Gʼaˬkʼehˇ 7:27 - Akha

²⁷ Ehˇ kʼawꞈ, lehˬ dzehˬ-eu gʼaˬ Moˇseˬ-ahˇ dehˬ dzeh-awˇ ehˇ-eu, ‘Nga maꞈ-ahˇ uˆ lahˇ-awˇ yaˇ kʼaˬ bi daˇ-eu lehˇ nawˬ-ahˇ aˬ suˇ gʼaˬ neh kʼehˇ taˬ ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aerkhawf, aqyawf-euq aqyuif aqnyir-anr mrbanq-euq khoerghaq, Morseq-anr daeqdzae ghae-awr heulof-aer aer-eu mae, ‘Nawr, nga’maf-anr uvlanr-awr, yarkhaq dar-eu ghaq geufni aqsur ghaq nae nawq-anr khaertaq-euq la?

Gʼaˬkʼehˇ 7:27 ပူးပေါင်းရင်းမြစ်များ

Aˇ dahˬ 19:19

Naw maꞈ ngaˬ-ahˇ gʼawˬ shaˬ gaˬ dui dui-eu miˇ neh heu loꞈ-ehˇ bi buˬ-iˇ laꞈ-eu meh lehˇ ngaˇ siˬ nya ma. Ehˇ kʼawꞈ, gawˬ jawˬ kʼoeˇ jawˬ aˇ dzehˬ-ehˇ kaˬ dzeuˇ-eu miˇ neh, kʼoeˇ gaˇ maˬ cehˆ keuˆ mi naˆ-ehˇ, laˆ luˬ laˆ seˇ-eu jeˬ ngaˬ-euˬ kʼoeˇ taˆ keuˆ le-eu ngaˇ.

Doˆ-iˇ 2:14

Tsawˇ haˬ kʼoeˇ gʼaˬ ehˇ-eu, “Nga maꞈ kʼoeˇ taˆ aˬ yuiꞈ aˬ tsu geuꞈ-awˇ, yaˇ kʼaˬ bi daˇ-eu gʼaˇ duˬ, aˬ suˇ gʼaˬ nawˬ-ahˇ tseˇ doˆ taˬ ta. Iˇjiˇtuˆ tsawˇ haˬ kʼoeˇ gʼaˬ-ahˇ sehꞈ-euˬ loꞈ-ehˇ, ngaˬ-ahˇ nawˇ paˇ sehꞈ-eu gʼeh te loˇ.” Kʼoeˇ ngeh, Moˇseˬ guˆ laˇ-awˇ, “Ngaˬ neh mˇ-euˬ jeˬ aˬ cawˬ siˬ nya jiˇ-euˬ ngaˇ” lehˇ yawˬ haˇ yawˬ ha ehˇ-euˬ meh.

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Luˇkaꞈ 12:14

Yeˬsuˇ aˬ yawꞈ-ahˇ ehˇ nehˬ-eu, “Cawˬ-oˇ, naw nyaꞈ nmˇ-ahˇ yaˇ kʼaˬ daˇ-eu gʼaˇ duˬ maˬ ehˇ, jeˬ biˇ paˆ nehˬ-eu gʼaˇ duˬ maˬ ehˇ, aˬ suˇ gʼaˬ neh ngaˬ-ahˇ aˇ yaˬ biꞈ taˬ ta.”

Gʼaˬkʼehˇ 4:7

Gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ maꞈ-euˬ mehˬ shi bi yawꞈ-awˇ, “Aˬ geu jeˬ baoˬ hawˇ-eu aˬ suˇ gʼaˬ-euˬ tsawˇ myahˇ-ahˇ gʼoe-awˇ naw nyaꞈ teu loꞈ-ehˇ mˇ te” lehˇ naˇ haˬ-euˬ meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 7:35

“‘Nga maꞈ kʼoeˇ taˆ uˆ lahˇ-awˇ yaˇ kʼaˬ bi daˇ-eu lehˇ, aˬ suˇ gʼaˬ nawˬ-ahˇ kʼehˇ taˬ ta’ lehˇ, aˬ yawꞈ maꞈ neh ehˇ nehˬ-awˇ byehˇ dzeh nehˬ-euˬ Moˇseˬ kʼoeˇ gʼaˬ-aˬ, aˬ yawꞈ-euˬ mehˬ shi baw duˆ laꞈ kʼoeˇ ya mawˇ-euˬ mˬ taˆ gʼaˬ kʼehˇ neh bi caw ba-eu laꞈ kʼoeˇ, aˬ yawꞈ maꞈ-ahˇ bi uˆ lahˇ-awˇ bi ka kʼoꞈ-eu gʼaˇ duˬ Miˬyehˇ neh kʼehˇ leꞈ-euˬ Moˇseˬ pyeuꞈ-eu meh.

Gʼaˬkʼehˇ 7:39

“Ehˇ kʼawꞈ, aˬ dui-euˬ aˬ poeˬ aˬ bawˇ deuˬ aˬ yawꞈ-euˬ ehˇ dawˬ maˬ naˇ haˬ ni, aˬ yawꞈ-ahˇ dehˬ dzeh-awˇ, Iˇjiˇtuˆ miˇ kʼahˬ-ahˇ gʼoꞈ-iˇ mawꞈ-eu nui ma ahˇ-eu meh.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.