Gaˬlaˬtiˆ 2:20 - Akha

²⁰ Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Gaˬlaˬtiˆ 2:20 ပူးပေါင်းရင်းမြစ်များ

Dawˬ caˇ 7:10

Ngaˇ ngaˬ-euˬ zaˬ kʼaˬ-euˬ pyeuꞈ-awˇ, aˬ yawꞈ kʼawꞈ ngaˬ-ahˇ mawꞈ-eu meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Yoˇhaˬ 10:11

“Ngaˇ-aˬ, muiˬ-eu yawˇ bo-eu yaw sahˇ ma. Yawˇ deuˬ-euˬ gʼaˇ duˬ ngaˇ shiˇ dah peuˬ ma.

Yoˇhaˬ 15:13

Yawˬ ha-euˬ cawˬ gʼaˇ duˬ shiˇ dah nehˬ-eu naˆ maˬ tseˇ huiˬ dzehˬ-eu gʼoeˇ-eu gaˬ-eu jeˬ maˬ paˇ jaˆ meh.

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 3:35

Aˬda-aˬ, Zaˬmaˇ-ahˇ gaˬ-eu miˇ neh, yawˬ jeˬ na luꞈ aˬ yawꞈ-ahˇ a nehˬ jiˇ taˬ-euˬ meh.

Yoˇhaˬ 6:57

Dehꞈ luꞈ-eu Aˬda neh ngaˬ-ahˇ kʼehˇ gʼeh leꞈ-euˬ meh. Ngaˇ kʼawꞈ, aˬ yawꞈ baˬ da neh dehꞈ luꞈ-eu ma. Kʼoeˇ gaˇ duˇ ni, ngaˬ-ahˇ kʼaˇ dzaˬ-eu tsawˇ haˬ-aˬ, ngaˇ baˬ da neh dehꞈ tehꞈ-a.

Yoˇhaˬ 6:69

Nawˇ-aˬ, Miˬyehˇ jawˇ gaˇ neh oe-euˬ Muiˬ-eu Shawˇ-eu Gʼaˬ meh lehˇ nga maꞈ siˬ duˬ jah duˬ gʼaˬ-euˬ ma.”

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 14:7

Aˬ dui tiˬ gʼaˬ-iˬ yawˬ ha gʼaˇ duˬ tehꞈ-ehˇ dehꞈ-eu maˬ ngeuˇ. Tiˬ gʼaˬ-iˬ yawˬ ha gʼaˇ duˬ tehꞈ-ehˇ shiˇ-eu kʼawꞈ maˬ ngeuˇ.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 5:6

Aˬ dui laꞈ jeuˬ shaˇ kʼaˇ maˬ za-ehˇ shaˬ luꞈ ngeh, Miˬyehˇ neh tseˇ doˆ taˬ-euˬ aˇ yamˬ-ahˇ, haiˬ-eu tsawˇ haˬ deuˬ pyeuꞈ luꞈ-eu aˬ dui-euˬ gʼaˇ duˬ Ka li shiˇ dah-euˬ meh.

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Lormav 6:13

Maˬ muiˬ-eu jeˬ mˇ gaˇ zmˬ-eu keu ka bi pyeuꞈ-eu gʼaˇ duˬ naw maꞈ-euˬ gʼawˇ mawˇ tiˬ pyehˬ tehꞈ-ehˇ kʼawꞈ iˬ baˇ-euˬ baoˬ-ahˇ maˬ a nehˬ ni, shiˇ-euˬ gaˇ paˇ gʼoꞈ dehꞈ laˇ-euˬ tsawˇ haˬ loꞈ-ehˇ naw maꞈ-euˬ nui ma gʼawˇ mawˇ dawˬ tawˆ luꞈ Miˬyehˇ-ahˇ a nehˬ jiˇ-awˇ, yaw tsaˬ yaw dawˇ jeˬ gʼaˇ duˬ zmˬ-eu keu ka bi pyeuꞈ-awˬ.

Lormav 6:8

Aˬ dui Ka li nehˬ-ehˇ shiˇ-euˬ miˇ neh, aˬ yawꞈ nehˬ-ehˇ ya dehꞈ ma lehˇ aˬ dui jah-eu ma.

Lormav 8:10

Ehˇ kʼawꞈ, naw maꞈ laꞈ kʼoeˇ Ka li jawˇ naˇ, iˬ baˇ baˬ da neh naw maꞈ-euˬ gʼawˇ mawˇ shiˇ-euˬ kʼawꞈ, yaw tsaˬ yaw dawˇ jeˬ ba da neh naw maꞈ-euˬ saꞈ laˇ dehꞈ luꞈ-eu meh.

