Gaˬlaˬtiˆ 2:1 - Akha

¹ Tseˇ oeˬ kʼoꞈ paˇ gʼeh-awˇ, Baˬnaˬbaˆ nga nyaꞈ Tiˇtuˆ sheuˬ-awˇ Yeˬluˇsaˬlehˬ meuˬ-ahˇ paˇ iˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, 14 khof dzeur-ir-awr, Baqnaqbar, nga’nyaf, Yeqlursaqlaeq-anr parle-euq ma. Tirtuv khawf sheuq-awr le-euq ma.

Gaˬlaˬtiˆ 2:1 ပူးပေါင်းရင်းမြစ်များ

Gʼaˬkʼehˇ 11:25

Kʼoeˇ naˇ, Daˬsuˇ meuˬ-ahˇ Baˬnaˬbaˇ iˇ-awˇ, Pawˇluˆ-ahˇ poˆ-iˇ-euˬ meh.

Gʼaˬkʼehˇ 11:30

Aˬ yawꞈ maꞈ kʼoeˇ loꞈ-ehˇ jahˇ-awˇ, Baˬnaˬbaˇ hawˇ-eu Sawˇluˆ aˬ nyaꞈ-ahˇ neh tiˬ tiˆ, Ka li zaˬ aˇ muˇ-euˬ aˬ yuiꞈ aˬ tsu deuˬ jawˇ gaˇ pyuˇ dawˆ ahˇ gʼeh-euˬ meh.

Gʼaˬkʼehˇ 12:25

Baˬnaˬbaˇ hawˇ-eu Sawˇluˆ aˬ nyaꞈ-aˬ, aˬ yawꞈ nyaꞈ ya mˇ-eu saˬ saˬ naˬ gaˇ mˇ luiˆ yaꞈ-awˇ, Maˬkuˆ lehˇ kʼawꞈ kuˇ-eu Yoˇhaˬ-ahˇ sheuˬ-awˇ, Yeˬluˇsaˬlehˬ meuˬ-ahˇ neh gʼoꞈ daˆ leˇ-euˬ meh.

Gʼaˬkʼehˇ 13:2

Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 14:12

Baˬnaˬbaˇ-ahˇ Juˇsaˆ lehˇ aˬ yawꞈ maꞈ myahˇ nehˬ-awˇ, Pawˇluˆ gʼaˬ-aˬ ngehˬ zaˬ tmˇ zaˬ pyeuꞈ-eu miˇ neh, Heˬmeˬ lehˇ myahˇ nehˬ-euˬ meh.

Gʼaˬkʼehˇ 15:25

Kʼoeˇ miˇ neh, nga maꞈ bawˬ dzaˬ-awˇ dawˬ tawˆ luꞈ nui ma tsaˬ-eu laꞈ kʼoeˇ, naw maꞈ jawˇ gaˇ bi laˇ-eu tsawˇ haˬ tseˇ doˆ-euˬ ma. Aˬ dui-euˬ Sahˬpaˬ Yeˬsuˇ Ka li gʼaˇ duˬ yawˬ ha-euˬ gʼawˇ mawˇ shiˇ gaˇ maˬ guˆ ni gaˇ mˇ-eu nga maꞈ zawˇ gaˬ-eu Baˬnaˬbaˇ hawˇ-eu Pawˇluˆ aˬ nyaꞈ nehˬ-ehˇ, nga maꞈ neh tseˇ doˆ-euˬ tsawˇ haˬ bi laˇ caw ma.

1 Gawˇliˬtu 9:6

Maˬ ngeuˇ naˇ, Baˬnaˬbaˇ nga nyaꞈ tehꞈ-ehˇ yawˬ haˇ yawˬ ha ya poˆ dzaˬ ta loˇ.

2 Gawˇliˬtu 2:13

Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.

2 Gawˇliˬtu 8:16

Ngaˇ naw maꞈ gʼaˇ duˬ nui ma keuˆ-eu loꞈ-ehˇ, Tiˇtuˆ kʼawꞈ nui ma keuˆ ni Miˬyehˇ jahˇ-euˬ miˇ neh, Miˬyehˇ-euˬ guiˬ lahˬ-ahˇ ja ceuˬ ngeh maˬ jiˇ nya.

