Gaˬlaˬtiˆ 1:4 - Akha

⁴ Haiˬ dui dui-eu ziˇ heu ziˇ-ahˇ aˬ dui ya buˬ-iˇ ni aˬ dui-euˬ Aˬda Miˬyehˇ nui ma tsaˬ-eu loꞈ-ehˇ, aˬ dui-euˬ iˬ baˇ aˇ poeˬ Ka li aˬ yawꞈ-euˬ gʼawˇ mawˇ lawˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Gaˬlaˬtiˆ 1:4 ပူးပေါင်းရင်းမြစ်များ

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Iˇsaˬyaˇ 65:17

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ yaw shuiꞈ miˇ yaw shuiꞈ ngaˇ beh luꞈ ma. Kʼaˇ pyeuꞈ dzeuˇ-euˬ jeˬ dawˬ tawˆ luꞈ ya ngehˇ byoˆ jiˇ tehꞈ-a.

Maꞈtehˬ 13:22

Aˬ gah gah yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-euˬ kʼawꞈ, shiˬ shaˬ jiˇ gaˇ kawˆ kʼahˬ lahˇ-eu jeˬ hawˇ-eu, pyuˇ shuiˇ myawˬ gahˬ-ahˇ gaˬ-eu nui ma neh bi uˆ tehˬ-awˇ, aˇ siˬ maˬ siˬ le nya-eu tsawˇ haˬ deuˬ-ahˇ ehˇ mawꞈ-eu meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Maꞈtehˬ 26:42

Yeˬsuˇ tiˬ poˆ paˇ iˇ-awˇ, “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ ngaˇ maˬ dawˇ-ehˇ maˬ bi dzeuˇ-iˇ nya naˇ, nawˇ nui ma tsaˬ-eu loꞈ-ehˇ bi pyeuꞈ-awˬ” lehˇ guiˬ lahˬ paˇ shaˇ poˆ-iˇ-euˬ meh.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Maˬkuˆ 10:45

Aˬ jeˬ miˇ neh ehˇ naˇ, Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu lehˇ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah-eu lehˇ oe-euˬ meh.”

Luˇkaꞈ 22:19

Kʼoeˇ loꞈ-ehˇ ehˇ gʼaˬ ngeh, aˬ yawꞈ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-awˇ ngawˬ pyehˬ-euˬ meh. Kʼoeˇ naˇ, aˬ yawꞈ maꞈ-ahˇ biˇ nehˬ-awˇ ehˇ-eu, “Heu-aˬ, naw maꞈ gʼaˇ duˬ lawˇ nehˬ-euˬ ngaˬ-euˬ gʼawˇ mawˇ ma. Ngaˬ-ahˇ noeˬ keuˆ-eu laꞈ kʼoeˇ heu loꞈ-ehˇ mˇ-awˬ.”

Luˇkaꞈ 22:42

“Aˬ da-oˇ, nawˇ nui ma tsaˬ naˇ shaˬ zahˬ naꞈ dui dui-eu kʼmˬ maˬ heu kʼmˬ-ahˇ bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ laꞈ. Nawˬ-euˬ nui noeˬ bi pyeuꞈ-awˬ.”

Yoˇhaˬ 10:11

“Ngaˇ-aˬ, muiˬ-eu yawˇ bo-eu yaw sahˇ ma. Yawˇ deuˬ-euˬ gʼaˇ duˬ ngaˇ shiˇ dah peuˬ ma.

Yoˇhaˬ 12:31

Nymˬ-mˇ miˇ tsaˬ heu-ahˇ yaˇ kʼaˬ daˇ-eu aˇ yamˬ tsaˬ laˇ-euˬ meh. Nymˬ-mˇ miˇ tsaˬ heu-ahˇ uˆ lahˇ luꞈ-eu gʼaˬ bi teh dzeh tehꞈ-a.

