞈ-eu-aˬ, heu loꞈ-ehˇ ma. Aˬ da-euˬ jeˬ biˇ oꞈ-eu aˬ li tiˬ gʼaˬ-aˬ, yawˬ jeˬ na luꞈ aˬ yawꞈ-euˬ pyeuꞈ-eu kʼawꞈ, aˬ yawꞈ zaˬ yaw nyiˇ pyeuꞈ ngeh, zaˬ kʼaˆ tiˬ gʼaˬ loꞈ-ehˇ ya dehꞈ tawˬ-eu meh.

Gaˬlaˬtiˆ 4:7

Kʼoeˇ Miˇ neh, naw maꞈ-aˬ, zaˬ kʼaˆ maˬ paˇ ngeuˇ meh. Aˬ li pyeuꞈ laˇ-euˬ meh. Aˬ li pyeuꞈ-eu miˇ neh, Miˬyehˇ-euˬ jeˬ biˇ oꞈ-eu tsawˇ haˬ meh.

Gaˬlaˬtiˆ 5:24

Yeˬsuˇ Ka li-ahˇ taꞈ-eu tsawˇ haˬ deuˬ-aˬ, shiˬ shaˬ jiˇ nui kʼahˇ hawˇ-eu shiˬ shaˬ jiˇ-euˬ nui noeˬ nui loˆ dawˬ tawˆ luꞈ-ahˇ laˆ sehꞈ jiˇ-euˬ meh.

Gaˬlaˬtiˆ 6:16

Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Tiˇtuˆ 3:7

Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 11:18

“Ngaˬ neh nawˬ-ahˇ biꞈ ma lehˇ saˇ jaˇ dzaˬ taˬ-euˬ zaˬ deuˬ uˆ deuˬ, Iˇtsaˆ o neh jeuˬ le o le tehꞈ-a” lehˇ, Aˬbyaˬhaˬ-ahˇ Miˬyehˇ ehˇ nehˬ-euˬ meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

HeˬByehˇ 6:17

Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.