Gʼaˬkʼehˇ 6:7 - Akha

⁷ Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Gʼaˬkʼehˇ 6:7 ပူးပေါင်းရင်းမြစ်များ

2 Laˬsaˬbaˬ 29:34

Jeˬ zaˬ kʼoeˇ deuˬ dawˬ tawˆ luꞈ-ahˇ sehꞈ jiˇ coeˇ ni piˇ ma maˬ jawˇ myaˬ-eu miˇ neh, caw mˇ caw shaˇ-eu gʼaˇ duˬ piˇ ma nui deuˬ yawˬ ha-euˬ gʼawˇ mawˇ mˇ shawˇ gʼaˬ ngeh keuˆ ni, gaˇ kʼoeˇ mˇ luiˆ nya ni Leˬbiˇ tsawˇ haˬ deuˬ caw ba nehˬ-euˬ meh. Leˬbiˇ tsawˇ haˬ deuˬ-aˬ, yawˬ ha-euˬ gʼawˇ mawˇ yaw shawˇ shawˇ-ehˇ dehꞈ-eu paw, piˇ ma deuˬ naˆ maˬ tseˇ saˇ jaˇ taˬ nya-eu meh.

2 Laˬsaˬbaˬ 30:24

Tsawˇ haˬ aˇ maꞈ deuˬ bi dzaˬ-eu gʼaˇ duˬ, mawˇ neˇ tiˬ heˇ mawˇ hawˇ-eu yawˇ shiꞈ heˇ mawˇ sahˬ paˬ Heˬsaˬgiˇ damˬ nehˬ-euˬ meh. Yaw huiˬ yaw mahˇ deuˬ kʼawꞈ, mawˇ neˇ tiˬ heˇ mawˇ hawˇ-eu yawˇ tiˬ muiˇ mawˇ paˇ damˬ nehˬ-euˬ meh. Piˇ ma gʼawˬ mya ni gʼawˇ mawˇ shawˇ-eu zahˇ jahˇ-euˬ meh.

Jaceuq 132:16

Ziˇoˬ-euˬ piˇ ma deuˬ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˇ guiˬ lahˬ biꞈ nehˬ-awˇ, meuˬ zaˬ deuˬ laˬ kʼaˬ cehˇ-awˇ guˇ tehꞈ-a.

Jaceuq 132:9

Nawˬ-euˬ piˇ ma deuˬ aˬ myah luꞈ, yaw tsaˬ yaw dawˇ dawˇ-ehˇ mˇ-awˇ, nawˬ-euˬ tsawˇ haˬ deuˬ laˬ kʼaˬ cehˇ-awˇ guˇ luꞈ-uˇ.

Maꞈtehˬ 19:30

Ehˇ kʼawꞈ, heu ziˇ-ahˇ aˬ cawˬ mehˬ hu jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Yoˇhaˬ 12:42

Yuˇdaˆ tsawˇ haˬ aˬ yuiꞈ aˬ tsu deuˬ laꞈ kʼoeˇ kʼawꞈ, Yeˬsuˇ-ahˇ jah-eu gʼawˬ mya ni jawˇ-eu meh. Ehˇ kʼawꞈ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni Paˬliˬsehˇ deuˬ teh dzeh laˇ gaˇ guˆ-eu miˇneh, bya cehˆ ni maˬ ehˇ doˆ peuˬ-a.

Gʼaˬkʼehˇ 12:24

Kʼoeˇ ngeh, Miˬyehˇ-euˬ dawˬ kawˬ-aˬ, tiˬ gaˇ saˇ-iˬ tiˬ gaˇ gaˬ byah-iˇ luꞈ-eu meh.

Gʼaˬkʼehˇ 13:8

Ehˇ kʼawꞈ, Heˬlaˬsaˇ dawˬ-ahˇ neh Eˇluˇma lehˇ myahˇ-euˬ maw loˬ nya-eu kʼoeˇ gʼaˬ aˬ yawꞈ nyaꞈ-ahˇ laˆ tsoeˬ-awˇ, sahˬ paˬ kʼoeˇ gʼaˬ jah-eu tsawˇ haˬ maˬ bi pyeuꞈ laˇ ni leh jeh-eu meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Gʼaˬkʼehˇ 19:20

SahˬpaˬMiˬyehˇ-euˬ dawˬ-aˬ, kʼoeˇ loꞈ-ehˇ baoˬ huiˬ-eu laꞈ kʼoeˇ miˇ kʼahˬ doe-iˇ-awˇ gʼaˬ kʼaˆ luꞈ-eu meh.

