Gʼaˬkʼehˇ 8:35 - Akha

³⁵ Kʼoeˇ ngeh, Piˇliˇpuˆ-aˬ, Jaˇliꞈ kʼoeˇ deuˆ-ahˇ neh aˇ dahˬ beh-awˇ, Yeˬsuˇ gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Khoerngae, Pirlirpuv khaqmae mrnga-awr Yaerbof heudeuv-anr nae danqbae-awr, Yeqsur-euq garkawv aqyawf-anr dawqmaeq maeqnaeq-euq mae.

Gʼaˬkʼehˇ 8:35 ပူးပေါင်းရင်းမြစ်များ

Maꞈtehˬ 5:2

Kʼoeˇ ngeh, aˬ yawꞈ maꞈ-ahˇ heu loꞈ-ehˇ mehˬ nehˬ tsoˆ nehˬ-euˬ meh.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Gʼaˬkʼehˇ 10:34

Kʼoeˇ ngeh, Beˬtuˆluˆ dawˬ ngehˬ-eu aˇ dahˬ beh-awˇ heu loꞈ-ehˇ ehˇ-eu meh. “Miˬyehˇ myaˆ pyawˬ huiˬ nyiˇ maˬ tseˇ-eu gaˇ kawˆ nymˬ-mˇ ngaˇ siˬ duˬ-eu ma.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 17:18

Iˇbiˇguˇlu zahˇ mehˬ-eu saˬ laˬ deuˬ hawˇ-eu, Saˬdawˇiˇ zahˇ mehˬ-eu saˬ laˬ deuˬ kʼawꞈ, aˬ yawꞈ nehˬ-ehˇ ja sawˇ haw-euˬ meh. Aˬ yawꞈ maꞈ tiˬ paˆ na deuˬ ehˇ-eu, “Yaw gahˇ jahˇ geuꞈ-eu dawˇ ga teu gʼaˬ aˬ jeˬ ehˇ-eu nga teu.” Tiˬ paˆ na deuˬ-aˬ, “Yawˬ kʼahˬ yaw miˇ yawˬ-ahˇ-euˬ miˬ yehˇ deuˬ-euˬ gaˇ kawˆ mehˬ-eu tsawˇ haˬ ngeuˇ-eu jeˬ nga” lehˇ ehˇ-eu meh. Yeˬsuˇ-euˬ gaˇ kawˆ hawˇ-eu gʼoꞈ dehꞈ laˇ-eu jeˬ gaˇ kawˆ Pawˇluˆ dawˬ mehˬ mehˬ-eu miˇ neh, aˬ yawꞈ maꞈ kʼoeˇ loꞈ-ehˇ ehˇ-eu meh.

Gʼaˬkʼehˇ 18:28

Aˬ jeˬ miˇ neh ehˇ naˇ, miˇ kʼahˬ zaˬ gʼawˬ mya ni mehˬ shi aˬ yawꞈ Jaˇli -ahˇ gʼoe gʼoe-ehˇ Yuˇdaˆ tsawˇ haˬ nehˬ-ehˇ yaw kʼaˆ kʼaˆ-ehˇ ja-awˇ, Yeˬsuˇ Meˬsiˇya pyeuꞈ-eu gaˇ kawˆ ja gʼaˬ-euˬ meh.

Gʼaˬkʼehˇ 19:13

Doe doe-ehˇ nehꞈ teh doˆ teh doˆ-ehˇ cah-eu Yuˇdaˆ tsawˇ haˬ tiˬ paˆ na deuˬ kʼawꞈ, Sahˬpaˬ Yeˬsuˇ-euˬ tsawˇ myahˇ-ahˇ gʼoe-awˇ teh doˆ-eu meh. “Pawˇluˆ dawˬ mehˬ mehˬ-eu Yeˬsuˇ kʼoeˇ gʼaˬ-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ, nehꞈ yaw haiˬ deuˬ-ahˇ aˬ yawꞈ maꞈ ehˇ nehˬ-eu meh.

Gʼaˬkʼehˇ 28:23

Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.

