Gʼaˬkʼehˇ 9:8 - Akha

⁸ Sawˇluˆ miˇ tsa coˬ dzeh-euˬ tuˇ laˇ-awˇ, myaˆ nuiˆ byeh haw-euˬ meh. Ehˇ kʼawꞈ, myaˆ nuiˆ maˬ mawˇ nya-a. Kʼoeˇ miˇ neh, aˬ yawꞈ maꞈ aˬ yawꞈ-euˬ aˬ laꞈ-ahˇ tsahˇ-awˇ, Daˬmaˬsehˇ meuˬ-ahˇ sheuˬ keuˆ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Sawrluv, mirtsa nae turlar-awr, myavnuiv byae ngae, tiqjeq-iq maq mawrnya-a. Khoermirnae, aqyawfmaf, aqyawf-euq aqlaf-anr nyaeftaeq-awr, Daqmaqsaer-anr sheuqur lef-euq mae.

Gʼaˬkʼehˇ 9:8 ပူးပေါင်းရင်းမြစ်များ

Aˇ dahˬ 14:15

Kʼoeˇ gaˇ iˇ keuˆ ngeh, aˬ yawꞈ-euˬ tsawˇ haˬ deuˬ-ahˇ aˇ muˇ biˇ paˆ-awˇ, sahˬ paˬ kʼoeˇ deuˬ-ahˇ uˬ ciꞈ paw deuˆ-awˇ deuˆ gʼaˬ-euˬ meh. Daˬmaˬsehˇ meuˬ laꞈ taˆ paw pyawˬ-ahˇ jaˆ-eu Hawˇbaˬ meuˬ-ahˇ keuˆ ni, sahˬ paˬ kʼoeˇ deuˬ-euˬ mehˬ nah aˬ yawꞈ teh-euˬ meh.

Aˇ dahˬ 19:11

Kʼoeˇ naˇ, daˬ yah kʼoeˇ nyiˬ gʼaˬ neh, laˇ gʼoˆ dawˬ peh jawˇ-eu tsawˇ haˬ kʼoeˇ deuˬ-ahˇ tahˬ sawˇ bi sawˇ-iˇ jiˇ-awˇ, laˇ gʼoˆ maˬ poˆ mawˇ nya ni bi shaˬ-euˬ meh.

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Gʼaˬkʼehˇ 13:11

SahˬpaˬMiˬyehˇ-euˬ aˬ laꞈ nawˬ-euˬ kʼoeˇ taˆ nymˬ-mˇ keuˆ le-awˇ, nawˇ yaw shehꞈ-ahˇ maˬ mawˇ nya ni myaˆ behꞈ behꞈ-iˇ-awˇ, tiˬ coeˬ tiˬ law ya shaˬ tehꞈ-a.” Tiˬ poˆ tehꞈ-ehˇ, zahˇ tsui ni gʼeh-eu juˬ kʼoeˬ aˬ yawꞈ-euˬ myaˆ nuiˆ-ahˇ tmˬ tsoeˬ-awˇ, aˬ yawꞈ jawˬ jawˬ-ehˇ cah cah-ehˇ, aˬ yawꞈ-euˬ aˬ laꞈ-ahˇ tsahˇ-awˇ bi sheuˬ gʼeh-eu tsawˇ haˬ-ahˇ poˆ-eu meh.

Gʼaˬkʼehˇ 22:11

Yaw shehꞈ kʼoeˇ baˬ da neh ngaˬ-euˬ myaˆ nuiˆ maˬ mawˇ nya-ehˇ pyeuꞈ-iˇ-awˇ, ngaˬ-euˬ cawˬ kʼoeˇ deuˬ neh aˬ laꞈ-ahˇ bi tsahˇ-awˇ Daˬmaˬsehˇ meuˬ-ahˇ le uˇ-euˬ ma.

Gʼaˬkʼehˇ 9:18

Kʼoeˇ ngeh, ngaˬ shaˬ ngaˬ gʼaw loꞈ-ehˇ gʼeh-eu jeˬ Sawˇluˆ-euˬ myaˆ nuiˆ-ahˇ neh tiˬ poˆ tehꞈ-ehˇ ga doˆ le-awˇ, myaˆ nuiˆ mawˇ laˇ-euˬ meh. Aˬ yawꞈ tuˇ-awˇ, iˇ cuꞈ shawˇ-euˬ meh.

Gʼaˬkʼehˇ 9:9

Smˬ nah keuˆ ni aˬ yawꞈ myaˆ nuiˆ maˬ mawˇ nya-a. Kʼoeˇ smˬ nah laꞈ kʼoeˇ, aˬ yawꞈ maˬ dzaˬ maˬ dawˇ ni jawˇ-euˬ meh.

2 Gawˇliˬtu 11:32

Ngaˇ Daˬmaˬsehˇ meuˬ laꞈ kʼoeˇ jawˇ luꞈ ngeh, sahˬ paˬ Aˬleˬdaˇ-euˬ laꞈ oˆ uˆ lahˇ luꞈ-eu gʼaˬ neh ngaˬ-ahˇ bi nyehꞈ-eu gʼaˇ duˬ meuˬ-euˬ lahˇ kʼehˬ-ahˇ bi loꞈ tsoeˬ jiˇ taˬ-euˬ meh.

Gaˬlaˬtiˆ 1:17

Yeˬluˇsaˬlehˬ meuˬ-ahˇ ngaˬ-euˬ aˬ hu neh gʼaˬ kʼehˇ geuꞈ luꞈ-eu deuˬ jawˇ gaˇ kʼawꞈ, ngaˇ maˬ iˇ haw-aˬ. Tiˬ poˆ tehꞈ-ehˇ Aˬleˬbyaˇ miˇ kʼahˬ-ahˇ iˇ-awˇ, Daˬmaˬsehˇ meuˬ-ahˇ gʼoꞈ laˇ-euˬ ma.