Gʼaˬkʼehˇ 7:26 - Akha

²⁶ Yawˬ nah yawˬ Iˇsaˬleˬlaˆ tsawˇ haˬ nyiˬ gʼaˬ yaw kaˬ ceh luꞈ gaˇ aˬ yawꞈ mawˇ-awˇ, aˇ kaˬ piˇ nehˬ-eu laꞈ kʼoeˇ, ‘Naˇ haˬ sheˇ. Iˇsaˬleˬlaˆ tsawˇ haˬ cawˬ cawˬ aˬ jeˬ miˇ neh teu loꞈ-ehˇ ceh dzaˬ te’ lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Nishawq ngae nan, Irsaqleqlav tsawrhaq nyiq ghaq caedzaq luf-eu gar dovle-awr, aqyawfnyaf tsaqler dzoerlerni laejae-eu lafkhoer aer-eu, ‘Cawq-or! Nawnyaf, aqyuif aqnyir yawkaq, aqjeq mirnae tiqghaq tirghaq mrbanq luf-eu le?’

Gʼaˬkʼehˇ 7:26 ပူးပေါင်းရင်းမြစ်များ

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 45:24

Aˬ yawꞈ-euˬ mehˇ nmˇ kʼoeˇ deuˬ-ahˇ Yoˇsehˆ bi gʼoꞈ leˇ-awˇ, aˬ yawꞈ maꞈ luˆ-iˇ ngeh, gaˇ pehˇ-ahˇ maˬ ya ja dzaˬ ni mehˬ nehˬ tsoˆ nehˬ-euˬ meh.

Jaceuq 133:1

Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Dawqdaq 18:19

Mehˇ nmˇ yaw kaˬ ngehˬ gʼeh-eu jeˬ-aˬ, meuˬ meuˬ lahˇ loꞈ-ehˇ ziꞈ dah ni gʼeh-awˇ, mehˇ nmˇ yaw kaˬ ceh dzaˬ-eu jeˬ-aˬ, miˇ kaˬ taw paˆ gaˇ duˇ-eu meh.

Maꞈtehˬ 14:22

Kʼoeˇ naˇ, Yeˬsuˇ tsawˇ haˬ aˇ maꞈ maꞈ ma-ahˇ bi gʼoꞈ-iˇ-awˇ, zaˬ lahˇ deuˬ-ahˇ lawˬ laꞈ kʼoeˇ bi uˇ-iˇ-awˇ, aˬ yawꞈ-euˬ mehˬ hu lah nui baˬ paw bi iˇ tsehˆ tawˬ-euˬ meh.

Gʼaˬkʼehˇ 7:25

Miˬyehˇ aˬ yawꞈ-ahˇ zmˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ ka kʼoꞈ-eu lehˇ gʼeh-eu gaˇ kawˆ aˬ yawꞈ-euˬ tsawˇ haˬ deuˬ noeˬ siˬ tehꞈ-a lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ maꞈ maˬ noeˬ siˬ-a.

Piˇliˇpiˆ 2:1

Naw maꞈ Ka li laꞈ kʼoeˇ dehꞈ-eu baˬ da neh, gʼaˬ kʼaˆ laˇ-awˇ, aˬ yawꞈ-euˬ gʼoeˇ-eu gaˬ-eu jeˬ naw maꞈ-ahˇ nui saˇ bi za-eu meh. Naw maꞈ Ka li-euˬ Yaw sahˇ Miˬyehˇ nehˬ-ehˇ cawˬ cawˬ-eu baˬ da neh, tiˬ gʼaˬ tiˇ gʼaˬ gʼawˬ shaˬ gaˬ nya laˇ-awˇ, tiˬ gʼaˬ gʼaˇ duˬ tiˬ gʼaˬ shaˇ noeˬ nya laˇ-eu meh.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.