Gʼaˬkʼehˇ 8:20 - Akha

²⁰ Ehˇ kʼawꞈ, aˬ yawꞈ-ahˇ Beˬtuˆluˆ heu loꞈ-ehˇ ehˇ kʼoꞈ nehˬ-euˬ meh. “Miˬyehˇ neh biꞈ-euˬ laꞈ sawˬ-ahˇ pyuˇ neh zeuˇ tsehˆ nya meh lehˇ nawˇ noeˬ-eu miˇ neh, nawˇ hawˇ-eu nawˬ-euˬ pyuˇ, shiˬ buiˇ lah ma-ahˇ ga puꞈ-iˇ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoerngae, Beqtuvluv, aqyawf-anr heulof-aer aernaeq-euq mae: “Miqyaer-euq lafsawq-anr pyur nae zeurnya taef-a laer nawr noeq-eu mirnae, nawr hawr-eu nawq-euq pyur tiqkawv lof-aer cawv-ir luf-ur.

Gʼaˬkʼehˇ 8:20 ပူးပေါင်းရင်းမြစ်များ

Dawqdaq 15:26

Yaw haiˬ deuˬ-euˬ nui noeˬ-ahˇ Sahˬpaˬ Miˬyehˇ nui daˆ daˆ-awˇ, yaw sui yaw dawˇ deuˬ-euˬ dawˬ aˬ yawꞈ-ahˇ laˬ kʼaˬ bi cehˇ-eu meh.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Daˬyeˬlaˇ 5:17

Daˬyeˬlaˇ ehˇ-eu, “Sahˬ paˬ-oˇ, nawˇ ngaˬ-ahˇ biꞈ ma lehˇ ehˇ-eu laꞈ sawˬ teu deuˬ ngaˬ-ahˇ maˬ biꞈ laꞈ ni, nawˬ nehˬ-ehˇ bi jaˆ-awˬ. Maˬ ngeuˇ naˇ, aˬ cawˬ-ahˇ biꞈ-awˬ. Boꞈ taˬ-euˬ gaˇ kawˆ heu nawˬ-ahˇ ngaˇ gui mehˬ-awˇ, dawˬ tsuiꞈ yuˇ doˆ nehˬ ma.

Zaˬkaˬliˇ 5:4

Baoˬ huiˬ-eu Sahˬpaˬ Miˬyehˇ neh yaˬ kʼehˇ yaˬ-euˬ heu pyehˬ kʼawˬ gʼeh-awˇ, smˇ kʼoeˬ yawˬ gʼaˬ na luꞈ-euˬ nymˇ hawˇ-eu, jaˬ myawꞈ myawꞈ-awˇ kamˬ-eu tsawˇ haˬ yawˬ gʼaˬ na luꞈ-euˬ nymˇ-ahˇ uˇ keuˆ-iˇ-eu uˬ taꞈ, nymˇ kʼoeˇ deuˬ-euˬ laꞈ kʼoeˇ jawˇ-awˇ, luˬ-iˇ seˇ-iˇ-eu jeˬ bi keuˆ le tehꞈ-a lehˇ, Sahˬpaˬ Miˬyehˇ ehˇ-eu meh.”

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Gʼaˬkʼehˇ 1:18

(Haiˬ dui dui-eu gaˇ kʼoeˇ mˇ-awˇ za-euˬ pyuˇ neh, miˇ tsaˬ tiˬ tsahˇ Yuˇdaˆ zeuˇ-awˇ, miˇ tsaˬ kʼoeˇ tsahˇ-ahˇ aˬ yawꞈ uˬ duˬ tahˬ poˆ-ehˇ ga sehꞈ-euˬ meh. Aˬ yawꞈ-euˬ u maˆ ga paˆ-awˇ, baw uˇ baw ma dawˬ tawˆ luꞈ doˆ le jiˇ-euˬ meh.

Gʼaˬkʼehˇ 10:45

Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ, Miˬyehˇ neh Muiˬ-eu shawˇ-eu Yaw sahˇ Miˬyehˇ shehˆ daˆ nehˬ-euˬ gaˇ, Beˬtuˆluˆ nehˬ-ehˇ Yuˇbeˬ meuˬ-ahˇ neh laˇ-euˬ jah-eu Yuˇdaˆ tsawˇ haˬ deuˬ zahˬ leˇ-euˬ meh.

Gʼaˬkʼehˇ 11:17

Aˬ dui maꞈ Sahˬpaˬ Yeˬsuˇ Ka li-ahˇ jah ngeh, Miˬyehˇ neh aˬ dui-ahˇ biꞈ laꞈ-euˬ laꞈ sawˬ kʼoeˇ, Yuˇdaˆ tsawˇ haˬ maˬ ngeuˇ-eu kʼoeˇ deuˬ-ahˇ kʼawꞈ Miˬyehˇ biꞈ-euˬ ngaˇ lehˇ, bya cehˆ ni siˬ duˬ laˇ-euˬ meh. Miˬyehˇ-ahˇ ngaˇ aˬ joˆ-ehˇ paˇ laˆ tsoeˬ nya nmˇ tawˇ.”

