Gʼaˬkʼehˇ 8:13 - Akha

¹³ Siˇmoˬ kʼoeˇ gʼaˬ kʼawꞈ jah laˇ-awˇ, iˇ cuꞈ shawˇ-awˇ Piˇliˇpuˆ-ahˇ maˬ gʼawˬ-iˇ ni jawˇ-euˬ meh. Kʼaˆ jeˬ-ehˇ gʼeh-eu jeˬ hawˇ-eu zahˬ leˇpaˬ-ehˇ gʼeh-eu jeˬ mˇ gaˇ aˬ yawꞈ ya mawˇ ngeh, zahˬ dui dui leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, Sirmoq khoerghaq khawf janlar-awr, bartirsaq hageuf-awr, aqmyanluf Pirlirpuv naeq-aer jawr-eu mae. Pirlirpuv nae mr-euq khavjeq-aer ghae-eu jeq hawr-eu bisiq bimawr-eu jeq-anr aqyawf ya’mawr ngae, zanq duidui ler-euq mae.

Gʼaˬkʼehˇ 8:13 ပူးပေါင်းရင်းမြစ်များ

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.

Maꞈtehˬ 3:6

Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.

Maˬkuˆ 16:17

Jah-eu tsawˇ haˬ deuˬ-aˬ, zahˬ leˇ paˬ-ehˇ gʼeh-eu jeˬ mˇ nya-eu baoˬ za tehꞈ-a. Ngaˬ-euˬ tsawˇ myahˇ uˬ moˆ awˬ yawꞈ maꞈ nehꞈ teh doˆ tehꞈ-a. Maˬ gaˬ haw-euˬ dawˬ gʼawˬ mya jeˬ aˬ yawꞈ maꞈ ngehˬ nya tehꞈ-a.

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Yoˇhaˬ 5:20

Aˬ jeˬ miˇ neh ehˇ naˇ, Aˬda-aˬ, Zaˬmaˇ-ahˇ gaˬ-eu miˇ neh, aˬ yawꞈ kʼaˇ mˇ luꞈ-eu yawˬ jeˬ na luꞈ mehˬ -euˬ meh. Heu naˆ maˬ tseˇ huiˬ-eu deuˬ kʼawꞈ mˇ nya ni, aˬ yawꞈ mehˬ tehꞈ-a. Naw maꞈ dawˬ tawˆ luꞈ ya zahˬ leˇ dui dui tehꞈ-a.

Yoˇhaˬ 7:21

Yeˬsuˇ ehˇ-eu, “Ngaˇ zahˬ leˇ paˬ-ehˇ gʼeh-eu jeˬ mˇ mehˬ ngeh, naw maꞈ zahˬ leˇ-eu meh.

Gʼaˬkʼehˇ 13:44

Jawˇ nah paˇ keuˆ laˇ ngeh, meuˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ ehˇ gʼaˬ ni Miˬyehˇ dawˬ kawˬ naˇ haˬ laˇ-euˬ meh.

Gʼaˬkʼehˇ 19:11

Pawˇluˆ-ahˇ gʼoe-awˇ, huiˬ dui dui-eu zahˬ leˇ paˬ-ehˇ gʼeh-eu jeˬ Miˬyehˇ mˇ mehˬ-euˬ meh.

Gʼaˬkʼehˇ 3:10

Aˬ yawꞈ-aˬ, Haw muiˬ dui dui-eu Lahˇ kʼehˬ-ahˇ nuiˇ-awˇ shaˇ dzaˬ shaˇ dawˇ luꞈ-eu kʼoeˇ gʼaˬ pyeuꞈ-eu gaˇ kawˆ aˬ yawꞈ maꞈ haw siˬ ngeh, aˬ yawꞈ kʼoeˇ loꞈ-ehˇ pyeuꞈ laˇ-euˬ gaˇ zahˬ dui dui leˇ-euˬ meh.

Gʼaˬkʼehˇ 8:21

Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.