Gʼaˬkʼehˇ 9:18 - Akha

¹⁸ Kʼoeˇ ngeh, ngaˬ shaˬ ngaˬ gʼaw loꞈ-ehˇ gʼeh-eu jeˬ Sawˇluˆ-euˬ myaˆ nuiˆ-ahˇ neh tiˬ poˆ tehꞈ-ehˇ ga doˆ le-awˇ, myaˆ nuiˆ mawˇ laˇ-euˬ meh. Aˬ yawꞈ tuˇ-awˇ, iˇ cuꞈ shawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Khoerngae, tiqpov taef-aer Sawrluv-euq myavnuiv-anr nae ngaqghaw lof-aer ghae-eu jeq gayawv le-awr, aqyawf-euq myavnuiv mawrnya lar-euq mae. Khoernar-aq, aqyawf turlar-awr bartirsaq hageuf-euq mae.

Gʼaˬkʼehˇ 9:18 ပူးပေါင်းရင်းမြစ်များ

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 2:41

Aˬ yawꞈ dawˬ mehˬ mehˬ gaˇ tsawˇ haˬ gʼawˬ mya ni jah leˇ-awˇ, iˇ cuꞈ bi shawˇ-euˬ meh. Kʼoeˇ ngeh nah tehꞈ-ehˇ, aˬ yawꞈ maꞈ-euˬ aˇ muˇ-ahˇ tsawˇ haˬ smˬ heˇ gʼaˬ lahˬ laˇ-euˬ meh.

Gʼaˬkʼehˇ 22:13

Aˬ yawꞈ ngaˇ jawˇ gaˇ laˇ-awˇ, ngaˬ-euˬ dawˬ peh yawꞈ-awˇ, ‘Aˬ nyiˇ Sawˇluˆ-oˇ, myaˆ nuiˆ mawˇ laˇ-awˬ’ lehˇ ehˇ ngeh, ja pyuˬ ni myaˆ nuiˆ paˇ mawˇ laˇ-awˇ, aˬ yawꞈ-ahˇ haw-euˬ ma.

Gʼaˬkʼehˇ 22:16

Nymˬ-mˇ nyi naˬ nyi naˬ-ehˇ taˬ paˇ jawˇ. Tuˇ-awˇ iˇ cuꞈ shawˇ-awˇ, aˬ yawꞈ-ahˇ guiˬ lahˬ shaˇ-eu laꞈ kʼoeˇ nawˬ-euˬ iˬ baˇ tsiˬ shawˇ-awˬ.’

Gʼaˬkʼehˇ 9:17

Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”

Gʼaˬkʼehˇ 9:19

Kʼoeˇ naˇ, aˬ yawꞈ hawˬ dzaˬ-awˇ, gʼaˬ kʼoꞈ laˇ-euˬ meh. Sawˇluˆ-aˬ, Daˬmaˬsehˇ meuˬ-ahˇ jawˇ-eu jah-eu tsawˇ haˬ deuˬ nehˬ-ehˇ ui cuiˆ yaw myaˬ nah jawˇ-euˬ meh.

Gʼaˬkʼehˇ 9:8

Sawˇluˆ miˇ tsa coˬ dzeh-euˬ tuˇ laˇ-awˇ, myaˆ nuiˆ byeh haw-euˬ meh. Ehˇ kʼawꞈ, myaˆ nuiˆ maˬ mawˇ nya-a. Kʼoeˇ miˇ neh, aˬ yawꞈ maꞈ aˬ yawꞈ-euˬ aˬ laꞈ-ahˇ tsahˇ-awˇ, Daˬmaˬsehˇ meuˬ-ahˇ sheuˬ keuˆ gʼeh-euˬ meh.

2 Gawˇliˬtu 3:14

Ehˇ kʼawꞈ, aˬ yawꞈ maꞈ nui ma gʼahˇ-eu meh. Iˬ nah keuˆ ni aˬ yawꞈ maꞈ dawˬ ma saˇ jaˇ yaw oeˇ-ahˇ kʼaˇ gui ngeh, myaˆ pyawˬ-ahˇ saˬ paˇ dehˬ kaˬ taˬ-euˬ kʼoeˇ maˬ yuˇ dzeh-aˬ siˬ. Aˬ jeˬ miˇ neh ehˇ naˇ, ka li-ahˇ maˬ taꞈ naˇ myaˆ pyawˬ-ahˇ dehˬ kaˬ taˬ-euˬ saˬ paˇ kʼoeˇ maˬ yuˇ dzeh nya-a.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.