Gʼaˬkʼehˇ 9:10 - Akha

¹⁰ Daˬmaˬsehˇ meuˬ laꞈ kʼoeˇ, Aˬnaˬniˇ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. Yaw sahˇ laꞈ kʼoeˇ bi siˬ bi mawˇ-eu jeˬ laꞈ kʼoeˇ, “Aˬnaˬniˇ-oˇ” lehˇ Sahˬpaˬ Yeˬsuˇ kuˇ ngeh, “Sahˬpaˬ-oˇ, ngaˇ heu gaˇ jawˇ ma” lehˇ, Aˬnaˬniˇ oˬ toˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Daqmaqsaer-anr Aqnaqnir laer kur-eu zaqlanr tiq ghaq jawr-eu gar, mawrle-euq lafkhoer Sanqpaq Yeqsur aer-eu, “Aqnaqnir-or.” Khoerngae, Aqnaqnir aer-eu, “Sanqpaq-or! Ngar heugar jawr ma.”

Gʼaˬkʼehˇ 9:10 ပူးပေါင်းရင်းမြစ်များ

Aˇ dahˬ 14:15

Kʼoeˇ gaˇ iˇ keuˆ ngeh, aˬ yawꞈ-euˬ tsawˇ haˬ deuˬ-ahˇ aˇ muˇ biˇ paˆ-awˇ, sahˬ paˬ kʼoeˇ deuˬ-ahˇ uˬ ciꞈ paw deuˆ-awˇ deuˆ gʼaˬ-euˬ meh. Daˬmaˬsehˇ meuˬ laꞈ taˆ paw pyawˬ-ahˇ jaˆ-eu Hawˇbaˬ meuˬ-ahˇ keuˆ ni, sahˬ paˬ kʼoeˇ deuˬ-euˬ mehˬ nah aˬ yawꞈ teh-euˬ meh.

Aˇ dahˬ 22:1

Aˇ yamˬ tiˬ kʼehˬ myahˇ laˇ ngeh, Aˬbyaˬhaˬ-ahˇ Miˬyehˇ lawˬ haw-euˬ meh. “Aˬbyaˬhaˬ-oˇ” lehˇ Miˬyehˇ kuˇ ngeh, “Ngaˇ heu gaˇ jawˇ ma” lehˇ, Aˬbyaˬhaˬ oˬ toˬ-euˬ meh.

Aˇ dahˬ 31:11

Yuꞈ maˆ maˆ-eu laꞈ kʼoeˇ, Miˬyehˇ gʼaˬ kʼehˇ ngaˬ-ahˇ kuˇ le-awˇ, ngaˇ oˬ toˬ nehˬ-euˬ ma.

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

Doˆ-iˇ 3:4

Moˇseˬ dawˬ peh laˇ peh luꞈ gaˇ Sahˬpaˬ Miˬyehˇ ya mawˇ ngeh, baw duˆ kʼoeˇ duˆ-euˬ gʼahˇ ceh jawˇ-awˇ, “Moˇseˬ-oˇ, Moˇseˬ-oˇ” lehˇ kuˇ-euˬ meh. Moˇseˬ gʼeh, “Ngaˇ heu gaˇ jawˇ ma” lehˇ oˬ toˬ kʼoꞈ nehˬ-euˬ meh.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Daˬyeˬlaˇ 2:19

Kʼoeˇ ngeh miˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Daˬyeˬlaˇ-ahˇ dawˬ tsuiꞈ pah mehˬ le-euˬ meh. Kʼoeˇ ngeh, mˬ taˆ Miˬyehˇ-ahˇ Daˬyeˬlaˇ heu loꞈ-ehˇ ja ceuˬ-euˬ meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Gʼaˬkʼehˇ 11:5

“Yuˇbeˬ meuˬ-ahˇ ngaˇ guiˬ lahˬ shaˇ luꞈ ngeh, yaw sahˇ laꞈ kʼoeˇ heu loꞈ-ehˇ ya mawˇ-euˬ ma. Aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˇ-ahˇ aˇ caˆ paꞈ-awˇ, mˬ-ahˇ neh aˬ za za-ehˇ pyehˬ ka leꞈ-awˇ, ngaˬ-euˬ dawˬ peh naˬ le-euˬ meh.

Gʼaˬkʼehˇ 12:9

Kʼoeˇ naˇ, mˬ taˆ gʼaˬ kʼehˇ kʼoeˇ gʼaˬ-euˬ mehˬ nah caw caw-ehˇ paꞈ kuˆ laꞈ nyiˇ caw teh doˆ gʼeh-euˬ meh. Mˬ taˆ gʼaˬ kʼehˇ kʼoeˇ gʼaˬ kʼoeˇ loꞈ-ehˇ jahˇ le-euˬ kʼoeˇ aˬ diˇ ngeuˇ meh lehˇ aˬ yawꞈ maˬ siˬ duˬ-ehˇ, yaw sahˇ laꞈ kʼoeˇ ya mawˇ-euˬ jeˬ nga lehˇ tehꞈ-ehˇ noeˬ-euˬ meh.