Yoˇhaˬ 5:30

“Ngaˬ-euˬ baoˬ-ahˇ ngaˇ gʼoe-awˇ yawˬ haˇ yawˬ ha tiˬ jeˬ-iˬ maˬ mˇ nya-a. Miˬyehˇ ngaˬ-ahˇ ehˇ nehˬ laꞈ-euˬ loꞈ-ehˇ ngaˇ yaˇ kʼaˬ daˇ-eu ma. Kʼoeˇ miˇ neh, ngaˬ neh yaˇ kʼaˬ daˇ-euˬ-aˬ, tsaˬ-eu dawˇ-eu meh. Aˬ jeˬ miˇ neh ehˇ naˇ, ngaˬ-euˬ nui kʼahˇ ngaˇ maˬ mˇ-ehˇ, ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ-eu ma.

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 12:2

Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.

Lormav 4:25

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Lormav 8:27

Tsawˇ haˬ zaˬ-euˬ nui ma-ahˇ haw mawˇ nya-eu Miˬyehˇ-aˬ, Yaw sahˇ Miˬyehˇ noeˬ luꞈ-eu jeˬ-ahˇ siˬ nya-eu meh. Aˬ jeˬ miˇ neh ehˇ naˇ, Yaw sahˇ Miˬyehˇ-aˬ, Miˬyehˇ-euˬ tsawˇ haˬ deuˬ-euˬ dah zaˇ, Miˬyehˇ-euˬ nui ma-ahˇ tsaˬ ni guiˬ lahˬ shaˇ-eu meh.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 5:16

Naw maꞈ za-euˬ muiˬ-eu aˇ yamˬ-ahˇ gaˇ dahˇ tsoeˬ ni zmˬ-awˬ. Aˬ jeˬ miˇ neh ehˇ naˇ, aˇ nah aˇ yamˬ heu yamˬ-aˬ, haiˬ-eu aˇ yamˬ pyeuꞈ-eu meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Piˇliˇpiˆ 4:20

Aˬ dui-euˬ Aˬda Miˬyehˇ mˬ maˬ maˬ byaˆ zaˇ ziˇ yaw shehꞈ kʼahˬ sehˇ huiˬ luꞈ-uˇ. Aˬ miˬ.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

1 Teˇsaˬloˇni 3:11

Naw maꞈ jawˇ gaˇ nga maꞈ laˇ nya ni, aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ gaˇ ma laˆ dahˇ nehˬ laꞈ luꞈ-uˇ.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

2 Teˇsaˬloˇni 2:16

Aˬ dui-euˬ Sahˬpaˬ Yeˬsuˇ Ka li hawˇ-eu, aˬ myah luꞈ nui ma kʼaˬ duˬ ni gʼeh-awˇ noeˬ tmˬ-eu jeˬ laꞈ kʼoeˇ ziꞈ nya-eu guiˬ lahˬ yaw dzahˇ biꞈ laꞈ-eu gʼaˬ pyeuꞈ-eu aˬ dui-ahˇ gaˬ-eu Aˬda Miˬyehˇ,

1 Tiˆmoˇseˬ 2:6

Tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, aˬ yawꞈ-euˬ gʼawˇ mawˇ biꞈ dah-euˬ meh. Kʼoeˇ-aˬ, tsawˇ haˬ yawˬ gʼaˬ na luꞈ-ahˇ Miˬyehˇ ka kʼoꞈ mawꞈ-eu gaˇ kawˆ, aˇ yamˬ tsaˬ laˇ ngeh bi siˬ bi mawˇ le-euˬ saˇ kiˇ pyeuꞈ-eu meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 2:5

Miˬyehˇ-aˬ, nymˬ-mˇ aˬ dui ja luꞈ-eu, aˬ kaˇ keuˆ le-eu lehˇ gʼeh-eu miˇ tsaˬ tahˬ kʼawˇ yaw shuiꞈ kʼoeˇ-ahˇ, mˬ taˆ gʼaˬ kʼehˇ deuˬ neh bi uˆ lahˇ-eu lehˇ gʼeh-eu maˬ ngeuˇ-a.

