Gʼaˬkʼehˇ 7:20 - Akha

²⁰ Kʼoeˇ ngeh yamˬ-ahˇ Moˇsehˬ dehꞈ le-euˬ meh. Aˬ yawꞈ-aˬ, muiˬ dui dui-eu aˬ li tiˬ li pyeuꞈ-eu meh. Ba la smˇ siˬ byah ni aˬ yawꞈ-ahˇ iˇ kahˇ laꞈ kʼoeˇ bo saˆ-awˇ cu-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoerngae, Morseq daefle-awr, Miqyaer nuikhanrshir duidui-eu mae. Bala smr siq byanni aqyawf-euq aqda-euq nymr-euq lafkhoer cutaq-euq mae.

Gʼaˬkʼehˇ 7:20 ပူးပေါင်းရင်းမြစ်များ

HeˬByehˇ 11:23

Moˇseˬ dehꞈ le ngeh, aˬ yawꞈ-euˬ aˬ da aˬ ma aˬ yawꞈ-ahˇ ba la smˇ siˬ byah ni cu zaꞈ taˬ-euˬ kʼoeˇ-aˬ, jah-eu-jeˬ baˬ da neh meh. Zaˬ kʼoeˇ gʼaˬ muiˬ dui dui gaˇ aˬ yawꞈ nyaꞈ ya mawˇ-euˬ miˇ neh, sahˬ paˬ neh biꞈ taˬ-euˬ dawˬ-ahˇ maˬ naˇ haˬ ni kʼoeˇ loꞈ-ehˇ cu zaꞈ-euˬ meh.

1 Saˬmeuˬlaˆ 16:12

Kʼoeˇ naˇ, Yeˬshehˇ tsawˇ haˬ pyehˬ gʼeh-awˇ, aˬ li kʼoeˇ li-ahˇ bi kuˇ kʼoꞈ laˬ-iˇ-euˬ meh. Aˬ yawꞈ-aˬ, aˬ lmˬ aˇ gʼehˇ muiˬ-eu tiˬ gʼaˬ pyeuꞈ-awˇ, myaˆ nuiˆ taˆ dui dui-eu meh. Kʼoeˇ ngeh, “Heu-aˬ ngaˬ neh tseˇ doˆ-euˬ gʼaˬ ma. Aˬ yawꞈ kʼoeˇ taˆ tsiˇ shehˆ daˆ nehˬ-awˬ” lehˇ, Saˬmeuˬlaˆ-ahˇ Sahˬpaˬ Miˬyehˇ ehˇ nehˬ-euˬ meh.