2 Gawˇliˬtu 8:23

Tiˇtuˆ gʼaˬ-aˬ, ngaˬ-euˬ gaˇ mˇ cawˬ pyeuꞈ-eu loꞈ-ehˇ, ngaˬ nehˬ-ehˇ tiˬ kawˆ loꞈ-ehˇ naw maꞈ-ahˇ caw ba-eu gaˇ mˇ luꞈ meh. Aˬ yawꞈ nehˬ-ehˇ oe caw-euˬ aˬ yuiꞈ aˬ nyiˇ nui deuˬ-aˬ, Ka li-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ Ka li zaˬ aˇ muˇ deuˬ-euˬ dah zaˇ oe-euˬ meh.

Gaˬlaˬtiˆ 1:18

Aˇ nah ba smˇ kʼoꞈ gʼeh-awˇ neh hawˇ-eu Yeˬluˇsaˬlehˬ meuˬ-ahˇ ngaˇ iˇ-awˇ, Beˬtuˆluˆ jawˇ gaˇ dawˬ deh gʼa leˇ-euˬ ma. Aˬ yawꞈ nehˬ-ehˇ tseˇ ngaˬ nah byah ni ngaˇ jawˇ-euˬ ma.

Gaˬlaˬtiˆ 2:13

Yuˇ daˆ tsawˇ haˬ Ka li zaˬ nui deuˬ kʼawꞈ, nui ma baˬ-iˇ jiˇ-awˇ, Beˬtuˆluˆ kʼaˇ mˇ-eu mehˬ nah caw teh-euˬ meh. Baˬnaˬbaˆ-ahˇ keuˆ ni kʼoeˇ loꞈ-ehˇ pyeuꞈ-iˇ taˬ-euˬ meh.

Gaˬlaˬtiˆ 2:3

Ngaˬ-euˬ gaˇ mˇ cawˬ Tiˇtuˆ-aˬ, Heˬlaˬsaˇ tsawˇ haˬ pyeuꞈ-eu meh. Ehˇ kʼawꞈ, aˬ yawꞈ-ahˇ baˆ kʼoˆ mehˬ dzaˬ ya yehˬ meh lehˇ maˬ bi ka tiˇ-aˬ.

Gaˬlaˬtiˆ 2:9

Aˬ yuiꞈ aˬ tsu geuꞈ luˬ-eu deuˬ pyeuꞈ-eu, Yaˬkoˆ, Beˬtuˆluˆ, Yoˇhaˬ aˬ ha maꞈ kʼawꞈ, Miˬyehˇ neh ngaˬ-ahˇ huiˬ-eu gaˇ heu hmˬ bi mˇ-euˬ meh lehˇ jah-eu meh. Kʼoeˇ miˇ neh, Baˬnaˬbaˆ nga nyaꞈ-ahˇ laꞈ tsaꞈ tsaꞈ-awˇ mˇ cawˬ shaˇ cawˬ loꞈ-ehˇ ha geuꞈ nehˬ laꞈ-euˬ meh. Baˬnaˬbaˆ nga nyaꞈ-aˬ, aˬ cawˬ tsawˇ jeuˬ jawˇ gaˇ mˇ leˇ-awˇ, aˬ yawꞈ maꞈ-aˬ, Yuˇdaˆ tsawˇ haˬ deuˬ jawˇ gaˇ gaˇ mˇ-eu gʼaˇ duˬ yawˬ gʼaˬ na luꞈ nui ma tsaˬ-euˬ ma.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Tiˇtuˆ 1:4

Jah-eu jeˬ laꞈ kʼoeˇ ngaˬ nehˬ-ehˇ tiˬ gaˇ taꞈ-eu ngaˬ li-ahˇ duˇ-eu Tiˇtuˆ jawˇ gaˇ sahˬ boꞈ boꞈ ahˇ laꞈ-eu ma. Aˬ da Miˬyehˇ hawˇ-eu aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, nawˬ-euˬ kʼoeˇ taˆ jaˆ luꞈ-uˇ.