Gʼaˬkʼehˇ 7:43 - Akha

⁴³ Mawˇleh miˬ yehˇ sehˬ gʼawˆ hawˇ-eu, aˬ guiˇ miˬ yehˇ Leˬpaˬ mawˇ kawˇ, naw maꞈ baꞈ baꞈ-ehˇ cah-euˬ meh. Tahˬ pahˬ aˬ ma kʼoeˇ deuˬ tehˆ-awˇ, naw maꞈ uˬ duˬ tahˬ-euˬ miˇ neh, Baˬbuˇloˬ miˇ kʼahˬ nya baˬ-ahˇ, naw maꞈ-ahˇ bi paꞈ byoˆ gʼeh ma.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Uqduq tanq-eu gharduq nawmaf nae janrtaq-euq Morlaev tanqpanq aqma mawrkawr-euq saeqghawv hawr-eu, Nawmaf uqduq tanq-eu laer janr-euq, nawmaf-euq miqyaer Leqpaq-euq aqguir-euq arbar-anr nawmaf bafbaf-aer can-eu mae. Khoermirnae, ngar, nawmaf-anr Baqburloq pawpav sheuqtaq-ir ma.’ (Am 5:25-27)

Gʼaˬkʼehˇ 7:43 ပူးပေါင်းရင်းမြစ်များ

1 Sahˬpaˬ 11:7

Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-euˬ gawˬ jawˬ kʼoeˇ taˆ, Mawˇbaˆ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ, gʼeh-eu Sheˬmoˇshaˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ aˬ yawꞈ tsoˆ-euˬ meh.

2 Sahˬpaˬ 17:6

Awˇsheˬ sahˬ paˬ geuꞈ-euˬ gʼoeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ neh Saˬmaˬliˆ meuˬ-ahˇ deuˆ gʼaˬ-awˇ, Iˇsaˬleˬlaˆ tsawˇ haˬ deuˬ-ahˇ Aˬshuˇliˆ miˇ kʼahˬ-ahˇ nyehꞈ daˆ gʼeh-euˬ meh. Tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

2 Sahˬpaˬ 18:11

Aˬshuˇliˆ sahˬ paˬ neh Iˇsaˬleˬlaˆ tsawˇ haˬ deuˬ-ahˇ, Aˬshuˇliˆ miˇ kʼahˬ-ahˇ nyehꞈ daˆ gʼeh-awˇ, tiˬ paˆ na deuˬ-ahˇ Haˬlahˬ meuˬ-ahˇ bi jawˇ-awˇ, tiˬ paˆ na deuˬ-ahˇ Haˬbawˬ lawˇ baˬ dawˬ peh Goˇzaˬ gahˬ kaˬ-ahˇ bi jawˇ-euˬ meh. Tiˬ paˆ na deuˬ-ahˇ-aˬ, Meˬdiˇ miˇ kʼahˬ laꞈ kʼoeˇ jaˆ-eu meuˬ deuˬ-ahˇ bi jawˇ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

Aˬmoˆ 5:25

“Iˇsaˬleˬlaˆ tsawˇ haˬ deuˬ-oˇ, ngaˇ naw maꞈ-ahˇ bawˇ tsahˬ bawˇ dahˇ laꞈ kʼoeˇ sheuˬ sheuˬ-ehˇ cah-euˬ aˇ yamˬ kʼoeˇ oeˬ tseˇ kʼoꞈ laꞈ kʼoeˇ, ngaˬ-ahˇ lawˇ-awˬ shehˇ-awˬ lehˇ naw maꞈ-ahˇ ngaˇ maˬ kʼehˇ-aˬ.