Gʼaˬkʼehˇ 7:38 - Akha

³⁸ Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ uiˬ leˇ-awˇ jawˇ ngeh, aˬ yawꞈ maꞈ nehˬ-ehˇ jawˇ-euˬ kʼoeˇ gʼaˬ Moˇseˬ meh. Aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ kʼoeˇ gʼaˬ aˬ yawꞈ meh. Siˇnaˆ Gawˬ jawˬ-ahˇ mˬ taˆ gʼaˬ kʼehˇ dawˬ ngehˬ cawˬ le ngeh jawˇ-euˬ gʼaˬ kʼawꞈ, aˬ yawꞈ meh. Aˬ dui-ahˇ biꞈ-eu gʼaˇ duˬ Miˬyehˇ dawˬ kawˬ za-euˬ gʼaˬ kʼawꞈ, aˬ yawꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ “Morseq-aq, bawrtsanq bawrdanr-anr uiqler-euq baqmaf-euq lafkhoer keuq-eu mae. Sirnav gawqjawq-euq khoertav aqyawf-anr dawq ngaeqcawq-euq mqtav ghaqkhaer khoerghaq naeq-aer jawr-awr, aqdui-euq aqpoeq deuq naeq-aer khawf jawr-euq mae. Bi daeflar nya-eu dawq aqdui-anr bif-eu laer aqyawf hageuf-euq mae.

Gʼaˬkʼehˇ 7:38 ပူးပေါင်းရင်းမြစ်များ

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Gʼaˬkʼehˇ 7:30

Oeˬ tseˇ kʼoꞈ dzeuˇ-iˇ geh, Siˇnaˆ gawˬ jawˬ dawˬ peh baw duˆ tiˬ duˆ-ahˇ doꞈ luꞈ-eu miˬ dzaˬ miˬ lmˇ laꞈ kʼoeˇ, mˬ taˆ gʼaˬ kʼehˇ tiˬ gʼaˬ Moˇseˬ-euˬ mehˬ shi doˆ le-euˬ meh.

Gʼaˬkʼehˇ 7:35

“‘Nga maꞈ kʼoeˇ taˆ uˆ lahˇ-awˇ yaˇ kʼaˬ bi daˇ-eu lehˇ, aˬ suˇ gʼaˬ nawˬ-ahˇ kʼehˇ taˬ ta’ lehˇ, aˬ yawꞈ maꞈ neh ehˇ nehˬ-awˇ byehˇ dzeh nehˬ-euˬ Moˇseˬ kʼoeˇ gʼaˬ-aˬ, aˬ yawꞈ-euˬ mehˬ shi baw duˆ laꞈ kʼoeˇ ya mawˇ-euˬ mˬ taˆ gʼaˬ kʼehˇ neh bi caw ba-eu laꞈ kʼoeˇ, aˬ yawꞈ maꞈ-ahˇ bi uˆ lahˇ-awˇ bi ka kʼoꞈ-eu gʼaˇ duˬ Miˬyehˇ neh kʼehˇ leꞈ-euˬ Moˇseˬ pyeuꞈ-eu meh.

Gʼaˬkʼehˇ 7:53

Mˬ taˆ gʼaˬ kʼehˇ neh biꞈ le-euˬ Miˬyehˇ-euˬ zahˇ dawˬ kʼoꞈ dawˬ-ahˇ za-euˬ tsawˇ haˬ deuˬ-aˬ, naw maꞈ meh. Ehˇ kʼawꞈ, zahˇ dawˬ kʼoꞈ dawˬ kʼoeˇ-ahˇ naw maꞈ maˬ naˇ haˬ geuꞈ-a.”

Lormav 3:2

Ngeuˇ meh. Yawˬ jeˬ na luꞈ laꞈ kʼoeˇ guiˬ lahˬ baw dzehˬ meh. Miˬyehˇ-euˬ dawˬ Yuˇdaˆ tsawˇ haˬ deuˬ-ahˇ jeˬ huˬ a nehˬ-euˬ meh.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Gaˬlaˬtiˆ 3:19

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ jeˬ-euˬ gʼaˇ duˬ pyeuꞈ ta. Kʼoeˇ-aˬ, mˇ lehˬ-euˬ jeˬ-ahˇ bi siˬ nya-eu gʼaˇ duˬ biꞈ lahˬ laꞈ-euˬ jeˬ pyeuꞈ-awˇ, Miˬyehˇ neh saˇ jaˇ dzaˬ taˬ-euˬ gʼaˬ pyeuꞈ-eu Aˬbyaˬhaˬ-euˬ zaˬ kʼoeˇ gʼaˬ oe keuˆ ngeh keuˆ ni bi zmˬ-eu gʼaˇ duˬ biꞈ taˬ-euˬ jeˬ pyeuꞈ-eu meh. Zahˇ dawˬ kʼoꞈ dawˬ-aˬ, mˬ taˆ gʼaˬ kʼehˇ neh hehˇ ka leꞈ-awˇ, tsawˇ kaˬ tiˬ gʼaˬ-ahˇ neh tiˬ tiˆ biꞈ nehˬ le-euˬ jeˬ pyeuꞈ-eu meh.

Dawˬmehˬ 33:4

Moˇseˬ neh aˬ dui-ahˇ biꞈ-euˬ, aˬ dui gʼaˇ duˬ poeˬ dui dui-eu, Zahˇ dawˬ kʼoꞈ dawˬ-ahˇ caw teh ma.

HeˬByehˇ 2:2

Aˬ dui-euˬ aˬ poeˬ aˬ bawˇ deuˬ-ahˇ mˬ taˆ gʼaˬ kʼehˇ deuˬ neh biꞈ nehˬ-euˬ dawˬ deuˬ-aˬ, tsaˬ-eu dawˇ-eu dawˬ pyeuꞈ-awˇ, maˬ naˇ haˬ geuꞈ-eu tsawˇ haˬ deuˬ-aˬ, yawˬ ha-ahˇ geuˇ-eu loꞈ-ehˇ kʼehˬ nehˬ kʼaˆ nehˬ gaˇ ya daˬ-eu meh.

HeˬByehˇ 4:12

Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.

HeˬByehˇ 5:12

Aˇ yamˬ myahˇ laˇ-euˬ gaˇ shaˇ sawˇ naˇ, naw maꞈ-aˬ, aˬ cawˬ-ahˇ mehˬ nya tsoˆ nya deˇ laˇ-euˬ meh. Ehˇ kʼawꞈ, Miˬyehˇ-euˬ dawˬ-ahˇ taꞈ leˇ-awˇ dzaw dahˬ ya beh-eu gaˇ kawˆ deuˬ-ahˇ keuˆ ni, naw maꞈ-ahˇ paˇ mehˬ poˆ nehˬ paˬ-ehˇ gʼeh-eu meh. Naw maꞈ dzaˇ yaw gʼahˇ dzaˬ nya deˇ laˇ-euˬ kʼawꞈ, aˬ coeˇ dawˇ zaˬ-euˬ aˇ tiˆ-ahˇ dehꞈ luꞈ-a siˬ.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