Lormav 8:37

Maˬ ngeuˇ. Aˬ dui-ahˇ gaˬ-eu gʼaˬ baˬ da neh kʼoeˇ deuˬ dawˬ tawˆ luꞈ-ahˇ aˬ dui yaw muiˬ paˬ-ehˇ gʼaˬ leˇ-euˬ ma.

1 Gawˇliˬtu 6:17

Ehˇ kʼawꞈ, Sahˬpaˬ Yeˬsuˇ nehˬ-ehˇ nui ma gm-eu tsawˇ haˬ-aˬ, saꞈ laˇ paw aˬ yawꞈ nehˬ-ehˇ tiˬ shiˬ tiˬ shaˬ tehꞈ-ehˇ pyeuꞈ-eu meh.

2 Gawˇliˬtu 1:24

Naw maꞈ-euˬ jah-eu jeˬ-ahˇ nga maꞈ tuˆ tehˬ-awˇ uˆ lahˇ-eu lehˇ maˬ ngeuˇ. Jah-eu jeˬ laꞈ kʼoeˇ naw maꞈ ziꞈ dah ni yawꞈ luꞈ meh lehˇ nga maꞈ siˬ nya ma. Nga maꞈ-aˬ, naw maꞈ laˬ kʼaˬ cehˇ ni mˇ luꞈ-eu naw maꞈ-euˬ gaˇ mˇ cawˬ deuˬ pyeuꞈ-eu ma.

2 Gawˇliˬtu 10:3

Nga maꞈ-aˬ, miˇ tsaˬ kʼoeˇ taˆ jawˇ luꞈ-eu tsawˇ haˬ ngeuˇ ma. Ehˇ kʼawꞈ, miˇ tsaˬ shiˬ shaˬ jiˇ-ahˇ taꞈ-eu guiˇ deuˆ luꞈ-eu maˬ ngeuˇ.

2 Gawˇliˬtu 11:10

Ka li-euˬ yaw tsaˬ yaw dawˇ jeˬ ngaˬ-euˬ laꞈ kʼoeˇ ahˇ-eu loꞈ-ehˇ, Aˬgaˬyaˇ miˇ kʼahˬ byah-iˇ ni ngaˇ heu loꞈ-ehˇ kʼahˬ sehˇ jehˆ gaˇ tiˬ gʼaˬ-iˬ maˬ laˆ tsoeˬ laˇ nya-aˇ lehˇ ehˇ tsehˆ peuˬ ma.

2 Gawˇliˬtu 13:3

Ngaˬ-ahˇ gʼoe-awˇ Ka li dawˬ ngehˬ-eu gaˇ kawˆ naw maꞈ siˬ mawꞈ-eu loꞈ-ehˇ ya siˬ ya mawˇ duˬ tehꞈ-a. Naw maꞈ-euˬ gaˇ kawˆ-ahˇ taꞈ leˇ-awˇ aˬ yawꞈ nahˬ jawˆ ni gʼeh-eu maˬ ngeuˇ-a. Aˬ yawꞈ-euˬ baoˬ naw maꞈ-ahˇ bi mawˇ-eu meh.

2 Gawˇliˬtu 13:5

Naw maꞈ jah-eu jeˬ-ahˇ ziꞈ dah ni tuˆ tehˬ luꞈ ma loˇ lehˇ yawˬ haˇ yawˬ ha pyehˆ tseˇ haw-awˬ. Yawˬ haˇ yawˬ ha lawˬ haw-awˬ. Yeˬsuˇ Ka li naw maꞈ laꞈ kʼoeˇ jawˇ meh lehˇ maˬ siˬ duˬ te loˇ. Maˬ ngeuˇ naˇ, lawˬ haw-eu jeˬ laꞈ kʼoeˇ naw maꞈ smˬ-iˇ teˬ loˇ.

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

2 Gawˇliˬtu 5:15

Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

2 Gawˇliˬtu 5:7

Aˬ jeˬ miˇ neh ehˇ naˇ, jah-eu jeˬ-ahˇ gʼoe-awˇ aˬ dui dehꞈ luꞈ-eu ma. Myaˆ nuiˆ haw mawˇ nya-eu jeˬ-ahˇ gʼoe-awˇ dehꞈ luꞈ-eu maˬ ngeuˇ.

