Gʼaˬkʼehˇ 8:27 - Akha

²⁷ Kʼoeˇ ngeh, Piˇliˇpuˆ lehˬ hmˬ dah-awˇ iˇ-euˬ meh. Iˬdiˬyoˇbyaˇ sahˬ paˬ ma-euˬ pyuˇ shuiˇ myawˬ gahˬ deuˬ-ahˇ jeˬ hmˬ bo saˆ-eu yaw huiˬ yaw mahˇ tiˬ gʼaˬ, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ gʼoꞈ le luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoermirnae, aqyawf tur-awr irdov ghae-euq mae. Khoerngae, Eqtiqorpir sanqpaqma Gaqdaer-euq pyurshuir myawqganq dawqtawv luf-anr hawpir-eu, aryaq zawr gor-eu Eqtiqorpir-euq miqtsuif aqyuif ghaq, Yeqlursaqlaeq-anr uqduq tanqler-awr,

Gʼaˬkʼehˇ 8:27 ပူးပေါင်းရင်းမြစ်များ

1 Sahˬpaˬ 10:1

Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh.

Jaceuq 68:29

Miˇ kʼahˬ sahˬ paˬ deuˬ nawˬ-ahˇ laꞈ sawˬ biꞈ laˇ-euˬ jawˇ duˬ pyeuꞈ-eu, Yeˬluˇsaˬlehˬ meuˬ-ahˇ jaˆ-eu Uˬ duˬ tahˬ nymˇ nymˇ ma laꞈ kʼoeˇ pah mehˬ-awˬ.

Jaceuq 68:31

Iˇjiˇtuˆ tsawˇ jeuˬ miˇ kʼahˬ-euˬ dah zaˇ tsawˇ haˬ pyehˬ gʼeh laꞈ-awˇ, Suˬdaˬ tsawˇ jeuˬ aˬ laꞈ cawˬ ja-awˇ Miˬyehˇ-ahˇ guiˬ lahˬ shaˇ tehꞈ-a.

Jaceuq 87:4

“Ngaˬ-euˬ ehˇ dawˬ naˇ haˬ-euˬ miˇ kʼahˬ deuˬ-euˬ tsawˇ myahˇ ngaˇ yuˇ ngeh, Iˇjiˇtuˆ miˇ kʼahˬ hawˇ-eu Baˬbuˇloˬ miˇ kʼahˬ ngaˇ boꞈ ahˇ ma. Piˇliˇtiˆ, Duˇlu, Suˬdaˬ miˇ kʼahˬ heu deuˬ-ahˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ nehˬ-ehˇ tsawˇ myahˇ dawˆ nehˬ ma.”

Iˇsaˬyaˇ 18:7

Baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, lawˇ baˬ gʼawˬ mya gawˆ yoeˇ paˆ-eu miˇ kʼahˬ-ahˇ jawˇ-eu, shaˬ jiˇ muiˬ-awˇ caˇ gawˬ goˇ-eu tsawˇ haˬ deuˬ neh, damˬ nehˬ lawˇ nehˬ laˇ-euˬ jeˬ-ahˇ, Baoˬ huiˬ-eu Sahˬpaˬ Miˬyehˇ ha geuꞈ nehˬ-eu aˇ nah keuˆ tehꞈ-a. Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ, Ziˇoˬ gawˬ jawˬ-ahˇ aˬ yawꞈ maꞈ laˇ-awˇ, damˬ laˇ lawˇ laˇ tehꞈ-a.

Iˇsaˬyaˇ 43:6

Laꞈ taˆ pyawˬ aˬ yawꞈ maꞈ-ahˇ bi pyehˬ-awˇ, laˬ oˆ pyawˬ maˬ bi gʼeu tehˬ ni ngaˇ dawˬ ngehˬ ma. Miˇ ma oeˬ coeˇ oeˬ pyawˬ jawˇ byaˆ taˬ-euˬ, ngaˬ-euˬ tsawˇ haˬ gʼoꞈ uiˬ laˇ nya ni ngaˇ ja ma.

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

Iˇsaˬyaˇ 60:3

Miˇ tsaˬ tsawˇ jeuˬ dawˬ tawˆ nawˬ-euˬ yaw shehꞈ jaˆ gaˇ laˇ-awˇ, miˇ tsaˬ sahˬ paˬ dawˬ tawˆ luꞈ kʼawꞈ, nawˬ-euˬ yaw shehꞈ uˬ bya bya le gaˇ laˇ tehꞈ-a.

Iˇsaˬyaˇ 60:6

Miˇdiˬyaˬ miˇ kʼahˬ hawˇ-eu Eˇpaˬ miˇ kʼahˬ-ahˇ neh, myawˬ tawˬ luꞈ-eu law taw baꞈ maꞈ nawˇ jawˇ gaˇ oe tehꞈ-a. Sheˬba miˇ kʼahˬ-ahˇ neh aˬ yawꞈ maꞈ doˆ laˇ-awˇ, shuiˇ hawˇ-eu tsiˇ yaw saw tawˬ laꞈ tehꞈ-a. Sahˬpaˬ Miˬyehˇ-euˬ guiˬ lahˬ-ahˇ, miˇ kʼahˬ zaˬ deuˬ ja byah tehꞈ-a.

