Gʼaˬkʼehˇ 7:39 - Akha

³⁹ “Ehˇ kʼawꞈ, aˬ dui-euˬ aˬ poeˬ aˬ bawˇ deuˬ aˬ yawꞈ-euˬ ehˇ dawˬ maˬ naˇ haˬ ni, aˬ yawꞈ-ahˇ dehˬ dzeh-awˇ, Iˇjiˇtuˆ miˇ kʼahˬ-ahˇ gʼoꞈ-iˇ mawꞈ-eu nui ma ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ “Aerkhawf, aqdui-euq aqpoeq deuq aqyawf-euq dawq-anr maq narhaq geufni, aqyawf-anr byaerdzae-awr, aqyawf maf-euq nuima-euq lafkhoer-aq, Irjirtuv-anr ghof-ir mawf-eu mae.

Gʼaˬkʼehˇ 7:39 ပူးပေါင်းရင်းမြစ်များ

1 Sahˬpaˬ 2:27

Kʼoeˇ naˇ, Aˬbyaˬdaˬ-ahˇ Sahˬpaˬ Miˬyehˇ-euˬ gaˇ mˇ-euˬ piˇ ma maˬ bi geuꞈ ni, Sawˇlaˬmoˬ neh teh dzeh-awˇ piˇ ma Eˇliˆ hawˇ-eu aˬ yawꞈ-euˬ zaˬ deuˬ uˆ deuˬ gaˇ kawˆ, Shiˇloˬ meuˬ-ahˇ Sahˬpaˬ Miˬyehˇ neh ehˇ taˬ-euˬ dawˬ bi byah laˇ-euˬ meh.

Jaceuq 106:16

Sahˬpaˬ Miˬyehˇ-euˬ muiˬ-eu shawˇ-eu zaˬ kʼaˆ pyeuꞈ-eu Moˇseˬ hawˇ-eu Aˬloˬ-ahˇ, kʼaˇ shuiꞈ deh yaˇ laꞈ kʼoeˇ aˬ yawꞈ maꞈ myaˆ naˆ-euˬ meh.

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Doˆ-iˇ 17:3

Ehˇ kʼawꞈ, tsawˇ haˬ kʼoeˇ deuˬ iˇ cuꞈ mehꞈ-eu miˇ neh, Moˇseˬ-ahˇ iˬ baˇ taˬ-eu maˬ tsehˆ leˇ-a. “Aˬ jeˬ miˇ neh nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ teˬ. Nga maꞈ hawˇ-eu nga maꞈ-euˬ zaˬ deuˬ maˬ ehˇ, nga maꞈ-euˬ jeˬ zaˬ deuˬ maˬ ehˇ, bi shiˇ jiˇ-eu lehˇ sheuˬ doˆ laꞈ teˬ loˇ” lehˇ aˬ yawꞈ maꞈ ehˇ-euˬ meh.

Bawˇtsahˬ 11:5

Iˇjiˇtuˆ miˇ kʼahˬ laꞈ kʼoeˇ jawˇ ngeh, kʼaˇ dzaˬ mawꞈ-eu ngaˬ shaˬ deuˬ aˇ poeˬ maˬ jiˇ ni ya dzaˬ ya dzaˬ-ehˇ jawˇ-euˬ ma. Aˬ dui neh dzaˬ yaꞈ-euˬ siˬ kʼoˬ, deh namˬ, sehˇ guˬ, sehˇ bawˬ, sehˇ puˇ, kʼoeˇ deuˬ-ahˇ noeˬ mawˇ dui dui nya.

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Gʼaˬkʼehˇ 7:27

Ehˇ kʼawꞈ, lehˬ dzehˬ-eu gʼaˬ Moˇseˬ-ahˇ dehˬ dzeh-awˇ ehˇ-eu, ‘Nga maꞈ-ahˇ uˆ lahˇ-awˇ yaˇ kʼaˬ bi daˇ-eu lehˇ nawˬ-ahˇ aˬ suˇ gʼaˬ neh kʼehˇ taˬ ta.

1 Gawˇliˬtu 14:32

Miˬyehˇ dawˬ kawˬ mehˬ-eu gʼaˬ-aˬ, yawˬ ha neh za taˬ-euˬ Miˬyehˇ dawˬ kawˬ mehˬ-eu laꞈ sawˬ-ahˇ yaw muiˬ paˬ-ehˇ nyehꞈ tehˬ gʼaˬ nya-eu tsaˬ meh.

Yaˇ kʼaˬ daˇ 11:2

Giˇlaˆ-euˬ ma huiˬ gʼaˬ kʼawꞈ aˬ li deuˬ ciˬ-awˇ, aˬ li kʼoeˇ deuˬ huiˬ laˇ ngeh, Yeˬpaˬtaˆ-ahˇ teh dzeh-euˬ meh. “Nawˇ-aˬ, aˬ ma yawˬ ma yawˬ-euˬ aˬ li pyeuꞈ-eu miˇ neh, ngaˬ ha mehˇ nmˇ-euˬ aˬ da-euˬ jeˬ biˇ maˬ za-a” lehˇ, aˬ yawꞈ maꞈ aˬ yawꞈ-ahˇ ehˇ nehˬ-euˬ meh.