Gaˬlaˬtiˆ 1:4

Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Gaˬlaˬtiˆ 3:11

Nymˬ-mˇ poˆ jawˇ-aˬ, tsawˇ haˬ tiˬ gʼaˬ-iˬ Zahˇ dawˬ kʼoꞈ dawˬ-ahˇ gʼoe-eu laꞈ kʼoeˇ Miˬyehˇ-ahˇ maˬ tsaˬ maˬ tsahˇ leˇ nya-a lehˇ siˬ duˬ laˇ taˬ-euˬ meh. Aˬ jeˬ miˇ neh ehˇ naˇ, “Jah-eu baˬ da neh Miˬyehˇ-ahˇ tsaˬ leˇ tsahˇ leˇ-euˬ tsawˇ haˬ tehꞈ-ehˇ ya dehꞈ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 5:24

Yeˬsuˇ Ka li-ahˇ taꞈ-eu tsawˇ haˬ deuˬ-aˬ, shiˬ shaˬ jiˇ nui kʼahˇ hawˇ-eu shiˬ shaˬ jiˇ-euˬ nui noeˬ nui loˆ dawˬ tawˆ luꞈ-ahˇ laˆ sehꞈ jiˇ-euˬ meh.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Eˇpeˇsu 5:25

Kʼaˬ dzeˇ zaˬ deuˬ-oˇ, Ka li zaˬ aˇ muˇ-ahˇ Ka li gaˬ-eu miˇ neh gʼawˇ mawˇ lawˇ nehˬ-euˬ gaˇ duˇ ni, yawˬ ha-euˬ miˬ zaˬ-ahˇ gaˬ-awˬ.

Piˇliˇpiˆ 1:21

Tsawˇ haˬ zaˬ yaw dehꞈ dehꞈ-eu aˬ jeˬ gʼaˇ duˬ-a. Ngaˇ dehꞈ luꞈ-eu-aˬ, Ka li gʼaˇ duˬ ma. Shiˇ naˇ, ngaˬ-euˬ gʼaˇ duˬ jiˇ jeuˬ ma.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

1 Teˇsaˬloˇni 5:10

Aˬ yawꞈ zaꞈ leh ngeh, aˬ dui dehꞈ-eu maˬ kaˬ, shiˇ-euˬ maˬ kaˬ, aˬ yawꞈ nehˬ-ehˇ tiˬ kawˆ loꞈ-ehˇ ya jawˇ ni aˬ dui gʼaˇ duˬ aˬ yawꞈ shiˇ dah-euˬ meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 8:3

Piˇ ma yawˬ huiˬ gʼaˬ kʼaˇ geuꞈ-eu yawˬ gʼaˬ na luꞈ, Miˬyehˇ-ahˇ damˬ nehˬ-eu jeˬ hawˇ-eu lawˇ-eu shehˇ-eu jeˬ ya mˇ-eu meh. Kʼoeˇ loꞈ-ehˇ duˇ ni, aˬ dui-euˬ Piˇma Yaw huiˬ gʼaˬ kʼawꞈ, Miˬyehˇ-ahˇ ya lawˇ ya shehˇ meh.

1 Beˬtuˆluˆ 1:8

Aˬ yawꞈ-ahˇ naw maꞈ maˬ mawˇ haw-euˬ kʼawꞈ, naw maꞈ aˬ yawꞈ-ahˇ gaˬ-awˇ, nymˬ-mˇ aˬ yawꞈ-ahˇ naw maꞈ maˬ ya mawˇ kʼawꞈ, naw maꞈ aˬ yawꞈ-ahˇ jah-eu meh. Kʼoeˇ miˇ neh, maˬ ehˇ jiˇ coeˇ gaˇ keuˆ ni laˬ kʼaˬ cehˇ-awˬ.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

1 Yoˇhaˬ 4:14

Miˬyehˇ neh aˬ yawꞈ-euˬ Zaˬmaˇ-ahˇ miˇ tsaˬ heu-ahˇ Ka kʼoꞈ-eu gʼaˬ bi geuꞈ-eu lehˇ kʼehˇ gʼeh leꞈ-euˬ gaˇ aˬ dui kʼaˇ ya mawˇ-euˬ loꞈ-ehˇ aˬ cawˬ-ahˇ ja mehˬ-eu ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 3:20

Naˇ haˬ-awˬ, ngaˇ laˇ gʼoˆ-ahˇ yawꞈ-awˇ kʼoˆ luꞈ ma. Ngaˬ-euˬ teˇ saˇ gaˬ-awˇ laˇ gʼoˆ kʼaˇ pah nehˬ laꞈ-eu gʼaˬ-euˬ nymˇ-ahˇ ngaˇ uˇ-iˇ-awˇ, aˬ yawꞈ nehˬ-ehˇ dzaˬ taꞈ dawˇ taꞈ ma. Aˬ yawꞈ kʼawꞈ, ngaˬ nehˬ-ehˇ dzaˬ taꞈ dawˇ taꞈ tehꞈ-a.