Gaˬlaˬtiˆ 2:13 - Akha

¹³ Yuˇ daˆ tsawˇ haˬ Ka li zaˬ nui deuˬ kʼawꞈ, nui ma baˬ-iˇ jiˇ-awˇ, Beˬtuˆluˆ kʼaˇ mˇ-eu mehˬ nah caw teh-euˬ meh. Baˬnaˬbaˆ-ahˇ keuˆ ni kʼoeˇ loꞈ-ehˇ pyeuꞈ-iˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yurdav tsawrhaq nuideuq khawf, aqyawf kharmr-eu maeqnan cantae luf-eu mae. Baqnaqbar khawf aqyawfmaf lof-aer janrluf-eu mae.

Gaˬlaˬtiˆ 2:13 ပူးပေါင်းရင်းမြစ်များ

Aˇ dahˬ 27:24

Ehˇ kʼawꞈ, “Nawˇ aˬ diˇ aˬ maˇ Iˇsawˇ ma loˇ” lehˇ aˬ yawꞈ tiˬ poˆ paˇ naˇ haˬ duˬ-euˬ meh. Yaˬkoˆ gʼeh, “Ngeuˇ ma” lehˇ paˇ ehˇ kʼoꞈ nehˬ-euˬ meh.

2 Saˬmeuˬlaˆ 16:19

Ngaˬ-euˬ sahˬ paˬ-euˬ aˬ li-euˬ gaˇ ngaˇ maˬ mˇ-ehˇ, aˬ suˇ gʼaˬ-euˬ gaˇ paˇ mˇ nmˇ. Nawˬ da-euˬ gaˇ ngaˇ mˇ dzeuˇ laꞈ-euˬ loꞈ-ehˇ, nymˬ-mˇ poˆ jawˇ nawˬ-euˬ gaˇ ngaˇ mˇ ma.”

Yawˇbaˆ 15:12

Ehˇ kʼawꞈ, nawˇ nui ma daˆ laˇ taˬ-awˇ, nga maꞈ-ahˇ mˇ guiˇ haw-eu meh.

Dawˬ tsoˆ 10:1

Puˬ saˆ yaw shiˇ tiˬ mawˇ baˬ da neh, tsiˇ yaw saw tiˬ tsaꞈ tsaꞈ lah ni buꞈ-iˇ nya-awˇ, aˬ dzawˬ aˇ gah ui cuiˆ tehꞈ-ehˇ gah-euˬ ba da neh, huiˬ dui dui-eu tsawˇ gahˇ deuˬ cawˆ-iˇ nya-eu meh.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Maꞈtehˬ 23:28

Kʼoeˇ loꞈ-ehˇ duˇ ni, aˬ cawˬ mehˬ shi naw maꞈ laꞈ nyiˇ paw yaw tsaˬ yaw dawˇ tsawˇ haˬ pyeuꞈ kʼawꞈ, laꞈ kʼoeˇ paw jaˬ myawꞈ mehˇ shuiˇ hawˇ-eu iˬ baˇ tiˬ byah ni ahˇ-eu meh.

Gʼaˬkʼehˇ 4:36

Guˇbaˬluˇ iˇ jaw lahˇ miˇ kʼahˬ-ahˇ dehꞈ le-euˬ Leˬbiˇ tsawˇ jeuˬ Yoˇsehˆ lehˇ myahˇ-euˬ tiˬ gʼaˬ jawˇ-eu meh. Gʼaˬ kʼehˇ deuˬ neh aˬ yawꞈ-ahˇ Baˬnaˬbaˇ lehˇ myahˇ paˇ nehˬ-euˬ meh. Baˬnaˬbaˇ lehˇ ehˇ-eu dawˬ tsuiꞈ-aˬ, “Gʼaˬ biꞈ-eu gʼaˬ” lehˇ ehˇ mawꞈ-eu meh.

1 Gawˇliˬtu 12:2

Naw maꞈ lawˇ ciꞈ zaˬ pyeuꞈ luꞈ ngeh, yaw dehꞈ maˬ dehꞈ-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ gʼawˬ mya jeˬ gʼawˬ mya kawˆ bahˬ-iˇ-euˬ gaˇ kawˆ naw maꞈ siˬ nya meh.

1 Gawˇliˬtu 15:33

Taˬ noeˬ lehˬ. “Maˬ muiˬ-eu deuˬ-ahˇ cawˬ cawˬ naˇ, yaw muiˬ jeˬ mˇ mawꞈ-eu nui ma cawˆ-iˇ tehꞈ-a.”

1 Gawˇliˬtu 5:6

Naw maꞈ nui ma huiˬ-eu maˬ tsaˬ-a. “Dehˬ tseˬ ui cuiˆ tehꞈ kʼawꞈ, kaˬ muˇ tiˬ tsmˇ tsmˇ lah ni bi poˬ laˇ nya meh” lehˇ ehˇ taˬ-euˬ jaˆ-eu naw maꞈ siˬ nya meh.

1 Gawˇliˬtu 8:9

Ehˇ kʼawꞈ, naw maꞈ mˇ mawꞈ-eu jeˬ mˇ nya-eu aˬ kawˬ-aˬ jaˆ-eu baˬ da neh, jah-eu gʼaˬ byehˆ byehˆ-eu tsawˇ haˬ deuˬ iˬ baˇ maˬ ya bi mˇ ni yahˇ-eu tsaˬ meh.

Gaˬlaˬtiˆ 2:1

Tseˇ oeˬ kʼoꞈ paˇ gʼeh-awˇ, Baˬnaˬbaˆ nga nyaꞈ Tiˇtuˆ sheuˬ-awˇ Yeˬluˇsaˬlehˬ meuˬ-ahˇ paˇ iˇ-euˬ ma.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.