Gʼaˬkʼehˇ 9:23 - Akha

²³ Gʼawˬ mya nah byah laˇ-awˇ, Sawˇluˆ-ahˇ sehꞈ-eu gʼaˇ duˬ Yuˇdaˆ tsawˇ haˬ deuˬ bawˬ kʼoeˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Ghawqmya nan dzeur-ir ngae, Yurdav tsawrhaq deuq, Sawrluv-anr saef-eu laer tov-eu mae.

Gʼaˬkʼehˇ 9:23 ပူးပေါင်းရင်းမြစ်များ

Gʼaˬkʼehˇ 13:50

Ehˇ kʼawꞈ, meuˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ hawˇ-eu, Miˬyehˇ-ahˇ uˬ duˬ tahˬ-eu myaˆ pyawˬ naˇ mehˇ jaˆ-eu aˬ cawˬ tsawˇ jeuˬ zaˬ miˬ zaˬ deuˬ, Pawˇluˆ hawˇ-eu Baˬnaˬbaˇ-ahˇ nui ma pehˇ ni Yuˇdaˆ tsawˇ haˬ deuˬ kawˆ-awˇ, aˬ yawꞈ nyaꞈ-ahˇ bi kʼehˬ-awˇ, miˇ kʼahˬ kʼoeˇ kʼahˬ-ahˇ neh bi teh dzeh-euˬ meh.

Gʼaˬkʼehˇ 14:19

Biˇsiˇdiˇ miˇ kʼahˬ Aˬdiˇawˬ meuˬ hawˇ-eu Iˇgawˇniˇ meuˬ-ahˇ jawˇ-eu Yuˇdaˆ tsawˇ haˬ tiˬ deuˬ laˇ-awˇ, tsawˇ haˬ aˇ maꞈ-ahˇ aˬ yawꞈ maꞈ jawˇ paw pyawˬ ni mehˇ shuiˇ shuiˇ tawˆ-awˇ, Pawˇluˆ-ahˇ kʼaˬ lo biˬ-awˇ, shiˇ-euˬ ngaˇ lehˇ noeˬ-awˇ, meuˬ laꞈ nyiˇ gʼeu dzeh ha-iˇ-euˬ meh.

Gʼaˬkʼehˇ 14:2

Ehˇ kʼawꞈ, maˬ jah-eu Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ kawˆ-awˇ, jah-eu tsawˇ haˬ deuˬ-ahˇ muiˇ laˇ ni jahˇ-euˬ meh.

Gʼaˬkʼehˇ 20:3

Kʼoeˇ gaˇ ba la smˇ siˬ byah ni aˬ yawꞈ jawˇ-euˬ meh. Suˇliˆ miˇ kʼahˬ-ahˇ gʼoꞈ leˇ-eu lehˇ lehˬ hmˬ luꞈ ngeh, Yuˇdaˆ tsawˇ haˬ deuˬ aˬ yawꞈ-ahˇ sehꞈ-eu lehˇ nawˬ jawˬ luꞈ-eu gaˇ kawˆ siˬ leˇ-awˇ, Maˬgeˬdawˇniˆ miˇ kʼahˬ paw neh gʼoꞈ leˇ-eu gʼaˇ duˬ noeˬ tsehˆ-euˬ meh.

Gʼaˬkʼehˇ 23:12

Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Gʼaˬkʼehˇ 9:16

Ngaˬ-euˬ tsawˇ myahˇ gʼaˇ duˬ kʼehˬ-eu kʼaˆ-eu jeˬ-ahˇ aˬ yawꞈ aˇ naˆ ni ya daˬ paˬ-ehˇ jaˆ-eu gaˇ kawˆ, aˬ yawꞈ-ahˇ ngaˇ bi mawˇ ma.”

Gʼaˬkʼehˇ 9:22

Ehˇ kʼawꞈ, Sawˇluˆ dawˬ mehˬ mehˬ-eu baoˬ ahˇ dzehˬ laˇ-awˇ, Yeˬsuˇ-aˬ, Ka li pyeuꞈ-eu gaˇ kawˆ aˬ yawꞈ saˇ kiˇ kamˬ-eu tsaˬ dui byah dui dui-eu miˇ neh, Daˬmaˬsehˇ meuˬ-ahˇ jawˇ-eu Yuˇdaˆ tsawˇ haˬ deuˬ tiˬ jeˬ-iˬ maˬ ehˇ nya-a.

2 Gawˇliˬtu 11:26

Ngaˇ tiˬ kʼehˬ maˬ taˬ ni gaˇ ma doˆ-iˇ-eu laꞈ kʼoeˇ, gʼawˬ mya jeˬ-ahˇ guˆ kʼaˇ za za-ehˇ cah-euˬ ma. Lawˇ baˬ huiˬ le gaˇ maˬ ehˇ, tahˇ joe joe laˇ gaˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ kʼehˬ laˇ gaˇ maˬ ehˇ, guˆ guˆ-ehˇ cah-euˬ ma. Meuˬ laꞈ kʼoeˇ maˬ ehˇ, bawˇ tsahˬ bawˇ dahˇ-ahˇ maˬ ehˇ, iˬ ma laˆ shaˆ kʼoeˇ taˆ maˬ ehˇ, guˆ-eu gaˆ-eu jeˬ-ahˇ ya tahˬ puˬ-eu uˬ taꞈ, maˬ ngeuˇ-eu Ka li zaˬ deuˬ yehˬ bawˬ-ehˇ jahˇ laˇ gaˇ guˆ guˆ-ehˇ shaˬ haw-euˬ ma.