Gʼaˬkʼehˇ 7:42 - Akha

⁴² Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Miqyaer yawqpawyawq ciqpyawr-awr nae aqyawf maf-anr byaer-awr, mq-euq khoertav jav-eu jeq-anr uqduq bitanq-euq mae. Khoer-anr tafler-awr nae, Miqyaer gharduq ngaeqdan-eu deuq-euq sanqbof-euq lafkhoer heulof-aer boftaq-euq mae: ‘Irsaqleqlav-euq nymrkhanq deuq-or! Nawmaf bawrtsanq bawrdanr-anr 40 khof byanni can ngae, Jeqzaq saef-awr lawr-euq khoer, nawmaf, ngaq-anr lawrnaeq-euq ma lor?

Gʼaˬkʼehˇ 7:42 ပူးပေါင်းရင်းမြစ်များ

2 Sahˬpaˬ 17:16

Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ aˬ yawꞈ maꞈ byehˇ dzeh jiˇ-awˇ, aˬ yawꞈ maꞈ uˬ duˬ tahˬ-eu gʼaˇ duˬ, mawˇ neˇ mawˇ kawˇ nyiˬ kawˇ kʼaˇ-euˬ meh. Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ tiˬ kawˇ aˬ yawꞈ maꞈ tehˆ-awˇ, ba la hawˇ-eu aˬ guiˇ deuˬ-ahˇ uˬ duˬ tahˬ-eu uˬ taꞈ, Baˬlaˇ miˬyehˇ-ahˇ kʼawꞈ, uˬ duˬ tahˬ-euˬ meh.

2 Sahˬpaˬ 21:3

Aˬ yawꞈ-euˬ aˬ da Heˬsaˬgiˇ neh laˆ cawˆ yaꞈ-euˬ lawˇ ciꞈ zaˬ deuˬ uˬ duˬ tahˬ-eu jawˇ duˬ kʼoeˇ deuˬ-ahˇ, aˬ yawꞈ neh paˇ tsoˆ muiˬ-euˬ meh. Iˇsaˬleˬlaˆ sahˬ paˬ Aˬhaˆ neh mˇ-euˬ loꞈ-ehˇ, Baˬlaˇ miˬyehˇ-ahˇ uˬ duˬ tahˬ-eu gʼaˇ duˬ, aˬ yawꞈ lawˇ duˬ tsoˆ-awˇ, Aˬsheˇlaˬ miˬyehˇ ma-euˬ mawˇ kawˇ aˬ yawꞈ tehˆ-euˬ meh. Aˬ guiˇ deuˬ-ahˇ kʼawꞈ aˬ yawꞈ uˬ duˬ tahˬ-euˬ meh.

Jaceuq 95:10

Oeˬ tseˇ kʼoꞈ byah ni kʼoeˇ ziˇ-euˬ tsawˇ haˬ kʼoeˇ deuˬ-ahˇ, ngaˇ nui daˆ daˆ-euˬ ma. Aˬ yawꞈ maꞈ aˇ naˆ ni saˇ jaˇ maˬ ziꞈ-eu tsawˇ haˬ nga. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a lehˇ ngaˇ ehˇ-euˬ ma.

Iˇsaˬyaˇ 43:23

Yawˇ dzah puiˆ-awˇ ya lawˇ-eu jeˬ, nawˇ ngaˬ-ahˇ maˬ lawˇ nehˬ laꞈ-a. Nawˇ lawˇ-eu shehˇ-eu jeˬ mˇ-awˇ, ngaˬ-ahˇ maˬ taˬ huiˬ nehˬ laꞈ-a. Lawˇ-eu shehˇ-eu jeˬ biꞈ nehˬ laꞈ lehˇ ngaˇ ehˇ-awˇ, nawˬ-ahˇ laˆ shaˬ nehˬ-euˬ maˬ jaˆ. Tsiˇ yaw saw damˬ nehˬ laꞈ lehˇ ngaˇ shaˇ-awˇ, nawˬ-ahˇ laˆ zahˬ nehˬ-eu maˬ jaˆ.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Iˇsaˬyaˇ 66:4

Kʼoeˇ baˬ da neh aˬ yawꞈ maꞈ guˆ-eu jeˬ pyeuꞈ-eu, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le ma. Ngaˇ kuˇ ngeh aˬ yawꞈ maꞈ oˬ maˬ toˬ-ehˇ, ngaˬ-euˬ dawˬ-ahˇ maˬ naˇ haˬ-euˬ miˇ neh, kʼoeˇ loꞈ-ehˇ jahˇ nehˬ ma. Ngaˬ-euˬ mehˬ shi aˬ yawꞈ maꞈ yaw haiˬ jeˬ mˇ-awˇ, ngaˇ nui ma maˬ tsaˬ-eu jeˬ-ahˇ tseˇ geuꞈ-euˬ meh.”

Yeˬlaˬmiˇ 19:13

Yeˬluˇsaˬlehˬ meuˬ-ahˇ jaˆ-eu nymˇ deuˬ maˬ ehˇ, Yuˇdaˆ sahˬ paˬ deuˬ-euˬ nymˇ deuˬ maˬ ehˇ, nymˇ mˬ kʼoeˇ taˆ aˬ guiˇ deuˬ-ahˇ tsiˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ kʼaˇ-awˇ lawˇ nehˬ-euˬ nymˇ yawˬ nymˇ na luꞈ, Tawˇpehˆ lehˇ kuˇ-eu jawˇ duˬ loꞈ-ehˇ, maˬ muiˬ maˬ shawˇ-eu jeˬ pyeuꞈ-iˇ tehꞈ-a.”

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Yeˬsaˬgeˬlaˇ 20:25

“Kʼoeˇ naˇ, maˬ muiˬ-eu zahˇ dawˬ kʼoꞈ dawˬ hawˇ-eu, yaw dehꞈ maˬ bi dehꞈ-eu dawˬ deuˬ, aˬ yawꞈ maꞈ-ahˇ ngaˇ biꞈ-euˬ ma.

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Yoˇhaˬ 6:45

“‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Gʼaˬkʼehˇ 13:40

Teu miˇ neh, Miˬyehˇ gʼaˇ duˬ ngehˬ dah-eu deuˬ neh heu loꞈ-ehˇ ehˇ taˬ-euˬ kʼoeˇ, naw maꞈ kʼoeˇ taˆ maˬ bi keuˆ le-eu gʼaˇ duˬ yahˇ-awˬ.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

HeˬByehˇ 3:9

Miˬyehˇ heu loꞈ-ehˇ ehˇ-eu meh. Oeˬ tseˇ kʼoꞈ oeˬ tseˇ myaˇ byah ni, ngaˬ neh mˇ mehˬ-euˬ gaˇ deuˬ-ahˇ, aˬ yawꞈ maˬ ya mawˇ duˬ-euˬ kʼawꞈ, ngaˬ-ahˇ kʼoeˇ gaˇ lawˬ haw-euˬ meh.

Yawˇshuˆ 24:20

Naw maꞈ aˬ yawꞈ-ahˇ byehˇ dzeh-awˇ, boeˇ miˬ shiˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ naˇ, aˬ yawꞈ naw maꞈ-ahˇ nui ma pehˇ-awˇ, kʼehˬ nehˬ kʼaˆ nehˬ laꞈ tehꞈ-a. Dzeuˇ laˇ ngeh, naw maꞈ kʼoeˇ taˆ aˬ yawꞈ aˇ naˆ ni muiˬ-eu ehˇ kʼawꞈ, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a.”