Gʼaˬkʼehˇ 9:17 - Akha

¹⁷ Kʼoeˇ naˇ, Aˬnaˬniˇ iˇ-awˇ, nymˇ kʼoeˇ nymˇ-ahˇ uˇ-iˇ-awˇ, Sawˇluˆ kʼoeˇ taˆ aˬ laꞈ baꞈ daˆ-awˇ, heu loꞈ-ehˇ ehˇ nehˬ-euˬ meh. “Aˬ nyiˇ Sawˇluˆ-oˇ, nawˇ heu gaˇ laˇ luꞈ ngeh gaˇ pehˇ-ahˇ nawˬ-ahˇ bi mawˇ le-euˬ Sahˬpaˬ Yeˬsuˇ kʼoeˇ gʼaˬ ngaˬ-ahˇ nawˇ jawˇ gaˇ kʼehˇ gʼeh leꞈ-euˬ meh. Nawˇ myaˆ nuiˆ paˇ mawˇ laˇ-awˇ, Muiˬ-eu shawˇ-eu Yaw sahˇ Miˬyehˇ za nya ni, aˬ yawꞈ ngaˬ-ahˇ kʼehˇ gʼeh leꞈ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoermirnae, Aqnaqnir ir-awr, nymr khoernymr-anr urler-euq mae. Aqyawf, Sawrluv-euq khoertav aqlaf bafdav-awr aer-eu, “Maernmr Sawrluv-or! Nawr garpaer-anr oeluf ngae dovle-euq Sanqpaq Yeqsur khoerghaq, nawr myavnuiv mawrnya lar-awr, Yawshawr Saflar byanlarni, ngaq-anr khaerghae lef-euq mae.”

Gʼaˬkʼehˇ 9:17 ပူးပေါင်းရင်းမြစ်များ

Aˇ dahˬ 45:4

Kʼoeˇ ngeh, “Ngaˬ-euˬ dawˬ peh jiˆ laˇ-awˬ” lehˇ, aˬ ha mehˇ nmˇ-ahˇ Yoˇsehˆ ehˇ nehˬ-euˬ meh. Aˬ yawꞈ maꞈ jiˆ peh leˇ ngeh, Yoˇsehˆ heu loꞈ-ehˇ ehˇ-eu meh. “Ngaˇ-aˬ, naw maꞈ neh Iˇjiˇtuˆ miˇ kʼahˬ laꞈ kʼoeˇ ahˬ dzaˬ byoˆ-euˬ naw maꞈ-euˬ aˬ nyiˇ Yoˇsehˆ ma.

Maꞈtehˬ 19:13

Kʼoeˇ naˇ, Yeˬsuˇ neh aˬ laꞈ baꞈ daˆ-awˇ guiˬ lahˬ bi biꞈ-eu gʼaˇ duˬ, zaˬ yaw nyiˇ tiˬ deuˬ-ahˇ Yeˬsuˇ jawˇ gaˇ sheuˬ laꞈ-euˬ meh. Zaˬ sheuˬ ha laˇ-euˬ tsawˇ haˬ kʼoeˇ deuˬ-ahˇ zaˬ lahˇ deuˬ neh dehˬ-euˬ meh.

Maˬkuˆ 5:23

Yeˬsuˇ-ahˇ aˬ yawꞈ shaˇ dui dui-awˇ ehˇ-eu, “Ngaˬ buˇ shiˇ taw tehˬ ni naˇ luꞈ-eu meh. Aˬ yawꞈ jawˇ saˇ doˆ laˇ-awˇ yaw dehꞈ ya dehꞈ ni, aˬ yawꞈ koeˇ taˆ nawˬ-euˬ aˬ laꞈ tiˬ poˆ baꞈ daˆ nehˬ laˇ-awˬ.”

Maˬkuˆ 6:5

Kʼoeˇ gaˇ, zahˬ leˇ paˬ-ehˇ gʼeh-eu jeˬ aˬ yawꞈ maˬ mˇ mehˬ nya-a. Naˇ-eu gawˇ-eu tawˇ haˬ heu myaˆ gʼaˬ kʼoeˇ taˆ aˬ laꞈ baꞈ daˆ nehˬ-awˇ bi taˬ leˇ-euˬ jeˬ jahˇ nehˬ nya-euˬ tehꞈ meh.

