Gʼaˬkʼehˇ 7:48 - Akha

⁴⁸ “Ehˇ kʼawꞈ, Dawˬ tawˆ kʼoeˇ taˆ Huiˬ-eu Sahˬpaˬ Miˬyehˇ-aˬ, tsawˇ haˬ zaˬ-euˬ aˬ laꞈ neh tsoˆ-euˬ nymˇ-ahˇ jawˇ-eu maˬ ngeuˇ-a lehˇ, Miˬyehˇ gʼaˇ duˬ ngeh dah-eu tsawˇ haˬ neh ehˇ taˬ-euˬ heu loꞈ-ehˇ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ “Aerkhawf, aqdir aernar-aq, Gor duidui-eu ghaq-aq, tsawrhaqzaq-euq aqlaf nae tsov-euq uqduq tanqnymr deuq-anr jawr-eu maqngeur-a. Miqyaer gharduq ngaeqdan-eu tsawrhaq heulof-aer aertaq-euq mae:

Gʼaˬkʼehˇ 7:48 ပူးပေါင်းရင်းမြစ်များ

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

2 Laˬsaˬbaˬ 6:18

“Ehˇ kʼawꞈ ni Sahˬpaˬ Miˬyehˇ-oˇ, tsawˇ haˬ zaˬ deuˬ nehˬ-ehˇ miˇ tsaˬ kʼoeˆ taˆ nawˇ aˬ diˇ aˬ maˇ jawˇ nya ma loˇ. Mˬ mˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Jaceuq 7:17

SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Jaceuq 91:9

Sahˬpaˬ Miˬyehˇ haw piˇ-eu uˬ moˆ nawˇ jawˇ-awˇ, Huiˬ dui mahˇ dui dui-eu gʼaˬ neh bi haw piˇ-euˬ miˇ neh,

Jaceuq 92:8

Aˬ jeˬ miˇ neh ehˇ naˇ , Sahˬpaˬ Miˬyehˇ nawˇ mˬ maˬ maˬ byaˆ zaˇ ziˇ, dawˬ tawˆ luꞈ kʼoeˇ taˆ huiˬ dzehˬ-eu gʼaˬ meh.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.