Gʼaˬkʼehˇ 7:47 - Akha

⁴⁷ Ehˇ kʼawꞈ, Miˬyehˇ gʼaˇ duˬ nymˇ tsoˆ-euˬ gʼaˬ-aˬ, Sawˇlaˬmoˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Aerkhawf, Miqyaer-euq gharduq nymr yatsov-euq ghaq-aq, Sorlaqmoq mae.

Gʼaˬkʼehˇ 7:47 ပူးပေါင်းရင်းမြစ်များ

2 Saˬmeuˬlaˆ 7:13

Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.

1 Sahˬpaˬ 5:1

Duˇlu sahˬ paˬ Hiˇlamˬ-aˬ, Daˬbiˇ nehˬ-ehˇ maˬ tsehˆ leˇ ni cawˬ cawˬ taꞈ-euˬ miˇ neh, Daˬbiˇ-euˬ jawˇ duˬ-ahˇ Sawˇlaˬmoˬ sahˬ paˬ keuˆ leˇ-euˬ gaˇ kawˆ ya gaˬ ngeh, cawˬ cawˬ taꞈ-eu gʼaˇ duˬ tsawˇ haˬ pyehˬ gʼeh-euˬ meh.

1 Sahˬpaˬ 6:1

Iˇsaˬleˬlaˆ tsawˇ jeuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ oeˬ yaˇ yehꞈ tseˇ kʼoꞈ byah laˇ-awˇ, Sawˇlaˬmoˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ oeˬ kʼoꞈ byah ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Sawˇlaˬmoˬ Uˬ duˬ tahˬ nymˇ nymˇ ma tsoˆ dahˬ beh-euˬ meh.

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

1 Laˬsaˬbaˬ 17:1

Nymˬ-mˇ poˆ jawˇ, sahˬ paˬ Daˬbiˇ-aˬ, aˬ yawꞈ-euˬ sahˬ paˬ hawˇ nymˇ laꞈ kʼoeˇ jawˇ luꞈ-eu meh. Tiˬ nah keuˆ laˇ ngeh, Miˬyehˇ gʼaˇ duˬ ngehˬ dah-eu Naˬdaˬ-ahˇ bi kuˇ laˬ-iˇ-awˇ, “Ngaˇ-aˬ, shuˬ liˇ daˇ kawˬ neh tsoˆ taˬ-euˬ muiˬ dui dui-eu nymˇ laꞈ kʼoeˇ jawˇ luꞈ ma. Ehˇ kʼawꞈ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, sehˬ gʼawˆ laꞈ kʼoeˇ jaˆ luꞈ-a siˬ” lehˇ ehˇ nehˬ-euˬ meh.

2 Laˬsaˬbaˬ 3:1

Sawˇlaˬmoˬ-euˬ aˬ da sahˬ paˬ Daˬbiˇ-aˬ, Uˬ duˬ tahˬ nymˇ nymˇ ma tsoˆ-eu pehˇ tsahˇ lehˬ hmˬ taˬ yaꞈ-euˬ meh. Pehˇ tsahˇ kʼoeˇ-aˬ, Yeˬluˇsaˬlehˬ meuˬ Mawˇliˇyaˆ gawˬ jawˬ kʼoeˇ taˆ jaˆ-eu Yeˬbuˇ tsawˇ haˬ Aˬyawˇnahˬ-euˬ cehˇ baw shawˇ duˬ pyeuꞈ-eu meh. Pehˇ tsahˇ kʼoeˇ tsahˇ-ahˇ, sahˬ paˬ Sawˇlaˬmoˬ Uˬ duˬ tahˬ nymˇ nymˇ ma tsoˆ-eu dawꞈ leˇ-euˬ meh.