Luˇkaꞈ 1:41

Maˬliˇ dawˬ cawˬ puˬ nehˬ gaˇ Eˇliˇsaˬbehˆ ya gaˬ ngeh, aˬ yawꞈ-euˬ uˬ maˆ laꞈ kʼoeˇ pi luꞈ-eu zaˬ kʼoeˇ gʼaˬ luˆ laˇ-awˇ, Eˇliˇsaˬbehˆ -ahˇ Muiˬ-eu Shawˇ-eu Yaw sahˇ Miˬyehˇ uˇ le-euˬ meh.

Luˇkaꞈ 1:67

Yoˇhaˬ-euˬ aˬ da Zaˬkaˬliˇ-ahˇ Muiˬ-eu Shawˇ-eu Yaw sahˇ Miˬyehˇ uˇ le-awˇ, Miˬyehˇ gʼaˇ duˬ heu loꞈ-ehˇ ngehˬ dah-eu meh.

Luˇkaꞈ 1:76

Ngaˬ-euˬ aˬ li pyeuꞈ-eu nawˬ-ahˇ, Huiˬ dui Mahˇ dui dui-eu gʼaˬ-euˬ ngehˬ zaˬ tmˇ zaˬ lehˇ kuˇ tehꞈ-a. Sahˬpaˬ iˇ-eu gaˇ ma mehˬ hu, nawˇ jeˬ huˬ ya iˇ huˬ taˬ-awˇ, gaˇ ma shaˇ dahˇ nehˬ-eu laꞈ kʼoeˇ,

Luˇkaꞈ 15:30

Ehˇ kʼawꞈ, nawˬ-euˬ pyuˇ shuiˇ myawˬ gahˬ deuˬ-ahˇ, meh maˬ laˇ nehˬ-ehˇ byawˬ gʼa byawˬ gʼa-ehˇ zmˬ dzeh jiˇ-euˬ nawˬ li heu li gʼoꞈ laˇ-euˬ gaˇ, cu tsuˇ taˬ-euˬ mawˇ neˇ mawˇ gaw zaˬ kʼoeˇ mawˇ sehꞈ nehˬ-euˬ nga laˬ.’

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 13:3

Kʼoeˇ ngeh, aˬ yawꞈ maꞈ maˬ dzaˬ-eu zahˇ jahˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ nyaꞈ kʼoeˇ taˆ aˬ laꞈ baꞈ daˆ nehˬ-awˇ kʼehˇ gʼeh-euˬ meh.

Gʼaˬkʼehˇ 13:52

Aˬdiˇawˬ meuˬ-ahˇ jawˇ-eu jah-eu tsawˇ haˬ kʼoeˇ deuˬ-aˬ, laˬ kʼaˬ cehˇ-eu jeˬ hawˇ-eu Muiˬ-eu shawˇ-eu Yaw sahˇ Miˬyehˇ tiˬ byah ni ahˇ luꞈ-eu meh.

Gʼaˬkʼehˇ 19:6

Aˬ yawꞈ maꞈ-ahˇ Pawˇluˆ aˬ laꞈ baꞈ daˆ nehˬ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ kʼoeˇ taˆ zaꞈ le-awˇ, aˬ yawꞈ maꞈ dawˬ gʼawˬ mya jeˬ ngehˬ-eu uˬ taꞈ, Miˬyehˇ gʼaˇ duˬ ngehˬ dah-eu dawˬ kʼawꞈ ngehˬ-euˬ meh.

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 21:20

Aˬ yawꞈ kʼoeˇ loꞈ-ehˇ dzawˇ nehˬ gaˇ ya gaˬ ngeh, aˬ yawꞈ maꞈ dawˬ tawˆ luꞈ Miˬyehˇ-ahˇ ja ceuˬ-euˬ meh. Kʼoeˇ naˇ, Pawˇluˆ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Aˬ nyiˇ Pawˇluˆ-oˇ, jah-eu tsawˇ haˬ pyeuꞈ laˇ-euˬ Yuˇdaˆ tsawˆ haˬ aˇ myaˆ ni jawˇ-eu hawˇ-eu, aˬ yawꞈ maꞈ Zahˇ dawˬ kʼoꞈ dawˬ-ahˇ aˇ naˆ ni nui ma keuˆ luꞈ-eu nawˇ mawˇ luꞈ meh.

