Gʼaˬkʼehˇ 7:34 - Akha

³⁴ Ngaˬ-euˬ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ ngaˇ mawˇ-euˬ ma. Aˬ yawꞈ maꞈ shaˬ zahˬ naꞈ dui dui-eu laꞈ kʼoeˇ mahˇ luꞈ-eu teˇ saˇ-ahˇ ngaˇ gaˬ-awˇ, aˬ yawꞈ maꞈ-ahˇ bi buˬ bi law-iˇ-eu lehˇ ngaˇ zaꞈ ka le-euˬ ma. Laˇ-awˬ. Ngaˇ nawˬ-ahˇ Iˇjiˇtuˆ miˇ kʼahˬ-ahˇ kʼehˇ gʼeh-eu ma.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Ngaq-euq tsawrhaq, Irjirtuv-anr jawr-awr, khaeq-awr khav-eu jeq-anr daqluf-eu gar ngar ya’mawr-awr, aqyawfmaf manrluf-eu tersar-anr khawf ngar yagaq-awr, aqyawf maf-anr bibuq-ir-eu laer oeka-euq ma. Haeq, kawr-aer lar-awq. Ngar, nawq-anr Irjirtuv-anr khaerghae ma.’ (Di 3:7-10)

Gʼaˬkʼehˇ 7:34 ပူးပေါင်းရင်းမြစ်များ

Aˇ dahˬ 11:5

Kʼoeˇ naˇ, Sahˬpaˬ Miˬyehˇ zaꞈ ka le-awˇ, tsawˇ haˬ kʼoeˇ deuˬ neh gawˬ taˬ-euˬ meuˬ kʼoeˇ meuˬ hawˇ-eu nymˇ nymˇ ma kʼoeˇ nymˇ-ahˇ haw le-euˬ meh.

Aˇ dahˬ 11:7

Aˬ yawꞈ maꞈ tiˬ gʼaˬ neh ngehˬ-euˬ dawˬ tiˬ gʼaˬ maˬ gʼoˆ siˬ nya-ehˇ bi pyeuꞈ-iˇ-eu gʼaˇ duˬ, aˬ dui zaꞈ ka-iˇ-awˇ, aˬ yawꞈ maꞈ-euˬ dawˬ-ahˇ laˆ bahˬ laˆ baˆ nehˬ kaˇ-euˇ.”

Aˇ dahˬ 18:21

Aˬ yawꞈ maꞈ-euˬ gaˇ kawˆ kʼaˇ ehˇ taˬ-euˬ loꞈ-ehˇ tsaˬ nga loˇ maˬ tsaˬ nga loˇ lehˇ, ngaˇ iˇ-awˇ ya pyehˆ tseˇ haw-iˇ meh.”

Neˬhaˬmiˇ 9:9

Nga maꞈ-euˬ poeˬ piˬ deuˬ Iˇjiˇtuˆ meuˬ laꞈ kʼoeˇ, shaˬ zahˬ naꞈ-eu nawˇ mawˇ-euˬ meh. Caw ba le-awˬ lehˇ aˬ yawꞈ maꞈ guˇ-eu dawˬ, laˆ shaˆ yaw neˇ dawˬ peh nawˇ gaˬ-euˬ meh.

Jaceuq 105:26

Aˬ yawꞈ neh tseˇ doˆ-euˬ zaˬ kʼaˆ deuˬ pyeuꞈ-eu, Moˇseˬ hawˇ-eu Aˬloˬ-ahˇ aˬ yawꞈ pyehˬ gʼeh-euˬ meh.

Jaceuq 106:44

Ehˇ kʼawꞈ, aˬ yawꞈ maꞈ kʼaˇ kuˇ ngeh Sahˬpaˬ Miˬyehˇ naˇ haˬ nehˬ-awˇ, aˬ yawꞈ maꞈ-ahˇ gʼawˬ shaˬ haw gaˬ-euˬ meh.

Jaceuq 144:5

Sahˬpaˬ Miˬyehˇ-oˇ, mˬ dehˬ paˆ-awˇ zaꞈ ka le-awˬ. Gawˬ jawˬ-ahˇ toeˬ ciˆ-awˇ uˬ kʼoeˬ bi du doˆ laˇ-awˬ.

Doˆ-iˇ 3:14

Miˬyehˇ ehˇ-eu, “Ngaˇ-aˬ, ngaˇ pyeuꞈ-eu ma. NGAˇPYEUꞈ-EU MA lehˇ myahˇ-euˬ kʼoeˇ gʼaˬ, ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ meh lehˇ, aˬ yawꞈ maꞈ-ahˇ ehˇ nehˬ-awˬ.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Iˇsaˬyaˇ 64:1

Gawˬ jawˬ gawˬ duˇ nawˬ-ahˇ mawˇ-awˇ yaw dzuˬ dzuˬ ni, aˬ jeˬ miˇ neh mˬ gʼeu paˆ-awˇ maˬ oe ka te.

Hawˇseˬ 12:13

Iˇjiˇtuˆ-ahˇ zaˬ kʼaˆ geuꞈ-eu, Iˇsaˬleˬlaˆ tsawˇ haˬ deuˬ-ahˇ, ka kʼoꞈ-awˇ sheuˬ gʼeh-eu gʼaˇ duˬ, aˬ dui Miˬyehˇ neh kʼehˇ doˆ-euˬ, Bawˇlawˇpeh tiˬ gʼaˬ oe-euˬ meh.

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.

Bawˇtsahˬ 11:17

Ngaˇ zaꞈ le-awˇ, nawˬ-ahˇ kʼoeˇ gaˇ dawˬ ngehˬ cawˬ le-awˇ, ngaˬ neh nawˬ-ahˇ biꞈ taˬ-euˬ yaw sahˇ tiˬ paˆ deuˬ yuˇ-awˇ, aˬ yawꞈ maꞈ-ahˇ biꞈ nehˬ ma. Kʼoeˇ naˇ, tsawˇ haˬ heu deuˬ-ahˇ sheuˬ gʼeh-eu nawˬ-euˬ gaˇ-ahˇ aˬ yawꞈ maꞈ caw ba-awˇ, gaˇ kʼoeˇ nawˬ-ahˇ tehꞈ-ehˇ maˬ paˇ daˇ ni pyeuꞈ-iˇ tehꞈ-a.

Yoˇhaˬ 3:13

Mˬ kʼoeˇ taˆ neh zaꞈ ka le-euˬ gʼaˬ pyeuꞈ-eu Tsawˇ haˬ-euˬ Zaˬmaˇ maˬ ngeuˇ naˇ, tsawˇ haˬ tiˬ gʼaˬ-iˬ mˬ kʼoeˇ taˆ maˬ le keuˆ haw-aˬ.”

Yoˇhaˬ 6:38

Aˬ jeˬ miˇ neh ehˇ naˇ, ngaˇ mˬ kʼoeˇ taˆ neh oe-euˬ-aˬ, ngaˬ-euˬ nui kʼahˇ mˇ le-euˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ gʼaˬ-euˬ nui kʼahˇ mˇ le-euˬ ma.

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.