HeˬByehˇ 6:5

Miˬyehˇ-euˬ dawˬ kawˬ aˇ naˆ ni muiˬ-eu gaˇ kawˆ aˬ yawꞈ maꞈ-euˬ nui maˬ laꞈ kʼoeˇ ya siˬ ya mawˇ duˬ-awˇ, Miˬyehˇ uˆ lahˇ le-eu aˇ yamˬ-ahˇ taꞈ leˇ-eu baoˬ kʼoeˇ-ahˇ aˬ yawꞈ maꞈ ya siˬ duˬ gʼaˬ-euˬ meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.

1 Beˬtuˆluˆ 3:18

Tsawˇ haˬ zaˬ-euˬ iˬ baˇ gʼaˇ duˬ Ka li tiˬ poˆ tehꞈ-ehˇ kamˇ shiˇ-euˬ meh. Aˬ yawꞈ kamˇ shiˇ-euˬ kʼoeˇ-aˬ, iˬ baˇ zaˬ deuˬ-ahˇ Miˬyehˇ jawˇ gaˇ sheuˬ gʼeh-eu gʼaˇ duˬ, iˬ baˇ maˬ ahˇ-eu tsawˇ haˬ tiˬ gʼaˬ iˬ baˇ zaˬ deuˬ-euˬ dah zaˇ kamˇ shiˇ-euˬ jeˬ pyeuꞈ-awˇ, mˬ maˬ maˬ byaˆ zaˇ ziˇ gʼaˇ duˬ tiˬ poˆ tehꞈ-ehˇ kamˇ shiˇ-euˬ jeˬ pyeuꞈ-eu meh. Shiˬ shaˬ jiˇ paw taꞈ leˇ-awˇ aˬ yawꞈ-ahˇ sehꞈ-euˬ kʼawꞈ, saꞈ laˇ paw taꞈ leˇ-awˇ Miˬyehˇ neh aˬ yawꞈ-ahˇ bi dehꞈ-euˬ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

1 Yoˇhaˬ 3:16

Aˬ dui gʼaˇ duˬ Ka li shiˇ dah-euˬ miˇ neh, gʼoeˇ-eu gaˬ-eu jeˬ lehˇ ehˇ-eu-aˬ, kʼoeˇ loꞈ-ehˇ gʼeh gaˇ ehˇ-eu meh lehˇ aˬ dui siˬ nya-eu ma. Aˬ dui kʼawꞈ, aˬ dui-euˬ tsawˇ haˬ pyeuꞈ-eu jah-eu tsawˇ haˬ deuˬ gʼaˇ duˬ shiˇ dah-eu tsaˬ meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.

Panmaeq 7:9

Kʼoeˇ naˇ, ngaˇ paˇ haw gʼeh ngeh, tsawˇ haˬ tiˬ gʼaˬ-iˬ maˬ gui jiˇ coeˇ ni myaˬ-eu tsawˇ haˬ aˇ maꞈ tiˬ maꞈ-ahˇ ya mawˇ-euˬ ma. Aˬ yawꞈ maꞈ-aˬ, miˇ tsaˬ tsawˇ jeuˬ tsawˇ ca dawˬ tawˆ luꞈ-ahˇ taꞈ-eu tsawˇ haˬ deuˬ pyeuꞈ-awˇ, pyuˇ deuˬ ni gʼeh-eu pehˇ kʼahˬ pehˇ mahˇ dm-awˇ aˬ laꞈ-ahˇ daoˇ uˬ pyaˬ yuˇ luꞈ-awˇ, dzoeˬ dzaˬ nuiˇ mahˬ hawˇ-eu Yawˇzaˬ-euˬ mehˬ shi yawꞈ luꞈ-eu meh.