Gʼaˬkʼehˇ 26:15

‘Sahˬpaˬ-oˇ, nawˇ aˬ suˇ gʼaˬ te’ lehˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. ‘Ngaˇ-aˬ, nawˇ kʼehˬ luꞈ-eu Yeˬsuˇ ma.

Gʼaˬkʼehˇ 4:31

Aˬ yawꞈ maꞈ guiˬ lahˬ shaˇ gʼaˬ ngeh, aˬ yawꞈ maꞈ uiˬ leˇ-awˇ jawˇ-eu jawˇ duˬ kʼoeˇ tsahˇ luˆ laˇ nyeh laˇ-awˇ, aˬ yawꞈ maꞈ dawˬ tawˆ luꞈ Muiˬ-eu shawˇ-eu Yaw sahˇ Miˬyehˇ byah laˇ-awˇ, nui ma kʼaˬ duˬ ni Miˬyehˇ dawˬ kawˬ mehˬ-euˬ meh.

Gʼaˬkʼehˇ 6:6

Aˇ muˇ neh aˬ yawꞈ maꞈ-ahˇ gʼaˬ kʼehˇ deuˬ jawˇ gaˇ sheuˬ gʼeh-awˇ, gʼaˬ kʼehˇ deuˬ guiˬ lahˬ shaˇ-awˇ, aˬ yawꞈ maꞈ kʼoeˇ taˆ aˬ laꞈ baꞈ daˆ nehˬ-euˬ meh.

Gʼaˬkʼehˇ 8:17

Beˬtuˆluˆ hawˇ-eu Yoˇhaˬ aˬ nyaꞈ aˬ yawꞈ maꞈ kʼoeˇ taˆ aˬ laꞈ baꞈ daˆ ngeh, aˬ yawꞈ maꞈ Muiˬ-eu shawˇ-eu Yaw sahˇ Miˬyehˇ za-euˬ meh.

Gʼaˬkʼehˇ 9:18

Kʼoeˇ ngeh, ngaˬ shaˬ ngaˬ gʼaw loꞈ-ehˇ gʼeh-eu jeˬ Sawˇluˆ-euˬ myaˆ nuiˆ-ahˇ neh tiˬ poˆ tehꞈ-ehˇ ga doˆ le-awˇ, myaˆ nuiˆ mawˇ laˇ-euˬ meh. Aˬ yawꞈ tuˇ-awˇ, iˇ cuꞈ shawˇ-euˬ meh.

Lormav 15:7

Ka li naw maꞈ-ahˇ ha geuꞈ-euˬ loꞈ-ehˇ, Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ ya mawˇ ni naw maꞈ tiˬ gʼaˬ tiˇ gʼaˬ ha geuꞈ-awˬ.

1 Gawˇliˬtu 15:47

Aˬdaˬ yaw beh gʼaˬ-aˬ, miˇ tsaˬ neh tehˆ-awˇ, miˇ tsaˬ-ahˇ neh doˆ laˇ-euˬ jeˬ pyeuꞈ-eu meh. Aˬdaˬ nyiˬ gʼaˬ tiˬ gʼaˬ-aˬ, mˬ-ahˇ neh oe-euˬ meh.

1 Gawˇliˬtu 15:8

Ngaˇ-aˬ, dehꞈ le yamˬ maˬ tsaˬ laˇ mi naˆ-ehˇ dehꞈ le-euˬ tsawˇ haˬ tiˬ gʼaˬ pyeuꞈ-eu kʼawꞈ, aˇ saˬ saˬ laˇ ngeh aˬ yawꞈ ngaˬ-ahˇ bi mawˇ le-euˬ meh.

