Gaˬlaˬtiˆ 1:6 - Akha

⁶ Ka li-euˬ guiˬ lahˬ yaw dzahˇ laꞈ kʼoeˇ naw maꞈ-ahˇ kuˇ-euˬ gʼaˬ-ahˇ naw maꞈ yaw awˇ laꞈ-ehˇ byehˇ dzeh-awˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ-ahˇ ha geuꞈ-eu kawˇ dui dui gaˇ ngaˇ zahˬ dui dui leˇ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

Gaˬlaˬtiˆ 1:6 ပူးပေါင်းရင်းမြစ်များ

Jaceuq 106:13

Ehˇ kʼawꞈ, aˬ yawꞈ neh mˇ nehˬ-euˬ jeˬ-ahˇ, tiˬ kʼehˇ laˇ kʼehˬ laꞈ kʼoeˇ aˬ yawꞈ maꞈ ngehˇ jiˇ-awˇ, aˬ yawꞈ mehˬ nehˬ gaˇ maˬ dawˬ keuˆ ni dehꞈ-euˬ meh.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Maˬkuˆ 6:6

Tsawˇ ha koeˇ deuˬ jah-eu nui ma maˬ ahˇ gaˇ aˬ yawꞈ zahˬ dui dui leˇ-euˬ meh. Kʼoeˇ naˇ, kʼoeˇ gaˇ jaˆ-eu pu deuˬ-ahˇ Yeˬsuˇ iˇ-awˇ mehˬ nehˬ tsoˆ nehˬ-euˬ meh.

Yoˇhaˬ 9:30

Myaˆ nuiˆ mawˇ laˇ-euˬ tsawˇ haˬ kʼoeˇ gʼaˬ ehˇ-eu, “Naw maꞈ ngehˬ-eu dawˬ teu dawˬ-ahˇ ngaˇ zahˬ dui dui leˇ nya. Aˬ yawꞈ ngaˬ-ahˇ myaˆ nuiˆ bi mawˇ laˇ ngeh keuˆ ni, aˬ yawꞈ aˬ gaˇ neh oe-euˬ naw maꞈ maˬ siˬ nya nya lehˇ la.

Gʼaˬkʼehˇ 15:11

Sahˬpaˬ Yeˬsuˇ-euˬ guiˬ lahˬ yaw dzahˇ baˬ da neh aˬ dui ka kʼoꞈ-eu jeˬ za-euˬ ma lehˇ jah-eu ma. Kʼoeˇ loꞈ-ehˇ duˇ ni, aˬ yawꞈ maꞈ kʼawꞈ ka kʼoꞈ-eu jeˬ kʼoeˇ loꞈ-ehˇ za tehꞈ-a.”

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 8:28

Miˬyehˇ-euˬ nui kʼahˇ mˇ-eu gʼaˇ duˬ kuˇ doˆ taˬ-euˬ aˬ yawꞈ-ahˇ gaˬ-eu tsawˇ haˬ deuˬ gʼaˇ duˬ, yawˬ jeˬ na luꞈ laꞈ kʼoeˇ yaw muiˬ jeˬ doˆ laˇ ni Miˬyehˇ mˇ luꞈ meh lehˇ aˬ dui siˬ nya ma.

Lormav 8:30

Aˬ yawꞈ neh sheuˬ ceuˆ doˆ taˬ-euˬ tsawˇ haˬ deuˬ-ahˇ aˬ yawꞈ kuˇ-euˬ meh. Aˬ yawꞈ neh kuˇ-euˬ tsawˇ haˬ deuˬ aˬ yawꞈ-ahˇ tsaˬ leˇ tsahˇ leˇ nya ni aˬ yawꞈ jahˇ-euˬ meh. Aˬ yawꞈ-ahˇ tsaˬ leˇ tsahˇ leˇ gʼaˬ-euˬ tsawˇ haˬ deuˬ-ahˇ aˬ yawꞈ-euˬ yaw shehꞈ kʼahˬ sehˇ biꞈ nehˬ-euˬ meh.

