Gaˬlaˬtiˆ 2:15 - Akha

¹⁵ Aˬ dui maꞈ-aˬ, dehꞈ le ngeh neh maˇ maˇ ni Yuˇdaˆ tsawˇ haˬ ma. Aˬ yawꞈ maꞈ ehˇ-eu loꞈ-ehˇ, “aˬ cawˬ tsawˇ jeuˬ iˬ baˇ zaˬ deuˬ” maˬ ngeuˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Aqdui maf-aq, daefle ngae nae Yurdav tsawrhaq ma. Iqbaxzaq laer kur-eu aqcawq tsawrjeuq tsawrca maqngeur.

Gaˬlaˬtiˆ 2:15 ပူးပေါင်းရင်းမြစ်များ

Maꞈtehˬ 9:11

Paˬliˬsehˇ deuˬ kʼoeˇ gaˇ ya mawˇ ngeh Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Naw maꞈ-euˬ saˬ laˬ aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ dzaˬ taꞈ dawˇ taꞈ ta.”

Luˇkaꞈ 24:7

‘Tsawˇhaˬ-euˬ Zaˬmaˇ-ahˇ iˬ baˇ zaˬ deuˬ-euˬ aˬ laꞈ laꞈ kʼoeˇ a nehˬ-awˇ laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a’ lehˇ ehˇ nehˬ laꞈ-euˬ maˬ ngeuˇ-a loˇ.”

Gʼaˬkʼehˇ 22:21

Aˬ yawꞈ ngaˬ-ahˇ ehˇ-eu, ‘Iˇ-awˬ. Gaˇ mahˇ kaˬ gaˇ jawˇ-eu aˬ cawˬ tsawˇ jeuˬ tsawˇ ca deuˬ jawˇ gaˇ ngaˇ nawˬ-ahˇ kʼehˇ gʼeh-eu ma.”’

Lormav 3:9

Toˆ-ehˇ maˇ-iˬ, aˬ dui Yuˇdaˆ tsawˇ haˬ deuˬ-aˬ, Yuˇdaˆ tsawˇ haˬ maˬ ngeuˇ-eu deuˬ naˆ maˬ tseˇ muiˬ dzehˬ ta loˇ. Maˬ ngeuˇ-a. Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, dawˬ tawˆ luꞈ iˬ baˇ-euˬ baoˬ uˬ moˆ tiˬ kawˆ loꞈ-ehˇ jawˇ luꞈ-eu meh lehˇ ngaˇ ehˇ dzeuˇ gʼaˬ-euˬ ma.

Lormav 4:16

Kʼoeˇ miˇ neh, Miˬyehˇ-euˬ saˇ jaˇ kʼoeˇ hmˬ Zahˇ daˬ kʼoꞈ dawˬ mehˬ nah caw teh-eu deuˬ-ahˇ tehꞈ-ehˇ maˬ taꞈ-ehˇ, Aˬbyaˬhaˬ loꞈ-ehˇ jah-eu tsawˇ haˬ deuˬ-ahˇ kʼawꞈ taꞈ leˇ ni, Aˬbyaˬhaˬ-euˬ zaˬ deuˬ uˆ deuˬ dawˬ tawˆ luꞈ-ahˇ yawꞈ ngehꞈ-ehˇ biꞈ nehˬ-euˬ jeˬ pyeuꞈ-eu gʼaˇ duˬ, jah-eu jeˬ-ahˇ taꞈ-eu saˇ jaˇ bi pyeuꞈ-euˬ meh. Aˬ jeˬ miˇ neh ehˇ naˇ, Aˬbyaˬhaˬ-aˬ, guiˬ lahˬ saꞈ laˇ paw aˬ dui dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

Gaˬlaˬtiˆ 2:17

Toˆ-ehˇ ngeuˇ naˇ, Ka li laꞈ kʼoeˇ Miˬyehˇ-ahˇ aˬ dui tsaˬ leˇ tsahˇ leˇ nya ni leh jeh luꞈ ngeh, aˬ dui kʼawꞈ Yuˇdaˆ tsawˇ haˬ maˬ ngeuˇ-eu deuˬ naˆ ni iˬ baˇ zaˬ pyeuꞈ luꞈ-eu ngeuˇ naˇ, Ka li-aˬ iˬ baˇ-euˬ gʼaˇ duˬ mˇ luꞈ shaˇ luꞈ ta loˇ. Maˬ ngeuˇ-a.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Piˇliˇpiˆ 3:4

Ngaˇ kʼawꞈ, kʼoeˇ loꞈ-ehˇ gʼeh-eu deuˬ-ahˇ gʼoe mawꞈ naˇ gʼoe nya ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ gʼoe nya ma lehˇ aˬ cawˬ noeˬ-eu ngeuˇ naˇ, ngaˇ-aˬ, kʼoeˇ naˆ maˬ tseˇ noeˬ nya-eu gaˇ ma dahˇ ma.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

1 Saˬmeuˬlaˆ 15:18

Maˬ tsaˬ maˬ dawˇ-eu Aˬmaˬlehˇ tsawˇ haˬ kʼoeˇ deuˬ-ahˇ laˆ luˬ laˆ seˇ-iˇ-awˬ lehˇ, Sahˬpaˬ Miˬyehˇ nawˬ-ahˇ dawˬ biꞈ-awˇ bi iˇ-euˬ meh. Aˬ yawꞈ maꞈ dawˬ tawˆ luꞈ-ahˇ sehꞈ jiˇ ngeh keuˆ ni guiˇ deuˆ-awˬ lehˇ, aˬ yawꞈ nawˬ-ahˇ ehˇ nehˬ taˬ-euˬ meh.