Gʼaˬkʼehˇ 16:10

Yaw sahˇ laꞈ kʼoeˇ Pawˇluˆ kʼoeˇ loꞈ-ehˇ ya siˬ ya mawˇ gʼaˬ-euˬ nehˬ-ehˇ, Maˬgeˬdawˇniˆ miˇ kʼahˬ-ahˇ le-eu gʼaˇ duˬ nga maꞈ tiˬ poˆ tehꞈ-ehˇ lehˬ hmˬ-euˬ ma. Aˬ jeˬ miˇ neh ehˇ naˇ, kʼoeˇ gaˇ jawˇ-eu tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ bi mehˬ leˇ-eu gʼaˇ duˬ, Miˬyehˇ nga maꞈ-ahˇ kuˇ le-euˬ ngaˇ lehˇ nga maꞈ noeˬ tsehˆ-euˬ ma.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 18:9

Tiˬ miˇ-aˬ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Pawˇluˆ-ahˇ Sahˬpaˬ Yeˬsuˇ ehˇ-eu,“Taˬguˆ. Dawˬ mehˬ maˬ mehˬ-ehˇ ciˬ cuˇ ni taˬ jawˇ.

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Gʼaˬkʼehˇ 22:12

“Meuˬ kʼoeˇ meuˬ laꞈ kʼoeˇ Aˬnaˬniˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, guiˬ lahˬ saꞈ laˇ paw gʼaˬ kʼaˆ dui dui-awˇ, aˬ dui-euˬ Zahˇ dawˬ kʼoꞈ dawˬ-ahˇ yaw muiˬ-ehˇ caw teh-eu miˇ neh, kʼoeˇ gaˇ jawˇ-eu Yuˇdaˆ tsawˇ haˬ deuˬ aˬ yawꞈ-ahˇ yaw zeu baw dui dui-eu meh.

Gʼaˬkʼehˇ 9:12

Aˬnaˬniˇ lehˇ myahˇ-euˬ tsawˇ haˬ tiˬ gʼaˬ uˇ le-awˇ, aˬ yawꞈ kʼoeˇ taˆ aˬ laꞈ baꞈ daˆ-awˇ, aˬ yawꞈ-euˬ myaˆ nuiˆ mawˇ laˇ nya ni guiˬ lahˬ shaˇ nehˬ le-euˬ gaˇ, yaw sahˇ laꞈ kʼoeˇ aˬ yawꞈ ya mawˇ-euˬ meh.”

Gʼaˬkʼehˇ 9:9

Smˬ nah keuˆ ni aˬ yawꞈ myaˆ nuiˆ maˬ mawˇ nya-a. Kʼoeˇ smˬ nah laꞈ kʼoeˇ, aˬ yawꞈ maˬ dzaˬ maˬ dawˇ ni jawˇ-euˬ meh.

2 Gawˇliˬtu 11:32

Ngaˇ Daˬmaˬsehˇ meuˬ laꞈ kʼoeˇ jawˇ luꞈ ngeh, sahˬ paˬ Aˬleˬdaˇ-euˬ laꞈ oˆ uˆ lahˇ luꞈ-eu gʼaˬ neh ngaˬ-ahˇ bi nyehꞈ-eu gʼaˇ duˬ meuˬ-euˬ lahˇ kʼehˬ-ahˇ bi loꞈ tsoeˬ jiˇ taˬ-euˬ meh.

Gaˬlaˬtiˆ 1:17

Yeˬluˇsaˬlehˬ meuˬ-ahˇ ngaˬ-euˬ aˬ hu neh gʼaˬ kʼehˇ geuꞈ luꞈ-eu deuˬ jawˇ gaˇ kʼawꞈ, ngaˇ maˬ iˇ haw-aˬ. Tiˬ poˆ tehꞈ-ehˇ Aˬleˬbyaˇ miˇ kʼahˬ-ahˇ iˇ-awˇ, Daˬmaˬsehˇ meuˬ-ahˇ gʼoꞈ laˇ-euˬ ma.

1 Saˬmeuˬlaˆ 3:4

Kʼoeˇ ngeh, Sahˬpaˬ Miˬyehˇ Saˬmeuˬlaˆ-ahˇ kuˇ-awˇ, Saˬmeuˬlaˆ oˬ toˬ-euˬ meh.