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

2 Gawˇliˬtu 11:4

Naw maꞈ jawˇ gaˇ kʼaˇ laˇ-eu tsawˇ haˬ-ahˇ naw maꞈ ha geuꞈ-awˇ, nga maꞈ neh mehˬ-euˬ Yeˬsuˇ maˬ ngeuˇ-eu Yeˬsuˇ yawˬ gʼaˬ yawˬ-euˬ gaˇ kawˆ mehˬ gaˇ naˇ haˬ-eu laꞈ kʼoeˇ, nga maꞈ neh naw maꞈ-ahˇ biꞈ-euˬ Yaw sahˇ Miˬyehˇ hawˇ-eu Laˬ kʼaˬ cehˇ-eu Guiˬ lahˬ dawˬ-ahˇ beu gaˇ dui dui-eu yaw sahˇ yawˬ gʼaˬ yawˬ hawˇ-eu laˬ kʼaˬ cehˇ-eu guiˬ lahˬ dawˬ yawˬ jeˬ yawˬ-ahˇ naw maꞈ laˬ kʼaˬ cehˇ taˆ ni ha geuꞈ-euˬ meh.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

Gaˬlaˬtiˆ 1:11

Aˬ yuiꞈ aꞈ nyiˇ Ka li zaˬ deuˬ-oˇ, ngaˇ mehˬ luꞈ-eu Laˬ kʼaˬ cehˇ-eu Guiˬ lahˬ dawˬ heu-aˬ, tsawˇ haˬ zaˬ jawˇ gaˇ neh doˆ le-euˬ maˬ ngeuˇ-eu naw maꞈ bi siˬ nya mawꞈ miˇ-a.

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

Gaˬlaˬtiˆ 1:7

Maˇ maˇ ni ehˇ naˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ maˬ jaˆ-a. Ehˇ kʼawꞈ, naw maꞈ-ahˇ laˆ bahˬ-awˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ yuˇ pyawˆ mawꞈ-eu tsawˇ haˬ tiˬ deuˬ jawˇ-eu miˇ neh, ngaˇ heu loꞈ-ehˇ ehˇ-eu ma.

Gaˬlaˬtiˆ 2:14

Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ-ahˇ tsaˬ ni aˬ yawꞈ maꞈ maˬ cah-eu miˇ neh, aˬ yawꞈ maꞈ dawˬ tawˆ luꞈ-euˬ mehˬ shi Beˬtuˆluˆ-ahˇ ngaˇ heu loꞈ-ehˇ ehˇ nehˬ-euˬ ma. “Nawˇ-aˬ, Yuˇdaˆ tsawˇ haˬ pyeuꞈ-eu kʼawꞈ, Yuˇdaˆ tsawˇ haˬ loꞈ-ehˇ maˬ dehꞈ ni, aˬ cawˬ tsawˇ jeuˬ loꞈ-ehˇ dehꞈ-eu meh. Toˆ-ehˇ ngeuˇ naˇ, aˬ cawˬ tsawˇ jeuˬ deuˬ Yuˇdaˆ tsawˇ haˬ loꞈ-ehˇ dehꞈ ni nawˇ aˬ joˆ-ehˇ sheuˬ pyawˇ nya nmˇ.”

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Gaˬlaˬtiˆ 2:5

Ehˇ kʼawꞈ, Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ naw maꞈ nehˬ-ehˇ ziꞈ dah ni jaˆ nya ni, aˬ yawꞈ maꞈ-euˬ ehˇ dawˬ nga maꞈ tiˬ pawꞈ-iˬ maˬ geuꞈ nehˬ-aˬ.

Gaˬlaˬtiˆ 2:7

Kʼoeˇ uˬ taꞈ, Yuˇdaˆ tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Beˬtuˆluˆ-ahˇ Miˬyehˇ neh gaˇ biꞈ taˬ-euˬ loꞈ-ehˇ, aˬ cawˬ tsawˇ jeuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Miˬyehˇ neh ngaˬ-ahˇ gaˇ biꞈ taˬ-euˬ meh lehˇ aˬ yawꞈ maꞈ haw mawˇ-eu meh.

Gaˬlaˬtiˆ 5:14

Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ dawˬ tawˆ luꞈ, “Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ” lehˇ ehˇ-eu dawˬ kʼoeˇ dawˬ laꞈ kʼoeˇ byah laˇ jiˇ-euˬ meh.