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Yeˬlaˬmiˇ 13:23

Yawˬ ha shaˬ jiˇ naˆ-eu pyuˇ laˇ ni jahˇ nya-awˇ, kʼaˬ zuiˬ aˇ boꞈ byoˆ-iˇ ni tsiˬ shawˇ geuꞈ nya law nmˇ-a. Yaw haiˬ jeˬ tehꞈ-ehˇ mˇ-eu naw maꞈ kʼawꞈ, yaw tsaˬ yaw dawˇ jeˬ mˇ-eu siˬ nya laˇ tehꞈ-a.

Yeˬlaˬmiˇ 38:7

Ehˇ kʼawꞈ, aˬ yawꞈ maꞈ neh ngaˬ-ahˇ lah duˬ laꞈ kʼoeˇ nyehꞈ ahˇ-euˬ gaˇ kawˆ-ahˇ, sahˬ paˬ-euˬ hawˇ nymˇ laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Suˬdaˬ tsawˇ haˬ Eˇbehˆmeˬlehˆ ya gaˬ-euˬ meh. Kʼoeˇ ngeh, Beˬyaˬmiˬ lahˇ kʼehˬ dawˬ peh sahˬ paˬ nuiˇ luꞈ-eu meh.

Yeˬlaˬmiˇ 39:16

“ ‘Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh’ lehˇ, Suˬdaˬ tsawˇ haˬ Eˇbehˆmeˬlehˆ-ahˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. ‘Ngaˬ neh ehˇ taˬ-euˬ jaˆ-eu loꞈ-ehˇ, meuˬ heu meuˬ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu lehˇ gʼeh-eu ma. Baw le za le-eu jeˬ bi keuˆ le-eu lehˇ gʼeh-eu maˬ ngeuˇ. Kʼoeˇ loꞈ-ehˇ bi keuˆ le ngeh, nawˇ kʼoeˇ gaˇ jawˇ-awˇ ya mawˇ tehꞈ-a.

Zeˬpaˬniˇ 3:10

Suˬdaˬ miˇ kʼahˬ gaˇ mahˇ kaˬ gaˇ, cehˆ jawˇ-iˇ-euˬ tsawˇ haˬ deuˬ kʼawꞈ, ngaˬ-ahˇ lawˇ laˇ shehˇ laˇ tehꞈ-a.

Maꞈtehˬ 12:42

Yaˇ kʼaˬ daˇ-eu Aˇ nah keuˆ le ngeh, Sheˬba sahˬ paˬ ma tuˇ laˇ-awˇ, naw maꞈ-ahˇ iˬ baˇ taˬ tehꞈ-a. Aˬ jeˬ miˇ neh ehˇ naˇ, sahˬ paˬ Sawˇlaˬmoˬ-euˬ zaˬ siˬ tsawˇ gahˇ byah-eu dawˬ mehˬ dawˬ tsoˆ-ahˇ naˇ haˬ geuꞈ laˇ-eu lehˇ, gaˇ mahˇ kaˬ-eu aˬ yawꞈ-euˬ miˇ kʼahˇ-ahˇ neh a yawꞈ laˇ keuˆ-euˬ meh. Sawˇlaˬmoˬ naˆ maˬ tseˇ huiˬ dzehˬ-eu gʼaˬ, nymˬ-mˇ heu gaˇ jawˇ luꞈ ma lehˇ, naw maꞈ-ahˇ ngaˇ ehˇ duˬ-eu ma.

Yoˇhaˬ 12:20

Baˬsaˬkaˬ Bawˬ-iˬ gʼeh ngeh, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ deuˬ laꞈ kʼoeˇ, Heˬlaˬsaˇ tsawˇ haˬ kʼawꞈ keuˬ-eu meh.

Gʼaˬkʼehˇ 8:28

Aˬ yawꞈ-aˬ, mahˬ laˆ lawˬ-ahˇ dziˬ-awˇ, Miˬyehˇ gʼaˇ duˬ ngehˬ dah-eu Iˇsaˬyaˇ neh boꞈ taˬ-euˬ sahˬ boꞈ gui gui-ehˇ gʼoꞈ le luꞈ-eu meh.

Dawˬmehˬ 30:13

Kʼoeˇ-aˬ, iˬ ma laˆ shaˆ kʼoeˇ dzeˇ-ahˇ jaˆ-eu jeˬ kʼawꞈ maˬ ngeuˇ-a. ‘Ngaˇ ya gaˬ-awˇ naˇ haˬ geuꞈ-eu gʼaˇ duˬ, aˬ suˇ gʼaˬ iˬ ma laˆ shaˆ tsehˆ doˆ-awˇ laˬ-iˇ nmˇ’ lehˇ, nawˇ naˇ haˬ-eu maˬ loˬ-a.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.