Gʼaˬkʼehˇ 8:30 - Akha

³⁰ Piˇliˇpuˆ cehˆ keuˆ gʼeh ngeh, yaw huiˬ yaw mahˇ kʼoeˇ gʼaˬ Miˬyehˇ gʼaˇ duˬ ngehˬ dah-eu Iˇsaˬyaˇ neh boꞈ taˬ-euˬ sahˬ boꞈ-ahˇ gui luꞈ gaˇ ya gaˬ-awˇ, “Nawˇ gui luꞈ-eu gaˇ kawˆ teu gʼoˆ shaw laˇ miˇ-a loˇ” lehˇ naˇ haˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Khoermirnae, Pirlirpuv, aqyuif khoerghaq jawr-eu gar caevghae-euq mae. Khoerngae, aqyuif khoerghaq, Miqyaer gharduq ngaeqdan-eu Irsaqyar nae boftaq-euq sanqbof guiluf-eu gar yagaq-awr, aqyawf-anr narhaq-eu, “Nawr guiluf-eu garkawv teu, nawq-anr ghovshawlar mir-a lor?”

Gʼaˬkʼehˇ 8:30 ပူးပေါင်းရင်းမြစ်များ

Jaceuq 119:32

Nawˬ-euˬ zahˇ dawˬ kʼoꞈ dawˬ-ahˇ ngaˇ nui ma keuˆ-awˇ naˇ haˬ geuꞈ-eu ma. Aˬ jeˬ miˇ neh ehˇ naˇ, nawˇ ngaˬ-ahˇ noeˬ siˬ noeˬ mawˇ nya-eu guiˬ lahˬ biꞈ laꞈ tehꞈ-a.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Maꞈtehˬ 13:23

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, dawˬ kʼoeˇ deuˬ-ahˇ ya gaˬ-awˇ gʼoˆ shaw-euˬ tsawˇ haˬ deuˬ-ahˇ ehˇ mawꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ diˇ aˬ maˇ aˇ siˬ siˬ le-eu meh. Tiˬ paˆ na deuˬ tiˬ yaˇ bymˇ, tiˬ paˆ na deuˬ koꞈ tseˇ bymˇ, tiˬ paˆ na deuˬ smˬ tseˇ bymˇ siˬ le-eu meh.”

Maꞈtehˬ 13:51

“Gaˇ kawˆ heu deuˬ naw maꞈ gʼoˆ shaw-euˬ ma loˇ” lehˇ Yeˬsuˇ naˇ haˬ ngeh, “Gʼoˆ shaw-euˬ ma” lehˇ aˬ yawꞈ maꞈ ehˇ-eu meh.

Maꞈtehˬ 15:10

Kʼoeˇ naˇ, Yeˬsuˇ tsawˇ haˬ aˇ maꞈ-ahˇ kuˇ uiˬ-awˇ ehˇ nehˬ-eu, “Naˇ haˬ-awˇ gʼoˆ shaw geuꞈ-awˬ.

Maꞈtehˬ 24:15

“Miˬyehˇ gʼaˇ duˬ ngehˬ dah-eu Daˬyeˬlaˆ neh ehˇ taˬ-euˬ ‘Guˆ dui dui laˇ paˬ-ahˇ gʼeh-eu yaw jawꞈ jeˬ’ -ahˇ naw maꞈ ya mawˇ tehꞈ-a. Yaw jawꞈ jeˬ kʼoeˇ, muiˬ-eu shawˇ-eu jawˇ duˬ-ahˇ ka tuˇ taˬ-awˇ jaˆ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw luꞈ-uˇ.)

Maˬkuˆ 13:14

“‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Gʼaˬkʼehˇ 8:27

Kʼoeˇ ngeh, Piˇliˇpuˆ lehˬ hmˬ dah-awˇ iˇ-euˬ meh. Iˬdiˬyoˇbyaˇ sahˬ paˬ ma-euˬ pyuˇ shuiˇ myawˬ gahˬ deuˬ-ahˇ jeˬ hmˬ bo saˆ-eu yaw huiˬ yaw mahˇ tiˬ gʼaˬ, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ gʼoꞈ le luꞈ-eu meh.

Gʼaˬkʼehˇ 8:29

“Mahˬ laˆ lawˬ kʼoeˇ laˇ-euˬ dawˬ peh tehˬ ni iˇ-awˬ” lehˇ, Muiˬ-eu shawˇ-eu Yaw sahˇ Miˬyehˇ Piˇliˇpuˆ-ahˇ ehˇ nehˬ-euˬ meh.

Gʼaˬkʼehˇ 8:31

Yaw huiˬ yaw mahˇ kʼoeˇ gʼaˬ ehˇ-eu, “Dawˬ tsuiꞈ ehˇ mehˬ nehˬ laꞈ-eu gʼaˬ maˬ jawˇ gaˇ, ngaˇ aˬ joˆ-ehˇ jahˇ-awˇ gʼoˆ shaw nya nmˇ.” kʼoeˇ naˇ, Piˇliˇpuˆ-ahˇ mahˬ laˆ lawˬ kʼoeˇ taˆ kuˇ daˆ-awˇ, aˬ yawꞈ nehˬ-ehˇ bi dziˬ-euˬ meh.

Gʼaˬkʼehˇ 8:5

Piˇliˇpuˆ kʼawꞈ, Saˬmaˬliˇ miˇ kʼahˬ meuˬ tiˬ meuˬ-ahˇ le-awˇ, kʼoeˇ gaˇ jawˇ-eu tsawˇ haˬ deuˬ-ahˇ Ka li gaˇ kawˆ dawˬ mehˬ mehˬ-euˬ meh.

1 Gawˇliˬtu 14:19

Ehˇ kʼawꞈ, Ka li zaˬ aˇ muˇ uiˬ leˇ-awˇ uˬ duˬ tahˬ ngeh, dawˬ gʼawˬ mya jeˬ tiˬ muiˇ dawˬ ngehˬ-eu naˆ maˬ tseˇ, aˬ cawˬ gʼoˆ shaw nya-eu mehˬ-eu tsoˆ-eu dawˬ ngaˬ dawˬ ngaˇ ngehˬ ma.

Eˇpeˇsu 5:17

Dawˇ ga maˬ paˇ ga ni, Sahˬpaˬ Yeˬsuˇ naw maꞈ-ahˇ bi mˇ mawꞈ-eu jeˬ-ahˇ siˬ nya-awˬ.

Panmaeq 13:18

Heu-aˬ, zaˬ siˬ tsawˇ gahˇ zmˬ-awˇ shaˇ noeˬ-eu gʼaˇ duˬ ehˇ taˬ-euˬ dawˬ meh. Zaˬ siˬ tsawˇ gahˇ ahˇ-eu tsawˇ haˬ-aˬ, jeˬ zaˬ yaw haiˬ-euˬ naˬ baꞈ kʼoeˇ-euˬ dawˬ tsuiꞈ shaˇ sawˇ doˆ nya-eu meh. Aˬ jeˬ miˇ neh ehˇ naˇ, naˬ baꞈ kʼoeˇ-aˬ, tsawˇ haˬ tiˬ gʼaˬ-euˬ tsawˇ myahˇ pyeuꞈ-eu meh. Kʼoeˇ-aˬ, koꞈ yaˇ koꞈ tseˇ koꞈ meh.