Gʼaˬkʼehˇ 7:15 - Akha

¹⁵ Iˇjiˇtuˆ miˇ kʼahˬ-ahˇ Yaˬkoˆ jawˇ-iˇ-awˇ, aˬ yawꞈ hawˇ-eu aˬ yawꞈ-euˬ aˬ li dawˬ tawˆ luꞈ, kʼoeˇ gaˇ ziˇ dehꞈ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoernar-aq, Yaqkov, Irjirtuv-anr jawr-ir-awr, aqyawf khawf, aqdui-euq aqpoeq deuq khawf khoergar shirjir-euq mae.

Gʼaˬkʼehˇ 7:15 ပူးပေါင်းရင်းမြစ်များ

Aˇ dahˬ 46:1

Yaˬkoˆ-aˬ, aˬ yawꞈ-euˬ myawˬ dawˬ tawˆ luꞈ laˆ dawˆ-awˇ, Beˬlaˇsheˬba-ahˇ iˇ-awˇ, aˬ yawꞈ-euˬ aˬ da Iˇtsaˆ-euˬ Miˬyehˇ-ahˇ lawˇ nehˬ shehˇ nehˬ-euˬ meh.

Aˇ dahˬ 47:30

Ngaˬ bawˇ hawˇ-eu ngaˬ da-ahˇ baꞈ pahˬ-euˬ miˇ tsaˬ-ahˇ, ngaˬ-ahˇ bi baꞈ pahˬ mawꞈ miˇ-a. Ngaˬ-ahˇ Iˇjiˇtuˆ miˇ kʼahˬ laꞈ kʼoeˇ neh baꞈ doˆ gʼeh-awˇ, aˬ yawꞈ nyaꞈ-ahˇ baꞈ pahˬ taˬ-euˬ tsahˇ-ahˇ baꞈ pahˬ nehˬ laꞈ-awˬ.” Yoˇsehˆ ehˇ-eu, “Nawˬ neh kʼaˇ ehˇ nehˬ laꞈ-euˬ loꞈ-ehˇ jahˇ nehˬ ma.”

Aˇ dahˬ 49:33

Aˬ yawꞈ-euˬ aˬ li deuˬ-ahˇ Yaˬkoˆ kʼoeˇ loꞈ-ehˇ mehˬ nehˬ tsoˆ nehˬ gʼaˬ ngeh, aˬ za za-ehˇ coˬ yuꞈ gʼeh-awˇ saꞈ gʼawˇ tsehˆ-euˬ meh.

Jaceuq 105:23

Kʼoeˇ naˇ, Iˇjiˇtuˆ miˇ kʼahˬ-ahˇ Yaˬkoˆ iˇ-awˇ, miˇ kʼahˬ kʼoeˇ kʼahˬ-ahˇ jawˇ-euˬ meh.

Doˆ-iˇ 1:6

Aˇ kʼoꞈ aˇ la myahˇ laˇ ngeh, Yoˇsehˆ maˬ ehˇ, aˬ yawꞈ-euˬ mehˇ nmˇ deuˬ maˬ ehˇ, aˬ yawꞈ maꞈ nehˬ-ehˇ tiˬ cawˬ pyeuꞈ-eu tsawˇ haˬ deuˬ maˬ ehˇ, ziˇ dehꞈ jiˇ-euˬ meh.

Doˆ-iˇ 13:19

Yoˇsehˆ neh Iˇsaˬleˬlaˆ tsawˇ haˬ deuˬ-ahˇ, aˬ yawꞈ neh ehˇ-euˬ loꞈ-ehˇ mˇ ma lehˇ saˇ jaˇ bi dzaˬ-euˬ loꞈ-ehˇ, Moˇseˬ-aˬ, Yoˇsehˆ-euˬ gʼawˇ mawˇ-ahˇ aˬ yawꞈ nehˬ-ehˇ yuˇ gʼeh-euˬ meh. “Miˬyehˇ naw maꞈ-ahˇ ka kʼoꞈ le ngeh, ngaˬ-euˬ gʼawˇ mawˇ-ahˇ, miˇ kʼahˬ heu kʼahˬ laꞈ kʼoeˇ neh naw maꞈ ya yuˇ doˆ gʼeh meh” lehˇ, Yoˇsehˆ neh ehˇ taˬ yaꞈ-euˬ jaˆ-eu meh.

Bawˇtsahˬ 20:15

Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ aˬ joˆ-ehˇ iˇ-euˬ gaˇ kawˆ maˬ ehˇ, kʼoeˇ gaˇ nga maꞈ gʼawˬ mya kʼoꞈ jawˇ yaꞈ-euˬ gaˇ kawˆ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-ahˇ Iˇjiˇtuˆ tsawˇ haˬ deuˬ aˬ joˆ-ehˇ kʼehˬ nehˬ kʼaˆ nehˬ laꞈ-euˬ gaˇ kawˆ maˬ ehˇ,

Dawˬmehˬ 10:22

Naw maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ-ahˇ jawˇ-iˇ ngeh, shiꞈ tseˇ gʼaˬ byah-eu tehꞈ meh. Ehˇ kʼawꞈ, mˬ-ahˇ tsehˬ-eu aˬ guiˇ deuˬ loꞈ-ehˇ iˬ nah naw maꞈ myaˬ laˇ behˇ laˇ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.

Yawˇshuˆ 24:32

Iˇjiˇtuˆ miˇ kʼahˬ-ahˇ neh, Iˇsaˬleˬlaˆ tsawˇ haˬ deuˬ neh baꞈ laꞈ-euˬ Yoˇsehˆ-euˬ gʼawˇ mawˇ-ahˇ, Sheˬkmˬ-euˬ aˬ da Haˬmawˬ-euˬ aˬ li deuˬ-euˬ laꞈ-ahˇ neh, pyuˇ maˇ byaˆ tiˬ yaˇ byaˆ biꞈ-awˇ Yaˬkoˆ neh zeuˇ-euˬ Sheˬkmˬ meuˬ-ahˇ jaˆ-eu miˇ tsaˬ kʼoeˇ tsahˇ-ahˇ baꞈ pahˬ-euˬ meh. Miˇ tsaˬ kʼoeˇ tsahˇ-aˬ, Yoˇsehˆ-euˬ zaˬ deuˬ uˆ deuˬ za-euˬ jeˬ biˇ pyeuꞈ-eu meh.

Yawˇshuˆ 24:4

Iˇtsaˆ-ahˇ, Yaˬkoˆ hawˇ-eu Iˇsawˇ biꞈ-euˬ ma. Ehˇ kʼawꞈ, naw maꞈ-euˬ aˬ poeˬ Yaˬkoˆ hawˇ-eu aˬ yawꞈ-euˬ zaˬ deuˬ Iˇjiˇtuˆ miˇ kʼahˬ-ahˇ pawˇ-iˇ-euˬ meh.