Gʼaˬkʼehˇ 7:22 - Akha

²² Iˇjiˇtuˆ tsawˇ jeuˬ-euˬ zaˬ siˬ tsawˇ gahˇ dawˬ tawˆ luꞈ aˬ yawꞈ ya dzaw-awˇ, ngehˬ-eu tmˇ-eu paw dzeˇ maˬ ehˇ, mˇ-eu shaˇ-eu paw dzeˇ maˬ ehˇ, nya dui dui-eu tsawˇ haˬ tiꞈ gʼaˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Morseq-aq, Irjirtuv tsawrhaq-euq zaqsiq tsawrganr dawqtawvluf yadzaw-awr, ngaeq-awr tmr-eu paw khawf, mr-awr shar-eu paw khawf ghaq anr duidui-eu mae.

Gʼaˬkʼehˇ 7:22 ပူးပေါင်းရင်းမြစ်များ

2 Laˬsaˬbaˬ 9:22

Sahˬ paˬ Sawˇlaˬmoˬ-aˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ dawˬ tawˆ luꞈ naˆ maˬ tseˇ smˇ muiˬ muiˬ dui dui-awˇ, zaˬ siˬ tsawˇ gahˇ ahˇ dzehˬ-eu meh.

Iˇsaˬyaˇ 19:11

Zoˇnaˆ meuˬ-euˬ aˬ yuiꞈ aˬ tsu deuˬ tsawˇ uˬ tehꞈ meh. Iˇjiˇtuˆ sahˬ paˬ-ahˇ ja noeˬ ja duˇ-eu tsawˇ gahˇ ahˇ-eu deuˬ, gaˇ dahˇ tsoeˬ-eu dawˬ maˬ ngehˬ-a. “Ngaˇ tsawˇ gahˇ ahˇ-eu tsawˇ haˬ ma. Aˇ hu sahˬ paˬ deuˬ-euˬ gʼaˬ kʼehˇ ma” lehˇ, sahˬ paˬ-ahˇ aˬ yawꞈ maꞈ aˬ joˆ-ehˇ ehˇ leˇ coeˇ ta.

Daˬyeˬlaˇ 1:4

Aˬ yawꞈ maꞈ-aˬ, sahˬ paˬ-euˬ hawˇ nymˇ laꞈ kʼoeˇ gaˇ mˇ nya ni, tsawˇ haˬ aˇ gʼehˇ muiˬ-awˇ, zaˬ siˬ nui gahˇ ahˇ-eu uˬ taꞈ, dzaw bym taˬ-euˬ deuˬ ya bi pyeuꞈ-awˇ, kʼaˇ mehˬ nehˬ-eu jeˬ-ahˇ yaw kawˇ-ehˇ gʼoˆ siˬ gʼoˆ shaw nya-eu tsawˇ haˬ ya bi pyeuꞈ-eu meh. Kʼoeˇ uˬ taꞈ, pyawˬ naˬ mawˇ do ehˇ kʼaˇ maˬ za-eu tsawˇ haˬ ya biˬ pyeuꞈ-eu meh. Aˬ yawꞈ maꞈ Baˬbuˇloˬ dawˬ boꞈ nya gui nya laˇ ni, Aˬshaˇpeˬnaˆ ya mehˬ meh lehˇ ehˇ taˬ-euˬ meh.

Luˇkaꞈ 24:19

Yeˬ suˇ ehˇ-eu, “Aˬ jeˬ gaˇ kawˆ-a.” Aˬ yawꞈ nyaꞈ ehˇ-eu. “Naˬzaˬlehˇ tsawˇ haˬ Yeˬsuˇ-euˬ gaˇ kawˆ tawˇ. Aˬ yawꞈ-aˬ, Miˬyehˇ hawˇ-eu tsawˇ haˬ dawˬ tawˆ luꞈ-euˬ mehˬ shi, mˇ-eu shaˇ-eu ngehˬ-eu tmˇ-eu baoˬ huiˬ dui dui-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ meh.