Gʼaˬkʼehˇ 2:38

Aˬ yawꞈ maꞈ-ahˇ Beˬtuˆluˆ ehˇ nehˬ-eu, “Naw maꞈ yawˬ gʼaˬ na luꞈ yawˬ ha-euˬ iˬ baˇ noeˬ poˆ-awˇ, Yeˬsuˇ Ka li-euˬ tsawˇ myahˇ uˬ moˆ iˇ cuꞈ shawˇ-awˬ. Kʼoeˇ loꞈ-ehˇ jahˇ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ-awˇ, Miˬyehˇ neh biꞈ leꞈ-euˬ Muiˬ-eu shawˇ-eu Yaw sahˇ Miˬyehˇ-ahˇ naw maꞈ za tehꞈ-a.

Gʼaˬkʼehˇ 8:19

“Ngaˬ neh aˬ laꞈ kʼaˇ baꞈ daˆ nehˬ-euˬ tsawˇ haˬ deuˬ Muiˬ-eu shawˇ-eu Yaw sahˇ Miˬyehˇ za nya ni, ngaˬ-ahˇ kʼawꞈ baoˬ teu jeˬ biꞈ nehˬ laꞈ sheˇ.”

Gʼaˬkʼehˇ 8:22

Haiˬ dui dui-eu nawˬ-euˬ nui noeˬ teu hmˬ noeˬ paˇ-awˬ. Kʼoeˇ loꞈ-ehˇ noeˬ-eu jeˬ-ahˇ iˬ baˇ pyehˬ nehˬ laꞈ ni, SahˬpaˬMiˬyehˇ-ahˇ guiˬ lahˬ shaˇ-awˬ.

Dawˬmehˬ 15:9

Dziˇ dzoˆ ya byehˇ-eu aˇ kʼoꞈ pyeuꞈ-eu shiꞈ kʼoꞈ tiˬ kʼoꞈ keuˆ le-eu dawˬ peh peh laˇ-euˬ miˇ neh, aˬ yawꞈ-ahˇ tiˬ jeˬ paˬ maˬ ngaˬ maˬ paˇ nehˬ mawꞈ-eu nui ma taˬ bi jaˆ. Kʼoeˇ loꞈ-ehˇ gʼeh-eu maˬ tsaˬ maˬ dawˇ-eu nui noeˬ naw maꞈ laꞈ kʼoeˇ taˬ bi ahˇ. Naw maꞈ maˬ ngaˬ maˬ paˇ nehˬ ni jawˇ naˇ, naw maꞈ-euˬ gaˇ kawˆ Sahˬpaˬ Miˬyehˇ-ahˇ aˬ yawꞈ ngoeˇ haw nehˬ-awˇ, naw maꞈ kʼoeˇ taˆ iˬ baˇ jaˆ laˇ tehꞈ-a.

Dawˬmehˬ 7:26

Tsawˇ haˬ kʼoeˇ deuˬ-euˬ tahˬ pahˬ aˬ ma mawˇ kawˇ deuˬ naw maꞈ-euˬ nymˇ-ahˇ taˬ sha ahˇ. Kʼoeˇ loꞈ-ehˇ jahˇ naˇ, yaˬ kʼehˇ yaˬ-eu jeˬ-ahˇ tsawˇ haˬ kʼoeˇ deuˬ ya daˬ-euˬ loꞈ-ehˇ, naw maꞈ kʼawꞈ ya daˬ tehꞈ-a. Tahˬ pahˬ aˬ ma mawˇ kawˇ kʼoeˇ deuˬ-ahˇ naw maꞈ bye-awˇ, nui daˆ daˆ-awˬ. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ neh yaˬ kʼehˇ yaˬ taˬ-euˬ jeˬ pyeuꞈ-eu meh.

1 Tiˆmoˇseˬ 6:9

Ehˇ kʼawꞈ, smˇ muiˬ muiˬ laˇ mawꞈ-eu tsawˇ haˬ deuˬ-aˬ, muˇ juˇ juˇ-eu jeˬ laꞈ kʼoeˇ ga ahˇ-awˇ, luꞈ-iˇ seˇ-iˇ-eu jeˬ laꞈ kʼoeˇ aˬ yawꞈ maꞈ-ahˇ gʼeu ahˇ-eu jeˬ pyeuꞈ-eu, luˬ-eu seˇ-eu lahˇ ju-ahˇ paꞈ leˇ-eu meh.

Yaˬkoˆ 5:3

Naw maꞈ-euˬ pyuˇ shuiˇ shmˇ kaw kaw leˇ jiˇ-awˇ, shmˇ kaw kʼoeˇ naw maꞈ-euˬ iˬ baˇ gaˇ kawˆ saˇ kiˇ pyeuꞈ-eu uˬ taꞈ, miˬ dzaˬ puiˆ-eu loꞈ-ehˇ naw maꞈ-euˬ shaˬ jiˇ dzaˬ byoˆ jiˇ tehꞈ-a. Aˇ saˬ saˬ-eu aˇ yamˬ heu laꞈ kʼoeˇ naw maꞈ-euˬ pyuˇ shuiˇ myawˬ gahˬ pu cu cu laˇ taˬ-euˬ meh.

Panmaeq 18:15

Meuˬ kʼoeˇ meuˬ nehˬ-ehˇ gaꞈ taꞈ ka taꞈ-awˇ smˇ muiˬ muiˬ laˇ-euˬ tsawˇ haˬ kʼoeˇ deuˬ-aˬ, aˬ yawꞈ-euˬ shaˬ zahˬ ya caw pi nehˬ gaˇ guˆ-awˇ, gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ heu loꞈ-ehˇ dawˬ kawˬ kawˬ-awˇ ngoeˇ tehꞈ-a.