Gʼaˬkʼehˇ 7:11 - Akha

¹¹ Kʼoeˇ naˇ, Iˇjiˇtuˆ miˇ kʼahˬ kʼahˬ lah ni hawˇ-eu Kaˬnaˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le-awˇ, shaˬ dui dui laˇ taˬ-euˬ meh. A dui-euˬ aˬ poeˬ deuˬ kʼawꞈ, dzaˬ-eu jeˬ maˬ jaˆ-ehˇ shaˬ laˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoerngae, Irjirtuv hawr-eu Kaqnaq mirkhanq khanqlanni, maef-awr shuf-eu jeq hawr-eu shaqdui zanq duidui-eu jeq keuvle taq-euq mae. Aqdui-euq aqpoeq deuq khawf, dzaq-eu jeq maq povmawr nya-aer shaqlar taq-euq mae.

Gʼaˬkʼehˇ 7:11 ပူးပေါင်းရင်းမြစ်များ

Aˇ dahˬ 42:5

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-euˬ miˇ neh, Yaˬkoˆ-euˬ aˬ li kʼoeˇ deuˬ cehˇ zeuˇ dzaˬ-iˇ-eu lehˇ, aˬ cawˬ nehˬ-ehˇ iˇ gʼeh-euˬ meh.

Aˇ dahˬ 43:1

Kaˬnaˬ miˇ kʼahˬ laꞈ kʼoeˇ, mehꞈ-eu shuꞈ-eu jeˬ yaw beh naˆ maˬ tseˇ paˇ kʼaˆ dzehˬ laˇ-euˬ meh.

Aˇ dahˬ 45:11

Goˬsheˬ miˇ tsaˬ-ahˇ nawˇ jawˇ le naˇ, nawˬ-ahˇ ngaˇ haw piˇ nehˬ nya ma. Mehꞈ-eu shuꞈ-eu aˇ kʼoꞈ ngaˬ kʼoꞈ dzeˇ-a siˬ. Nawˇ hawˇ-eu nawˬ-euˬ miˬ sawˇ zaˬ deuˬ maˬ ehˇ, nawˬ-euˬ jeˬ zaˬ deuˬ maˬ ehˇ, mehꞈ-eu shuꞈ-eu jeˬ-ahˇ maˬ bi daˬ mawꞈ nya lehˇ tsaꞈ ahˇ laꞈ-euˬ meh lehˇ ehˇ nehˬ-awˬ.”

Aˇ dahˬ 47:4

Kaˬnaˬ miˇ kʼahˬ laꞈ kʼoeˇ mehꞈ dui shuꞈ dui dui-eu jeˬ keuˆ le-awˇ, miˇ tsaˬ gui-iˇ-euˬ miˇ neh, nga maꞈ-euˬ jeˬ zaˬ deuˬ gaˆ dzaˬ kʼaˇ maˬ za ni pyeuꞈ laˇ taˬ-euˬ meh. Teu miˇ neh, nga maꞈ-ahˇ gʼawˬ shaˬ gaˬ-eu laꞈ kʼoeˇ, Goˬsheˬ miˇ tsaˬ-ahˇ bi jawˇ nehˬ laꞈ-awˬ.”

Jaceuq 105:16

Mehꞈ-eu shuꞈ-eu jeˬ aˬ yawꞈ maꞈ miˇ kʼahˬ kʼoeˇ taˆ, Sahˬpaˬ Miˬyehˇ neh bi keuˆ le-awˇ, dzaˬ dzaˬ dawˇ dawˇ bi byoˆ-iˇ-euˬ meh.