Gʼaˬkʼehˇ 3:20

guiˬ lahˬ saꞈ laˇ gʼaˬ byah-eu aˇ yamˬ Sahˬpaˬ Miˬyehˇ biꞈ leꞈ-awˇ, naw maꞈ gʼaˇ duˬ Miˬyehˇ neh tseˇ doˆ taˬ-euˬ Ka li pyeuꞈ-eu Yeˬsuˇ-ahˇ, aˬ yawꞈ pyehˬ gʼeh leꞈ tehꞈ-a.

Gʼaˬkʼehˇ 5:42

Kʼoeˇ naˇ, Uˬ duˬ tahˬ nymˇ nymˇ ma laꞈ kʼoeˇ maˬ ehˇ, nymˇ doe ni maˬ ehˇ, Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu hawˇ-eu mehˬ nehˬ tsoˆ nehˬ-eu jeˬ, yawˬ nah na luꞈ maˬ tsehˆ leˇ ni mˇ daˆ leꞈ-euˬ meh.

Gʼaˬkʼehˇ 8:34

Yaw huiˬ yaw mahˇ kʼoeˇ gʼaˬ Piˇliˇpuˆ-ahˇ naˇ haˬ-eu, “Miˬyehˇ gʼaˇ duˬ ngehˬ dah-eu heu gʼaˬ aˬ suˇ gʼaˬ-euˬ gaˇ kawˆ ehˇ-eu nga. Aˬ yawꞈ-euˬ gaˇ kawˆ ehˇ-euˬ nga loˇ. Aˬ cawˬ-euˬ gaˇ kawˆ ehˇ-euˬ nga loˇ. Ngaˬ-ahˇ tiˬ poˆ ehˇ nehˬ laꞈ sheˇ.”

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

1 Gawˇliˬtu 1:23

Aˬ dui maꞈ-aˬ, laꞈ yaꞈ kʼoeˇ taˆ kamˇ shiˇ-euˬ Ka li gaˇ kawˆ mehˬ-eu ma. Aˬ dui mehˬ-eu dawˬ heu-ahˇ Yuˇdaˆ tsawˇ haˬ deuˬ gʼoˆ coeˬ -eu meh. Aˬ cawˬ tsawˇ jeuˬ deuˬ-aˬ, gaˇ dahˇ maˬ tsoeˬ-eu dawˬ lehˇ sawˇ-eu meh.

1 Gawˇliˬtu 2:2

Ngaˇ naw maꞈ nehˬ-ehˇ jawˇ luꞈ ngeh, Yeˬsuˇ Ka li gaˇ kawˆ hawˇ-eu aˬ yawꞈ laꞈ yaꞈ kʼoeˇ taˆ kamˇ shiˇ-euˬ gaˇ kawˆ kʼoeˇ maˬ ngeuˇ naˇ, nui jeˬ dawˬ tawˆ luꞈ-ahˇ ngehˇ byoˆ jiˇ ma lehˇ nui ma laꞈ kʼoeˇ noeˬ tsehˆ-euˬ ma.

2 Gawˇliˬtu 6:11

Gawˇliˬtu meuˬ-ahˇjawˇ-eu aˬ yuiꞈ aˬ nyiˇ deuˬ-oˇ, naw maꞈ-ahˇ bya cehˆ ni ngehˬ cawˬ-eu ma. Nga maꞈ-euˬ nui ma pah dzeh nehˬ-eu ma.

Eˇpeˇsu 4:21

Naw maꞈ aˬ yawꞈ gaˇ Kawˆ ya gaˬ duˬ gʼaˬ-awˇ, aˬ yawꞈ-euˬ mehˬ nah caw teh-eu tsawˇ haˬ pyeuꞈ-eu loꞈ-ehˇ, Yeˬsuˇ laꞈ kʼoeˇ ahˇ-eu yaw tsaˬ yaw dawˇ jeˬ gaˇ kawˆ aˬ cawˬ naw maꞈ-ahˇ mehˬ gʼaˬ-euˬ meh.