Gaˬlaˬtiˆ 1:8 - Akha

⁸ Nga maꞈ maˬ ehˇ, mˬ taˆ gʼaˬ kʼehˇ-ahˇ keuˆ ni maˬ ehˇ, nga maꞈ neh naw maꞈ-ahˇ mehˬ-euˬ Laˬ kʼaˬ cehˇ-eu Guiˬ lahˬ dawˬ heu-ahˇ beu gaˇ-eu Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ mehˬ naˇ, kʼaˇ mehˬ-euˬ gʼaˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nga’maf maqaer, mq-anr nae oe-euq ghaqkhaer deuq maqkaq, nga’maf nae nawmaf-anr maeqnaeq dzeur-euq guiqlanq dawq-anr nae beugar-eu jeq maeq nar-aq, aqyawf-euq khoertav yaqkhaer yaq-eu jeq keuvle luf-ur!

Gaˬlaˬtiˆ 1:8 ပူးပေါင်းရင်းမြစ်များ

Aˇ dahˬ 9:25

“Kaˬnaˬ-euˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Aˬ yawꞈ-euˬ mehˇ nmˇ deuˬ-euˬ zaˬ kʼaˆ aˬ yawꞈ ya geuꞈ luꞈ-uˇ.

1 Sahˬpaˬ 13:18

Beˬdeˬlaˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ ehˇ-eu, , “Ngaˇ kʼawꞈ, nawˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ ma. Mˬ taˆ gʼaˬ kʼehˇ tiˬ gʼaˬ-ahˇ Sahˬpaˬ Miˬyehˇ kʼehˇ gʼeh leꞈ-awˇ, nawˬ-ahˇ sheuˬ kʼoꞈ laˬ-iˇ-awˇ bi dzaˬ bi dawˇ-awˬ lehˇ ehˇ le-euˬ meh.” Maˇ maˇ ni ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ jaˬ myawꞈ myawꞈ luꞈ-eu meh.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Yeˬlaˬmiˇ 23:16

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬlaˬmiˇ 23:36

Kʼoeˇ miˇ neh, ‘Sahˬpaˬ Miˬyehˇ-euˬ kʼaˆ behˆ’ lehˇ ehˇ-eu dawˬ aˬ yawꞈ maꞈ ngehˬ-eu maˬ tsaˬ-a. Aˬ jeˬ miˇ neh ehˇ naˇ, tsawˇ haˬ tiˬ gʼaˬ na kʼoeˇ loꞈ-ehˇ ngehˬ naˇ, ngaˬ-euˬ dawˬ aˬ yawꞈ gʼaˇ duˬ maˇ maˇ ni kʼaˆ behˆ bi pyeuꞈ ma. Tsawˇ haˬ heu deuˬ-aˬ, aˬ yawꞈ maꞈ-euˬ Miˬyehˇ dehꞈ luꞈ-eu Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ dawˬ-ahˇ laˆ jawꞈ-euˬ meh.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maˬkuˆ 14:71

Beˬtuˆluˆ ehˇ-eu, “Ngaˇ jaˬ myawꞈ maˬ myawꞈ lehˇ kamˬ peuˬ ma. Ngaˇ jaˬ myawꞈ myawꞈ lawˬ naˇ, Miˬyehˇ ngaˬ-ahˇ kʼehˬ luꞈ-uˇ. Naw maꞈ ehˇ-eu tsawˇ haˬ kʼoeˇ gʼaˬ-ahˇ ngaˇ maˇ maˇ ni maˬ siˬ nya nya.”

Gʼaˬkʼehˇ 23:14

Kʼoeˇ naˇ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ jawˇ gaˇ aˬ yawꞈ maꞈ iˇ-awˇ ehˇ-eu, “Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma nga maꞈ tiˬ kawˆ loꞈ-ehˇ saˇ jaˇ dzaˬ gʼaˬ taˬ-euˬ ma.

Lormav 16:17

Aˬ yuiꞈ aˬ nyiˇ Ka li zaˬ deuˬ-oˇ, ngaˇ naw maꞈ-ahˇ heu loꞈ-ehˇ shaˇ-eu ma. Aˇ maꞈ aˇ muˇ paˆ-iˇ ni jahˇ-awˇ, jah-eu tsawˇ haˬ deuˬ-ahˇ gaˇ ma sheuˬ bahˬ-eu laꞈ kʼoeˇ, naw maꞈ-ahˇ mehˬ taˬ tsoˆ taˬ-euˬ jeˬ-ahˇ maˬ duˇ-eu yawˬ jeˬ yawˬ mehˬ-eu tsoˆ-eu tsawˇ haˬ deuˬ-ahˇ yahˇ-awˬ.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

