Gʼaˬkʼehˇ 9:19 - Akha

¹⁹ Kʼoeˇ naˇ, aˬ yawꞈ hawˬ dzaˬ-awˇ, gʼaˬ kʼoꞈ laˇ-euˬ meh. Sawˇluˆ-aˬ, Daˬmaˬsehˇ meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ ui cuiˆ yaw myaˬ nah jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Sawrluv, dzaqdzaq dawrdawr dzaqghaq dawrghaq ngae, ghaq anrkhof lar-euq mae. Khoernar-aq, Sawrluv, Daqmaqsaer-anr jawr-eu zaqlanr deuq naeq-aer heumyav nan jawr-euq mae.

Gʼaˬkʼehˇ 9:19 ပူးပေါင်းရင်းမြစ်များ

Dawˬ tsoˆ 9:7

Tsawˬ tuˇ-awˇ, nawˬ-euˬ dzaˇ nui kʼahˇ tiˬ shiˇ dzaˬ-awˇ, nawˬ-euˬ aˬ gaꞈ dzaˇ uiˇ tiˬ dehˆ dawˇ-eu laꞈ kʼoeˇ, laˬ kʼaˬ cehˇ taˆ ni dehꞈ-awˬ. Miˬyehˇ-ahˇ tiˬ jeˬ-iˬ maˬ bahˬ-aˇ.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 11:29

Zaˬ lahˇ deuˬ yawˬ gʼaˬ na luꞈ, yawˬ ha kʼaˇ gʼeh nya-eu loꞈ-ehˇ, Yuˇdaˆ miˇ kʼahˬ-ahˇ jawˇ-eu jah-eu tsawˇ haˬ deuˬ-ahˇ caw ba-eu gʼaˇ duˬ noeˬ tsehˆ-euˬ meh.

Gʼaˬkʼehˇ 26:20

Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.

Gʼaˬkʼehˇ 9:18

Kʼoeˇ ngeh, ngaˬ shaˬ ngaˬ gʼaw loꞈ-ehˇ gʼeh-eu jeˬ Sawˇluˆ-euˬ myaˆ nuiˆ-ahˇ neh tiˬ poˆ tehꞈ-ehˇ ga doˆ le-awˇ, myaˆ nuiˆ mawˇ laˇ-euˬ meh. Aˬ yawꞈ tuˇ-awˇ, iˇ cuꞈ shawˇ-euˬ meh.

Gʼaˬkʼehˇ 9:26

Sawˇluˆ Yeˬluˇsaˬlehˬ meuˬ-ahˇ gʼoꞈ-iˇ-awˇ, zaˬ lahˇ deuˬ nehˬ-ehˇ tiˬ kawˆ loꞈ-ehˇ jawˇ-eu lehˇ gʼeh-euˬ meh. Ehˇ kʼawꞈ, aˬ yawꞈ zaˬ lahˇ pyeuꞈ laˇ-euˬ gaˇ aˬ yawꞈ maꞈ maˬ jah-ehˇ, dawˬ tawˆ luꞈ aˬ yawꞈ-ahˇ guˆ-eu meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Gaˬlaˬtiˆ 1:17

Yeˬluˇsaˬlehˬ meuˬ-ahˇ ngaˬ-euˬ aˬ hu neh gʼaˬ kʼehˇ geuꞈ luꞈ-eu deuˬ jawˇ gaˇ kʼawꞈ, ngaˇ maˬ iˇ haw-aˬ. Tiˬ poˆ tehꞈ-ehˇ Aˬleˬbyaˇ miˇ kʼahˬ-ahˇ iˇ-awˇ, Daˬmaˬsehˇ meuˬ-ahˇ gʼoꞈ laˇ-euˬ ma.

1 Saˬmeuˬlaˆ 30:12

Lawꞈ koˆ taˬ-euˬ siˬ guˬ aˇ siˬ ui cuiˆ hawˇ-eu, aˬ gaꞈ aˇ siˬ yaw koˆ nyiˬ puˇ biꞈ-awˇ bi dzaˬ-euˬ meh. Aˬ yawꞈ dzaˬ gʼaˬ dawˇ gʼaˬ ngeh, gʼaˬ paˇ kʼoꞈ laˇ-euˬ meh. Aˬ yawꞈ tiˬ jeˬ-iˬ maˬ ya dzaˬ maˬ ya dawˇ ni jawˇ luꞈ-eu smˬ nah byah laˇ-euˬ meh.