Gʼaˬkʼehˇ 8:33 - Akha

³³ Yaw tsaˬ yaw dawˇ jeˬ maˬ geuꞈ ni, aˬ yawꞈ shaꞈ dawˇ ni jahˇ-euˬ meh. Aꞈ yawꞈ miˇ kʼoeˇ taˆ ya dehꞈ-eu, aˇ nah aˇ yamˬ li-iˇ jiˇ-awˇ, tsuiꞈ dahˬ dahˬ shaw-euˬ baˬ da neh, tsuiꞈ toeˬ maˬ paˇ gui ka nya meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqcawq, aqyawf-anr taqnyirnaeq ngae, aqyawf-anr dawr-awr tsaq-eu lafkhoer maq darnaeq-aq. Aqyawf-euq tsuif aqsur ghaq guinaeq nmr-mq? Aqjeq mirnae aernar-aq, aqyawf-euq daef-eu jeq, mirtsaq-euq khoertav nae bi yurdzae-euq mae.” (Isy 53:7-8)

Gʼaˬkʼehˇ 8:33 ပူးပေါင်းရင်းမြစ်များ

Yawˇbaˆ 27:2

“Ngaˬ-euˬ kʼoeˇ taˆ yaw tsaˬ yaw dawˇ jeˬ maˬ bi keuˆ le-ehˇ, ngaˇ yaw dehꞈ dehꞈ-eu jeˬ-ahˇ kʼaˬ jehꞈ ni bi pyeuꞈ laˇ-euˬ gʼaˬ pyeuꞈ-eu, Baoˬ huiˬ-eu Miˬyehˇ mehˬ shi ngaˇ heu loꞈ-ehˇ ehˇ tsehˆ-eu ma.

Yawˇbaˆ 34:5

Yawˇbaˆ aˬ yawꞈ iˬ baˇ maˬ ahˇ gaˇ, Miˬyehˇ yaw tsaˬ yaw dawˇ dawˇ-ehˇ maˬ jahˇ nehˬ laꞈ nga lehˇ ehˇ luꞈ-eu meh.

Jaceuq 22:15

Kuˬbyahˬ lehˇtsaˇloꞈ-ehˇgui-awˇ, mehˬlaˇ mehˬtaˆmyahˬleˇ miˇ-a. Kʼaˬlehˇ tsahˬ-ahˇbi shiˇ-eu lehˇ, nawˇngaˬ-ahˇbyehˇdzeh laꞈ-euˬnga.

Jaceuq 22:30

Aˬkaˇ tiˬziˇ saˇ-iˬ tiˬziˇ, SahˬpaˬMiˬyehˇ-ahˇgʼoe tehꞈ-a. SahˬpaˬMiˬyehˇhuiˬ-eu gaˇkawˆ, nahˬziˇdeuˬ-ahˇja mehˬtehꞈ-a.

Iˇsaˬyaˇ 10:2

Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Iˇsaˬyaˇ 53:7

“Kʼaˆ dui dui-eu kʼehˬ-eu jeˬ-ahˇ aˬ yawꞈ ya daˬ-euˬ kʼawꞈ, dawˬ gʼoꞈ maˬ doˆ ni daˬ-euˬ meh. Bi diˬ sehꞈ-eu lehˇ tsahˇ taˬ-euˬ yawˇ zaˬ hawˇ-eu, caꞈ hm bi tehˬ geuꞈ-eu lehˇ gʼeh-eu yawˇ loꞈ-ehˇ, aˬ yawꞈ dawˬ gʼoꞈ tiˬ pawꞈ-iˬ maˬ doˆ-a.

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Daˬyeˬlaˇ 9:26

Aˇ yamˬ kʼoeˇ yamˬ aˇ saˬ saˬ laˇ ngeh, Miˬyehˇ neh tseˇ doˆ-awˇ bi uˆ lahˇ-euˬ tsawˇ haˬ kʼoeˇ gʼaˬ, maˬ tsaˬ maˬ dawˇ-eu laꞈ kʼoeˇ bi sehꞈ tehꞈ-a. Baoˬ huiˬ-eu uˆ lahˇ-eu tsawˇ haˬ tiˬ gʼaˬ-euˬ guiˇ maꞈ uˇ le-awˇ, meuˬ hawˇ-eu Uˬ duˬ tahˬ nymˇ nymˇ ma-ahˇ laˆ cawˆ tehꞈ-a. Aˇ saˬ saˬ-eu aˇ nah aˇ yamˬ iˇ jeuˬ jeuˬ-eu loꞈ-ehˇ keuˆ le-awˇ, Miˬyehˇ neh lehˬ hmˬ taˬ-euˬ guiˇ deuˆ-eu jeˬ hawˇ-eu laˆ luˬ laˆ seˇ-eu jeˬ hehˇ ahˇ leꞈ tehꞈ-a.

Haˬbaˬkuˆ 1:4

Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Gʼaˬkʼehˇ 8:34

Yaw huiˬ yaw mahˇ kʼoeˇ gʼaˬ Piˇliˇpuˆ-ahˇ naˇ haˬ-eu, “Miˬyehˇ gʼaˇ duˬ ngehˬ dah-eu heu gʼaˬ aˬ suˇ gʼaˬ-euˬ gaˇ kawˆ ehˇ-eu nga. Aˬ yawꞈ-euˬ gaˇ kawˆ ehˇ-euˬ nga loˇ. Aˬ cawˬ-euˬ gaˇ kawˆ ehˇ-euˬ nga loˇ. Ngaˬ-ahˇ tiˬ poˆ ehˇ nehˬ laꞈ sheˇ.”