1 Gawˇliˬtu 12:3

Miˬyehˇ-euˬ Yaw sahˇ sheuˬ gʼeh-eu uˬ moˆ jawˇ-eu tsawˇ haˬ tiˬ gʼaˬ-iˬ “Yeˬsuˇ-ahˇ yaˬ kʼehˇ yaˬ luꞈ-uˇ” lehˇ maˬ ehˇ-aˇ lehˇ naw maꞈ bi siˬ duˬ mawꞈ miˇ-a. Kʼoeˇ loꞈ-ehˇ duˇ ni, Muiˬ-eu Shawˇ-eu Yaw sahˇ Miˬyehˇ sheuˬ gʼeh-eu uˬ moˆ maˬ jawˇ naˇ, tsawˇ haˬ tiˬ gʼaˬ-iˬ “Yeˬsuˇ-aˬ Sahˬpaˬ meh” lehˇ maˬ ehˇ nya-aˇ.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

Gaˬlaˬtiˆ 1:9

Yaw beh nga maꞈ neh ehˇ dzeuˇ-euˬ dawˬ-ahˇ nymˬ-mˇ ngaˇ paˇ ehˇ poˆ-eu ma. Tsawˇ haˬ tiˬ gʼaˬ na, naw maꞈ neh ha geuꞈ dzeuˇ-euˬ Laˬ kʼaˬ cehˇ-eu Guiˬ lahˬ dawˬ-ahˇ beu gaˇ-eu Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ mehˬ laˇ naˇ, aˬ yawꞈ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ.

Gaˬlaˬtiˆ 3:10

Zahˇ dawˬ kʼoꞈ dawˬ-ahˇ mˇ byah gaˇ gʼoe gʼoe-ehˇ dehꞈ-eu tsawˇ haˬ deuˬ-aˬ, yaˬ kʼehˇ yaˬ-eu jeˬ-ahˇ ya daˬ-eu meh. Aˬ jeˬ miˇ neh ehˇ naˇ, “Zahˇ dawˬ kʼoꞈ dawˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ aˬ myah luꞈ maˬ byehˇ ni maˬ caw teh geuꞈ-eu tsawˇ haˬ-aˬ, Miˬyehˇ neh yaˬ kʼehˇ yaˬ-euˬ jeˬ-ahˇ ya daˬ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Gaˬlaˬtiˆ 3:13

Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.

Tiˇtuˆ 3:10

Aˇ muˇ biˇ paˆ-eu lehˇ leh jeh-eu tsawˇ haˬ-ahˇ, kʼaˇ teˬ-eu nyiˬ poˆ keuˆ ni mehˬ nehˬ-awˇ, maˬ naˇ haˬ geuꞈ naˇ, byehˇ tsehˆ tsehˆ-awˬ.

Yawˇshuˆ 9:23

Naw maꞈ kʼoeˇ loꞈ-ehˇ jaˬ myawꞈ myawꞈ-euˬ miˇ neh, Miˬyehˇ naw maꞈ-ahˇ yaˬ kʼehˇ yaˬ gʼaˬ-euˬ meh. Naw maꞈ tsawˇ haˬ-aˬ, aˬ myah luꞈ aˬ cawˬ zaˬ kʼaˆ ya geuꞈ-awˇ, ngaˬ-eu Miˬyehˇ-euˬ nymˇ gʼaˇ duˬ miˬ dzaˬ kʼehꞈ-eu hawˇ-eu iˇ cuꞈ kʼawꞈ-eu tsawˇ haˬ ya geuꞈ tehꞈ-a.”

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

1 Saˬmeuˬlaˆ 26:19

Ngaˇ aˬ jeˬ mˇ lehˬ taˬ-euˬ jaˆ ta. Sahˬ paˬ-oˇ, ngaˇ ehˇ gaˇ tiˬ poˆ naˇ haˬ sheˇ, Nawˇ ngaˬ-ahˇ muiˇ ni Sahˬpaˬ Miˬyehˇ neh jahˇ-euˬ ngeuˇ naˇ, aˬ yawꞈ-ahˇ lawˇ nehˬ shehˇ nehˬ ngeh aˬ yawꞈ nui ma paˇ laˇ tehꞈ-a. Ehˇ kʼawꞈ, tsawˇ haˬ zaˬ neh jahˇ-euˬ jeˬ ngeuˇ naˇ, aˬ yawꞈ maꞈ kʼoeˇ taˆ Sahˬpaˬ Miˬyehˇ neh yaˬ kʼehˇ yaˬ nehˬ-euˬ jeˬ keuˆ le luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ miˇ kʼahˬ laꞈ kʼoeˇ neh aˬ yawꞈ maꞈ ngaˬ-ahˇ teh doˆ-awˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ maˬ ngeuˇ naˇ uˬ duˬ tahˬ kʼaˇ maˬ za-eu bawˇ tsahˬ bawˇ dahˇ laꞈ kʼoeˇ bi shaˬ laꞈ-euˬ meh.