1 Gawˇliˬtu 9:1

Ngaˇ yawˬ ha mˇ mawꞈ-eu jeˬ maˬ mˇ nya ni bi ka lahˇ taˬ-euˬ tsawˇ haˬ nga loˇ. Gʼaˬ kʼehˇ geuꞈ luꞈ-eu tsawˇ haˬ maˬ ngeuˇ nga loˇ. Aˬ dui-euˬ Sahˬpaˬ Yeˬsuˇ-ahˇ ya mawˇ-euˬ tsawˇ haˬ maˬ ngeuˇ nga loˇ. Naw maꞈ-aˬ, Sahˬpaˬ Miˬyehˇ-euˬ gaˇ-ahˇ ngaˬ neh mˇ-awˇ mˇ doˆ shaˇ doˆ taˬ-euˬ aˇ siˬ aˇ lu deuˬ maˬ ngeuˇ te loˇ.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

1 Tiˆmoˇseˬ 5:22

Sahˬpaˬ Miˬyehˇ-euˬ gaˇ mˇ-eu lehˇ noeˬ tsehˆ-awˇ gʼawˇ mawˇ a nehˬ-euˬ tsawˇ haˬ kʼoeˇ taˆ aˬ laꞈ baꞈ daˆ nehˬ-eu taˬ tehˬ. Aˬ cawˬ iˬ baˇ mˇ gaˇ maˬ ahˇ leˇ ni yawˬ haˇ yawˬ ha shawˇ jehˆ ni dehꞈ-awˬ.

2 Tiˆmoˇseˬ 1:6

Kʼoeˇ miˇ neh, nawˬ-euˬ kʼoeˇ taˆ ngaˇ aˬ laꞈ baꞈ daˆ-awˇ aˇ yaˬ biꞈ nehˬ ngeh, Miˬyehˇ laꞈ sawˬ biꞈ taˬ-euˬ jeˬ taˬ bi shiˇ tsehˆ lehˇ ngaˇ ehˇ-euˬ ma.

Piˇleˇmoˬ 1:16

Nymˬ-mˇ-aˬ, aˬ yawꞈ zaˬ kʼaˆ tiˬ gʼaˬ loˆ ni tehꞈ maˬ paˇ ngeuˇ meh. Ka li laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ pyeuꞈ laˇ-euˬ meh. Aˬ yawꞈ-aˬ, ngaˬ-euˬ gʼaˇ duˬ gaˇ dahˇ tsoeˬ dui dui-eu meh. Ngaˬ-euˬ gʼaˇ duˬ gaˇ dahˇ tsoeˬ-eu naˆ maˬ tseˇ, nawˬ-euˬ gʼaˇ duˬ zaˬ kʼaˆ tiˬ gʼaˬ loꞈ-ehˇ maˬ ehˇ, Sahˬpaˬ Yeˬsuˇ laꞈ kʼoeˇ aˬ yuiꞈ aꞈ nyiˇ tiˬ gʼaˬ loꞈ-ehˇ maˬ ehˇ, gaˇ dahˇ tsoeˬ dzehˬ tehꞈ-a.

HeˬByehˇ 6:2

Iˇ cuꞈ shawˇ-eu gaˇ kawˆ maˬ ehˇ, aˬ laꞈ cawˬ daˆ-awˇ aˇ yaˬ biꞈ-eu gaˇ kawˆ maˬ ehˇ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-eu gaˇ kawˆ maˬ ehˇ, Miˬyehˇ neh yaˇ kʼaˬ daˇ-euˬ jeˬ mˬ maˬ maˬ byaˆ zaˇ ziˇ ziꞈ-eu gaˇ kawˆ maˬ ehˇ, aˬ dui dzaw poˆ dzaw poˆ-ehˇ jawˇ yamˬ maˬ paˇ ngeuˇ meh.

2 Beˬtuˆluˆ 3:15

Miˬyehˇ neh biꞈ-euˬ zaˬ siˬ nui gahˇ-ahˇ gʼoe-awˇ, aˬ dui gaˬ dui dui-eu aˬ yuiꞈ aˬ nyiˇ pyeuꞈ-eu Pawˇluˆ neh naw maꞈ-ahˇ sahˬ boꞈ boꞈ ahˇ laꞈ-euˬ loꞈ-ehˇ, naw maꞈ ka kʼoꞈ-eu jeˬ bi za-eu gʼaˇ duˬ Sahˬpaˬ Yeˬsuˇ oˇ oˇ-ehˇ dawˬ luꞈ meh lehˇ noeˬ siˬ noeˬ mawˇ-awˬ.