Gʼaˬkʼehˇ 9:38 - Akha

³⁸ Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Lurda-aq, Yurbeq meuq-euq dawqpae jav-eu mirnae, Beqtuvluv khoergar jawr mae laer zaqlanr deuq yagaq ngae, aqyawfmaf, aqyawf jawr-eu gar tsawrhaq nyiq ghaq khaerghae lef-awr, maq nyinaqni aqyawfmaf jawr-eu gar oe-awq laer bi tanqshar ler-euq mae.

Gʼaˬkʼehˇ 9:38 ပူးပေါင်းရင်းမြစ်များ

2 Laˬsaˬbaˬ 2:16

Leˬbaˬnoˬ gawˬ jawˬ deuˬ-ahˇ miˬ shuˬ aˇ bawˇ deuˬ nga maꞈ tuˇ uiˬ-awˇ, poeˇ kaꞈ-awˇ Yuˇbeˬ meuˬ-ahˇ keuˆ ni nawˬ ha keuˆ nehˬ ma. Kʼoeˇ gaˇ neh naˇ, Yeˬluˇsaˬlehˬ meuˬ-ahˇ nawˇ yuˇ keuˆ geuꞈ-awˬ.”

Eˇzaˬlaˬ 3:7

Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Yawˇnaˆ 1:3

Ehˇ kʼawꞈ, Yawˇnaˆ-aˬ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ, yawˬ paw yawˬ iˇ gʼeh-euˬ meh. Yuˇbeˬ meuˬ-ahˇ aˬ yawꞈ iˇ-awˇ, Saˬbeˬ miˇ kʼahˬ-ahˇ iˇ-eu lehˇ gʼeh luꞈ-eu saˇ baoˬ tiˬ laˇ iˇ puˬ-euˬ meh. Aˬ yawꞈ saˇ baoˬ dziˬ poeˬ biꞈ-awˇ, saˇ baoˬ kʼoeˇ taˆ gaˇ mˇ-eu tsawˇ haˬ deuˬ nehˬ-ehˇ dziˬ leˇ-awˇ, (Saˬbeˬ miˇ kʼahˬ-ahˇ) Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ iˇ gʼeh-euˬ meh.

Gʼaˬkʼehˇ 10:5

Nymˬ-mˇ, Yuˇbeˬ meuˬ-ahˇ tsawˇ haˬ pyehˬ gʼeh-awˇ, Beˬtuˆluˆ lehˇ kuˇ-eu Siˇmoˬ-ahˇ bi kuˇ laˬ-iˇ-awˬ.

Gʼaˬkʼehˇ 10:8

Kʼaˇ pyeuꞈ laˇ-euˬ gaˇ kawˆ kʼoeˇ aˬ ha smˇ gʼaˬ-ahˇ dzawˇ nehˬ-awˇ, Yuˇbeˬ meuˬ-ahˇ kʼehˇ gʼeh-euˬ meh.

Gʼaˬkʼehˇ 11:13

Aˬ yawꞈ-euˬ nymˇ laꞈ kʼoeˇ yawꞈ le-euˬ mˬ taˆ gʼaˬ kʼehˇ-ahˇ aˬ yawꞈ aˬ joˆ-ehˇ mawˇ-euˬ gaˇ kawˆ hawˇ-eu, mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu gaˇ kawˆ, aˬ yawꞈ nga maꞈ-ahˇ dzawˇ nehˬ laꞈ-euˬ meh. ‘Yuˇbeˬ meuˬ-ahˇ tsawˇ haˬ pyehˬ gʼeh-awˇ, Beˬtuˆluˆ lehˇ kuˇ-eu Siˇmoˬ-ahˇ biˬ kuˇ laˬ-iˇ-awˬ.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 11:5

“Yuˇbeˬ meuˬ-ahˇ ngaˇ guiˬ lahˬ shaˇ luꞈ ngeh, yaw sahˇ laꞈ kʼoeˇ heu loꞈ-ehˇ ya mawˇ-euˬ ma. Aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˇ-ahˇ aˇ caˆ paꞈ-awˇ, mˬ-ahˇ neh aˬ za za-ehˇ pyehˬ ka leꞈ-awˇ, ngaˬ-euˬ dawˬ peh naˬ le-euˬ meh.

Gʼaˬkʼehˇ 9:19

Kʼoeˇ naˇ, aˬ yawꞈ hawˬ dzaˬ-awˇ, gʼaˬ kʼoꞈ laˇ-euˬ meh. Sawˇluˆ-aˬ, Daˬmaˬsehˇ meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ ui cuiˆ yaw myaˬ nah jawˇ-euˬ meh.

Gʼaˬkʼehˇ 9:32

Beˬtuˆluˆ-aˬ, doe doe-ehˇ cah cah-ehˇ jawˇ-euˬ meh. Tiˬ poˆ-aˬ, Luˇda meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ dawˬ deh gʼa-iˇ-euˬ meh.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Gʼaˬkʼehˇ 9:42

Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.

Gʼaˬkʼehˇ 9:43

Beˬtuˆluˆ-aˬ, Yuˇbeˬ meuˬ laꞈ kʼoeˇ Siˇmoˬ lehˇ myahˇ-euˬ shaˬ kʼoˆ jahˇ-eu gʼaˬ nehˬ-ehˇ gʼawˬ mya nah jawˇ-euˬ meh.

Yawˇshuˆ 19:46

Meˬjaˬkoˬ meuˬ, Laˬkoˬ meuˬ hawˇ-eu, Yuˇbeˬ meuˬ-euˬ gahˬ kaˬ meh.