Gaˬlaˬtiˆ 5:4

Naw maꞈ Zahˇ dawˬ kʼoꞈ dawˬ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ ni leh jeh-eu tsawˇ haˬ deuˬ-aˬ, Ka li-ahˇ maˬ paˇ taꞈ-ehˇ, Miˬyehˇ gʼawˬ shaˬ gaˬ-eu guiˬ lahˬ-euˬ laꞈ nyiˇ paw jawˇ-eu tsawˇ haˬ deuˬ pyeuꞈ-eu meh.

2 Teˇsaˬloˇni 2:14

Naw maꞈ kʼoeˇ loꞈ-ehˇ bi pyeuꞈ laˇ-eu gʼaˇ duˬ, nga maꞈ neh naw maꞈ-ahˇ mehˬ-euˬ Laˬ kʼaˬ cehˇ-eu Guiˬ lah dawˬ-ahˇ gʼoe-awˇ naw maꞈ-ahˇ Miˬyehˇ kuˇ-euˬ meh. Aˬ dui-euˬ Sahˬpaˬ Yeˬsuˇ Ka li-euˬ yaw shehꞈ kʼahˬ sehˇ-ahˇ naw maꞈ za nya ni, Miˬyehˇ neh naw maꞈ-ahˇ kuˇ-euˬ jeˬ pyeuꞈ-eu meh.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.

1 Tiˆmoˇseˬ 1:3

Maˬgeˬdawˇniˆ miˇ kʼahˬ-ahˇ ngaˇ iˇ luꞈ ngeh nawˬ-ahˇ ehˇ nehˬ-euˬ loꞈ-ehˇ, Eˇpeˇsu meuˬ laꞈ kʼoeˇ bi jawˇ mawꞈ miˇ-a. Kʼoeˇ gaˇ jawˇ-eu tsawˇ haˬ tiˬ paˆ na deuˬ beu gaˇ-eu jah-eu jeˬ gaˇ kawˆ mehˬ luꞈ-eu meh. Maˬ mehˬ ni bi naˬ-eu gʼaˇ duˬ nawˇ dawˬ ya biꞈ meh.

2 Tiˆmoˇseˬ 1:9

Aˬ dui neh mˇ-euˬ shaˇ-euˬ jeˬ baˬ da neh, aˬ yawꞈ aˬ dui-ahˇ ka kʼoꞈ-awˇ aˬ yawꞈ-euˬ zaˬ bi pyeuꞈ laˇ-euˬ maˬ ngeuˇ-a. Aˬ yawꞈ neh noeˬ taˬ-euˬ jeˬ hawˇ-eu aˬ yawꞈ-euˬ guiˬ lahˬ yaw dzahˇ baˬ da neh bi pyeuꞈ laˇ-euˬ meh. Mˬ hawˇ-eu miˇ maˬ seu le mi naˆ-ehˇ, Yeˬsuˇ Ka li-ahˇ gʼoe-awˇ guiˬ lahˬ yaw dzahˇ kʼoeˇ biꞈ taˬ leꞈ-euˬ meh.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

1 Beˬtuˆluˆ 1:15

Naw maꞈ-ahˇ kuˇ-eu gʼaˬ pyeuꞈ-eu Miˬyehˇ muiˬ-eu shawˇ-eu loꞈ-ehˇ, naw maꞈ kʼaˇ mˇ kʼaˇ shaˇ-eu jeˬ bi muiˬ bi shawˇ-awˬ.

2 Beˬtuˆluˆ 1:3

Aˬ yawꞈ-euˬ yaw shehꞈ kʼahˬ sehˇ hawˇ-eu muiˬ dui byah dui dui-eu jeˬ-ahˇ aˬ dui za nya ni, aˬ dui-ahˇ kuˇ-euˬ gʼaˬ-ahˇ aˬ dui siˬ nya-eu laꞈ kʼoeˇ, Miˬyehˇ-ahˇ yaw zeu baw-awˇ dehꞈ nya-eu gʼaˇ duˬ, aˬ dui kʼaˇ loˬ-eu jeˬ dawˬ tawˆ luꞈ Miˬyehˇ-euˬ muiˬ-eu shawˇ-eu baoˬ aˬ dui-ahˇ biꞈ laꞈ-euˬ meh.

Panmaeq 22:21

Sahˬpaˬ Yeˬsuˇ-euˬ guiˬ lahˬ yaw dzahˇ yawˬ gʼaˬ na luꞈ kʼoeˇ taˆ jaˆ luꞈ-uˇ.