Gʼaˬkʼehˇ 7:36 - Akha

³⁶ Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Morseq-aq, Irjirtuv-euq lafkhoer khawf, Irner iqmalavshav hawr-eu bawrtsanq bawrdanr-anr 40 khof byanni jawrluf ngae khawf, zanqler paq-aer ghae-eu jeq hawr-eu bisiq bimawr-eu jeq janr-awr, aqyawf maf-anr sheuqdov laf-euq mae.

Gʼaˬkʼehˇ 7:36 ပူးပေါင်းရင်းမြစ်များ

Neˬhaˬmiˇ 9:10

Iˇjiˇtuˆ sahˬ paˬ hawˇ-eu aˬ yawꞈ-euˬ gʼaˬ zaˬ yaw huiˬ yaw mahˇ deuˬ-ahˇ maˬ ehˇ, aˬ yawꞈ-euˬ miˇ kʼahˬ zaˬ deuˬ-ahˇ maˬ ehˇ, kʼaˆ jeˬ-ehˇ gʼeh-eu jeˬ nawˇ mˇ mehˬ nehˬ-euˬ meh. Nawˬ-euˬ tsawˇ jeuˬ-ahˇ aˬ yawꞈ maꞈ kʼehˬ-euˬ nawˇ siˬ nya-awˇ, aˬ yawꞈ maꞈ-ahˇ kʼoeˇ loꞈ-ehˇ kʼehˬ kʼoꞈ nehˬ-euˬ meh. Nawˬ neh mˇ-euˬ gaˇ kʼoeˇ deuˬ baˬ da neh, iˬ nah keuˆ ni nawˇ tsawˇ myahˇ huiˬ-eu meh.

Jaceuq 95:10

Oeˬ tseˇ kʼoꞈ byah ni kʼoeˇ ziˇ-euˬ tsawˇ haˬ kʼoeˇ deuˬ-ahˇ, ngaˇ nui daˆ daˆ-euˬ ma. Aˬ yawꞈ maꞈ aˇ naˆ ni saˇ jaˇ maˬ ziꞈ-eu tsawˇ haˬ nga. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a lehˇ ngaˇ ehˇ-euˬ ma.

Jaceuq 95:8

“Maˬ sah kʼaˇ shuiꞈ deh yaˇ-ahˇ jaˆ-eu Meˬliˇbaˬ lawˇ gawˆ-ahˇ, naw maꞈ-euˬ aˬ poeˬ aˬ bawˇ deuˬ nui ma gʼahˇ-euˬ loꞈ-ehˇ, naw maꞈ nui ma taˬ gʼahˇ. Kʼoeˇ ngeh nah aˬ yawꞈ maꞈ gʼeh-euˬ loꞈ-ehˇ, naw maꞈ taˬ gʼeh.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Doˆ-iˇ 14:21

Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Doˆ-iˇ 16:35

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ jawˇ duˬ dah leˇ-euˬ Kaˬnaˬ miˇ kʼahˬ-ahˇ maˬ le keuˆ kʼoeˇ keuˆ ni, oeˬ tseˇ kʼoꞈ keuˆ ni maˬnaˆ kaˬ muˇ dzaˬ-euˬ meh.

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 33:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ hawˇ-eu nawˬ neh Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ tsawˇ haˬ deuˬ, jawˇ duˬ heu tsahˇ-ahˇ neh doˆ-iˇ-awˇ, Aˬbyaˬhaˬ, Iˇtsaˆ, Yaˬkoˆ hawˇ-eu aˬ yawꞈ maꞈ-euˬ zaˬ deuˬ uˆ deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼah kʼoeˇ kʼahˬ-ahˇ le-awˬ.

Yoˇhaˬ 4:48

Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Dawˬmehˬ 8:4

Aˇ kʼoꞈ kʼoeˇ oeˬ tseˇ kʼoꞈ laꞈ kʼoeˇ naw maꞈ-euˬ mehˬ tsoeˬ maˬ cehˇ-iˇ-euˬ uˬ taꞈ, naw maꞈ-euˬ aˬ kuiˇ kʼawꞈ maˬ puˬ laˇ-aˬ.

HeˬByehˇ 3:8

naw maꞈ-euˬ aˬ poeˬ aˬ bawˇ deuˬ, Miˬyehˇ-ahˇ puiˬ-eu aˇ yamˬ-ahˇ, yawꞈ maꞈ nui ma gʼahˇ-euˬ loꞈ-ehˇ, Kʼoeˇ ngeh nah bawˇ tsahˬ bawˇ dahˇ-ahˇ, Miˬyehˇ-ahˇ lawˬ haw-euˬ loꞈ-ehˇ, naw maꞈ-euˬ nui ma taˬ bi gʼahˇ.

HeˬByehˇ 3:9

Miˬyehˇ heu loꞈ-ehˇ ehˇ-eu meh. Oeˬ tseˇ kʼoꞈ oeˬ tseˇ myaˇ byah ni, ngaˬ neh mˇ mehˬ-euˬ gaˇ deuˬ-ahˇ, aˬ yawꞈ maˬ ya mawˇ duˬ-euˬ kʼawꞈ, ngaˬ-ahˇ kʼoeˇ gaˇ lawˬ haw-euˬ meh.

HeˬByehˇ 8:9

Dawˬ ma saˇ jaˇ yaw shuiꞈ kʼoeˇ-aˬ, aˬ yawꞈ maꞈ-euˬ aˬ poeˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ doˆ nehˬ laꞈ ngeh nah, dzaˬ-euˬ dawˬ ma saˇ jaˇ pyeuꞈ-eu, yaw oeˇ kʼoeˇ dawˬ-ahˇ maˬ duˇ-a. Ngaˬ-euˬ dawˬ ma saˇ jaˇ kʼoeˇ-ahˇ, yawꞈ maꞈ saˇ jaˇ puiˬ-euˬ miˇ neh, myaˆ haw maˬ cawˬ ni byehˇ-euˬ ma.