Suˇliˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬmaˬ-ahˇ, Suˇliˆ sahˬ paˬ taˬ huiˬ taˬ mahˇ dui dui-eu meh. Aˬ jeˬ miˇ neh ehˇ naˇ, Neˬmaˬ baˬ da neh Suˇliˆ guiˇ maꞈ deuˬ-ahˇ aˬ cawˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Aˬ yawꞈ-aˬ, guiˇ deuˆ-eu paw tsawˇ myahˇ doˆ dui dui kʼawꞈ, nyawˬ naˇ-eu tsawˇ haˬ tiˬ gʼaˬ pyeuꞈ-eu meh.
Gʼaˬkʼehˇ 7:25 - Akha25 Miˬyehˇ aˬ yawꞈ-ahˇ zmˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ ka kʼoꞈ-eu lehˇ gʼeh-eu gaˇ kawˆ aˬ yawꞈ-euˬ tsawˇ haˬ deuˬ noeˬ siˬ tehꞈ-a lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ maꞈ maˬ noeˬ siˬ-a. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq25 Miqyaer, aqyawf-euq aqlaf-anr ghoe-awr, aqyawf maf-anr bi kakhof le-euq ngar-a laer, aqyuif aqnyir deuq ghovshawnya taef-a laer Morseq noeq-euq khawf, aqyawfmaf maq ghovshaw nya-a. အခန်းကိုကြည့်ပါ။ |
Gʼaˬkʼehˇ 7:25
20 ပူးပေါင်းရင်းမြစ်များ
Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.
Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.
Aˬ yawꞈ maꞈ Yeˬluˇsaˬlehˬ meuˬ-ahˇ iˇ keuˆ ngeh, Ka li zaˬ aˇ muˇ maˬ ehˇ, gʼaˬ kʼehˇ deuˬ maˬ ehˇ, aˬ yuiꞈ aˬ tsu deuˬ maˬ ehˇ, aˬ yawꞈ maꞈ-ahˇ laˬ kʼaˬ tiˬ cehˇ ha-euˬ meh. Kʼoeˇ ngeh, aˬ yawꞈ nyaꞈ-ahˇ gʼoe-awˇ Miˬyehˇ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ mehˬ nehˬ-euˬ meh.
Gaˇ kawˆ kʼoeˇ aˬ yawꞈ maꞈ ja dui dui-euˬ meh. Gʼawˬ myahˇ ni ja keuˆ laꞈ ngeh Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh. “Aˬ yuiꞈ aˬ nyiˇ deuˬ-oˇ, aˬ cawˬ tsawˇ jeuˬ gʼeh Laˬ kʼaˬ cehˇ-eu Guiˬ lahˬ dawˬ heu-ahˇ ya gaˬ-awˇ jah laˇ nya ni dawˬ mehˬ mehˬ-iˇ-eu gʼaˇ duˬ, aˬ dui maꞈ laꞈ kʼoeˇ yaw beh ngeh neh Miˬyehˇ ngaˬ-ahˇ tseˇ doˆ-euˬ naw maꞈ siˬ nya luꞈ meh.
Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.
Ehˇ kʼawꞈ, Iˇsaˬleˬlaˆ tsawˇ haˬ deuˬ Sawˇluˆ-ahˇ ehˇ nehˬ-eu, “Iˬ nah Iˇsaˬleˬlaˆ miˇ kʼahˬ gʼaˇ duˬ huiˬ dui dui-eu guiˇ heu deuˆ gʼaˬ-euˬ gʼaˬ pyeuꞈ-eu Yawˇnaˆshaˬ-ahˇ ya bi shiˇ ta loˇ. Tiˬ jeˬ gʼeh-awˇ neh-iˬ teu loꞈ-ehˇ maˬ bi jahˇ. Aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ miˇ tsa maˬ bi ga iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nga maꞈ saˇ jaˇ dzaˬ-eu ma. Iˬ nah aˬ yawꞈ neh mˇ-euˬ huiˬ-eu gaˇ heu-aˬ, Miˬyehˇ neh caw ba nehˬ-euˬ laꞈ kʼoeˇ mˇ-euˬ gaˇ pyeuꞈ-eu meh.” Kʼoeˇ loꞈ-ehˇ ehˇ-awˇ, Yawˇnaˆshaˬ maˬ ya shiˇ ni Iˇsaˬleˬlaˆ tsawˇ haˬ kʼoeˇ deuˬ neh ka kʼoꞈ-euˬ meh.
Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”
ကြော်ငြာတွေ