Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.
Gaˬlaˬtiˆ 3:13 - Akha13 Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq13 Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae. အခန်းကိုကြည့်ပါ။ |
Gaˬlaˬtiˆ 3:13
43 ပူးပေါင်းရင်းမြစ်များ
Giˇbyoˬ meuˬ-ahˇ jawˇ-eu tsawˇ haˬ deuˬ-euˬ aˬ laꞈ laꞈ kʼoeˇ Daˬbiˇ neh a nehˬ-awˇ, aˬ ha shiꞈ gʼaˬ-ahˇ Sahˬpaˬ Miˬyehˇ-euˬ mehˬ shi gawˬ jawˬ kʼoeˇ taˆ aˬ yawꞈ maꞈ paꞈ gʼeu nehˬ-awˇ, shiꞈ gʼaˬ luꞈ tiˬ poˆ tehꞈ-ehˇ shiˇ-euˬ meh. Aˬ yawꞈ maꞈ shiˇ-euˬ aˇ yamˬ kʼoeˇ yamˬ-aˬ, lawˬ loeˇ keuˆ dahˬ beh le-eu yamˬ meh.
Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-eu laꞈ kʼoeˇ, ngaˬ-euˬ mehˬ shiˬ nawˇ nui ma nahˬ yu ni taˬ-euˬ meh. Jawˇ duˬ kʼoeˇ tsahˇ-ahˇ, maˬ haw peuˬ ni guˆ laˇ paˬ-ehˇ gʼeh-eu jawˇ duˬ bi pyeuꞈ laˇ-awˇ, tsawˇ haˬ zaˬ deuˬ yaˬ kʼehˇ yaˬ ngeh, jawˇ duˬ kʼoeˇ tsahˇ-euˬ tsawˇ myahˇ kuˇ-awˇ yaˬ tehꞈ-a. Ehˇ kʼawꞈ, nawˬ-euˬ shaˇ dawˬ ngaˇ naˇ haˬ nehˬ ma.
Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.
Bawˇzaˬlahˬ meuˬ-aˬ, guˆ dui dui laˇ paˬ-ehˇ bi laˆ pyeuꞈ-awˇ, kʼaˇ shuiꞈ deh yaˇ loꞈ-ehˇ pyeuꞈ-iˇ tehꞈ-a lehˇ, ngaˇ kamˬ tsehˆ taˬ-euˬ ma. Meuˬ kʼoeˇ meuˬ-ahˇ aˬ cawˬ kʼaˇ ehˇ mawꞈ-eu ehˇ niˇ gʼa-awˇ, yaˬ kʼehˇ yaˬ ngeh zmˬ-eu tsawˇ myahˇ tiˬ myahˇ pyeuꞈ laˇ tehꞈ-a. Jawˬ jawˬ-ehˇ jaˆ-eu pu dawˬ tawˆ luꞈ, mˬ maˬ maˬ byaˆ zaˇ ziˇ cawˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”
“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.
Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.
Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”
Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.
uˬ ciꞈ uˬ bya bya ni maˬ ya bi jaˆ-a. Aˬ yawꞈ ngeh nah neh ya duˬ pahˬ meh. Aˬ jeˬ miˇ neh ehˇ naˇ, tsawˇ shiˇ-euˬ gʼawˇ mawˇ kʼawˇ zeuˇ-ahˇ paꞈ-awˇ bi ga gʼeu-euˬ jeˬ-aˬ, Miˬyehˇ-euˬ yaˬ kʼehˇ yaˬ-eu jeˬ bi keuˆ le-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-euˬ miˇ kʼahˬ-ahˇ nawˇ maˬ ya laˆ jawꞈ ni, tsawˇ shiˇ-euˬ gʼawˇ mawˇ kʼoeˇ duˬ pahˬ-awˬ.
Sehˬ gʼawˆ kʼoeˇ-ahˇ Yeˬsuˇ le uˇ-awˇ, Muiˬ dui shawˇ dui dui-eu Jawˇ duˬ-ahˇ mˬ maˬ maˬ byaˆ zaˇ ziˇ gʼaˇ duˬ tiˬ poˆ uˇ leˇ ngeh, ciꞈ myehꞈ hawˇ-eu mawˇ neˇ-euˬ shiˬ yuˇ ahˇ gʼeh-awˇ lawˇ leˇ-euˬ maˬ ngeuˇ-a. Aˬ yawꞈ-euˬ shiˬ yuˇ ahˇ gʼeh-awˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ aˬ dui za ni lawˇ leˇ-euˬ jeˬ pyeuꞈ-eu meh.
Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.
Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.
Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.
Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.
Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.
Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.
ကြော်ငြာတွေ