Gʼaˬkʼehˇ 8:31 - Akha

³¹ Yaw huiˬ yaw mahˇ kʼoeˇ gʼaˬ ehˇ-eu, “Dawˬ tsuiꞈ ehˇ mehˬ nehˬ laꞈ-eu gʼaˬ maˬ jawˇ gaˇ, ngaˇ aˬ joˆ-ehˇ jahˇ-awˇ gʼoˆ shaw nya nmˇ.” kʼoeˇ naˇ, Piˇliˇpuˆ-ahˇ mahˬ laˆ lawˬ kʼoeˇ taˆ kuˇ daˆ-awˇ, aˬ yawꞈ nehˬ-ehˇ bi dziˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Khoerngae, aqyawf aer-eu, “Ngaq-anr maeqnaeq laf-eu tsawrhaq maqjawr-eu gar, ngar aqjox-aer ghovshawnya nmr-mq?” Khoernar-aq, Pirlirpuv-anr manq lavlawq-euq lafkhoer kurdav-awr, aqyawf naeq-aer binuir-euq mae.

Gʼaˬkʼehˇ 8:31 ပူးပေါင်းရင်းမြစ်များ

2 Sahˬpaˬ 5:26

Ehˇ kʼawꞈ, Eˇliˇshehˇ heu loꞈ-ehˇ ehˇ-eu meh. “Tsawˇ haˬ kʼoeˇ gʼaˬ mahˬ laˆ lawˬ-ahˇ neh tsawˬ ka-awˇ, nawˬ-ahˇ tahˬ puˬ le ngeh, yaw sahˇ laꞈ kʼoeˇ ngaˇ kʼoeˇ gaˇ jawˇ luꞈ-eu siˬ nya ma loˇ. Aˇ yamˬ heu yamˬ-aˬ, pyuˇ maˬ ehˇ, mehˬ tsoeˬ maˬ ehˇ, saˬ loˬ yaˇ kmˇ maˬ ehˇ, aˬ gaꞈ yaˇ kmˇ maˬ ehˇ, yawˇ maˬ ehˇ, mawˇ neˇ maˬ ehˇ, zaˬ kʼaˆ maˬ ehˇ, ya ha geuꞈ-eu aˇ yamˬ maˬ ngeuˇ-a.

2 Sahˬpaˬ 5:9

Kʼoeˇ naˇ, Neˬmaˬ-aˬ, aˬ yawꞈ-euˬ mahˬ deuˬ hawˇ-eu mahˬ laˆ lawˬ deuˬ teh-awˇ, Eˇliˇshehˇ-euˬ nymˇ gʼoˆ kʼehˬ-ahˇ naˬ-iˇ-euˬ meh.

Jaceuq 73:22

jeˬ zaˬ tiˬ mawˇ loˆ ni tehꞈ-ehˇ pyeuꞈ-awˇ, nawˬ-ahˇ maˬ siˬ duˬ nya nya.

Iˇsaˬyaˇ 35:8

“Muiˬ-eu shawˇ-eu gaˇ jawˬ” lehˇ kuˇ-eu gaˇ jawˬ tiˬ kahˇ, kʼoeˇ gaˇ dahˇ laˇ tehꞈ-a. Iˬ baˇ zaˬ deuˬ gaˇ jawˬ kʼoeˇ kahˇ maˬ cah-ehˇ, dawˇ ga deuˬ kʼoeˇ gaˇ gaˇ bahˬ maˬ bahˬ-a.

Maˬkuˆ 10:15

Zaˬ yaw nyiˇ tiˬ gʼaˬ loꞈ-ehˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Gʼaˬkʼehˇ 8:30

Piˇliˇpuˆ cehˆ keuˆ gʼeh ngeh, yaw huiˬ yaw mahˇ kʼoeˇ gʼaˬ Miˬyehˇ gʼaˇ duˬ ngehˬ dah-eu Iˇsaˬyaˇ neh boꞈ taˬ-euˬ sahˬ boꞈ-ahˇ gui luꞈ gaˇ ya gaˬ-awˇ, “Nawˇ gui luꞈ-eu gaˇ kawˆ teu gʼoˆ shaw laˇ miˇ-a loˇ” lehˇ naˇ haˬ-euˬ meh.

Gʼaˬkʼehˇ 8:32

Aˬ yawꞈ gui luꞈ-eu Jaˇliꞈ aˇ deuˆ kʼoeˇ deuˆ-aˬ, heu loꞈ-ehˇ meh. “Diˬ sehꞈ-eu lehˇ bi tsahˇ gʼeh-euˬ, yawˇ-ahˇ aˬ yawꞈ duˇ leˇ-eu meh. Caꞈ hm bi tehˬ luꞈ-eu yawˇ zaˬ, ciˬ cuˇ ni awˆ daˬ-eu loꞈ-ehˇ, aˬ yawꞈ dawˬ maˬ ngehˬ doˆ laˇ-a.

Lormav 10:14

Ehˇ kʼawꞈ, aˬ yawꞈ maꞈ maˬ jah naˇ, aˬ yawꞈ-ahˇ aˬ joˆ-ehˇ kuˇ-awˇ laꞈ jeuˬ shaˇ nmˇ. Aˬ yawꞈ-euˬ gaˇ kawˆ maˬ ya gaˬ haw naˇ, aˬ joˆ-ehˇ jah nmˇ. Mehˬ nehˬ-iˇ-eu gʼaˬ ma jawˇ naˇ, aˬ joˆ-ehˇ ya gaˬ haw nmˇ.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

1 Gawˇliˬtu 8:2

Yawˬ haˇ yawˬ ha zaˬ siˬ tsawˇ gahˇ ahˇ ma lehˇ noeˬ-eu tsawˇ haˬ-aˬ, yawˬ ha siˬ geuˇ nya geuˇ-eu loꞈ-ehˇ maˬ siˬ maˬ nya keuˆ-eu tsawˇ haˬ pyeuꞈ-eu meh.

Yaˬkoˆ 1:10

Smˇ muiˬ muiˬ-eu Ka li zaˬ tiˬ gʼaˬ-aˬ, Miˬyehˇ aˬ yawꞈ-ahˇ taˬ awˆ nehˬ ngeh laꞈ kʼaˬ cehˇ-eu tsaˬ meh. Aˬ jeˬ miˇ neh ehˇ naˇ, smˇ muiˬ muiˬ-eu tsawˇ haˬ-aˬ, yaˇ moꞈ aˇ yehˆ loꞈ-ehˇ ya byoˆ-iˇ tehꞈ-a.

Yaˬkoˆ 1:21

Kʼoeˇ miˇ neh, yaw jawꞈ jeˬ dawˬ tawˆ luꞈ hawˇ-eu maˬ muiˬ maˬ jaˬ-eu jeˬ dawˬ tawˆ luꞈ byehˇ dzeh jiˇ-awˇ, Miˬyehˇ-euˬ nui noeˬ geuꞈ-eu laꞈ kʼoeˇ, aˬ yawꞈ neh naw maꞈ-euˬ nui ma laꞈ kʼoeˇ ka taˬ-euˬ naw maꞈ-ahˇ ka kʼoꞈ nya-eu dawˬ-ahˇ naˇ haˬ geuꞈ-awˬ.