Gʼaˬkʼehˇ 2:47

Kʼoeˇ loꞈ-ehˇ jahˇ luꞈ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, tsawˇ haˬ dawˬ tawˆ luꞈ aˬ yawꞈ maꞈ-ahˇ nui kʼahˇ shiˇ dui dui-euˬ meh. Ka kʼoꞈ-eu jeˬ za-euˬ tsawˇ haˬ deuˬ, tiˬ nah saˇ-iˬ tiˬ nah aˬ yawꞈ maꞈ-euˬ aˇ muˇ laꞈ kʼoeˇ bi lahˬ laˇ ni SahˬpaˬMiˬyehˇ mˇ luꞈ-eu meh.

Gʼaˬkʼehˇ 21:20

Aˬ yawꞈ kʼoeˇ loꞈ-ehˇ dzawˇ nehˬ gaˇ ya gaˬ ngeh, aˬ yawꞈ maꞈ dawˬ tawˆ luꞈ Miˬyehˇ-ahˇ ja ceuˬ-euˬ meh. Kʼoeˇ naˇ, Pawˇluˆ-ahˇ aˬ yawꞈ maꞈ heu loꞈ-ehˇ ehˇ nehˬ-euˬ meh. “Aˬ nyiˇ Pawˇluˆ-oˇ, jah-eu tsawˇ haˬ pyeuꞈ laˇ-euˬ Yuˇdaˆ tsawˆ haˬ aˇ myaˆ ni jawˇ-eu hawˇ-eu, aˬ yawꞈ maꞈ Zahˇ dawˬ kʼoꞈ dawˬ-ahˇ aˇ naˆ ni nui ma keuˆ luꞈ-eu nawˇ mawˇ luꞈ meh.

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Lormav 1:5

Tsawˇ jeuˬ dawˬ tawˆ luꞈ jah laˇ-awˇ naˇ haˬ geuꞈ ni sheuˬ gʼeh-eu gʼaˇ duˬ, Ka li-euˬ gʼaˬ kʼehˇ bi geuꞈ-eu lehˇ, Ka li-ahˇ gʼoe-awˇ Miˬyehˇ ngaˬ-ahˇ aˬ kawˬ-aˬ biꞈ laꞈ-euˬ meh.

Lormav 16:26

Ehˇ kʼawꞈ, nymˬ-mˇ poˆ jawˇ-aˬ, Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ laꞈ kʼoeˇ, zaꞈ taˬ-euˬ yaw tsaˬ yaw dawˇ kʼoeˇ bya cehˆ ni pah dzeh taˬ-euˬ meh. Kʼoeˇ uˬ taꞈ, tsawˇ haˬ zaˬ dawˬ tawˆ luꞈ jah-awˇ naˇ haˬ geuꞈ nya ni, mˬ maˬ maˬ byaˆ zaˇ ziˇ dehꞈ-eu Miˬyehˇ neh biꞈ-euˬ dawˬ laꞈ kʼoeˇ, tsawˇ jeuˬ dawˬ tawˆ luꞈ-ahˇ yaw tsaˬ yaw dawˇ kʼoeˇ bi siˬ bi mawˇ-euˬ meh.

Gaˬlaˬtiˆ 1:23

“Aˬ dui maꞈ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ kʼoeˇ gʼaˬ, yaw beh aˬ yawꞈ laˆ cawˆ-eu lehˇ leh jeh-euˬ jah-eu heu-euˬ gaˇ kawˆ dawˬ mehˬ mehˬ luꞈ meh jeˇ” lehˇ, aˬ cawˬ ja-eu ya gaˬ-euˬ tehꞈ-a siˬ.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Gawˇlawˇsehˇ 1:6

Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

HeˬByehˇ 11:8

Miˬyehˇ neh Aˬbyaˬhaˬ-ahˇ biꞈ-eu lehˇ saˇ jaˇ dzaˬ taˬ-euˬ miˇ kʼahˬ-ahˇ iˇ-eu gʼaˇ duˬ Miˬyehˇ kuˇ ngeh, Aˬbyaˬhaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Yawˬ ha aˬ gaˇ ya iˇ-eu maˬ siˬ nya kʼawꞈ, aˬ yawꞈ-euˬ miˇ kʼahˬ-ahˇ byehˇ dzeh yaꞈ-awˇ doˆ-iˇ-euˬ meh.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.

Yuˇdaˆ 1:3

Ngaˇ gaˬ dui dui-eu aˬ yuiꞈ aˬ nyiˇ Ka li zaˬ deuˬ-oˇ, aˬ dui dawˬ tawˆ luꞈ-ahˇ taꞈ-eu ka kʼoꞈ-eu jeˬ gaˇ kawˆ, ngaˇ kʼaˇ gʼeh nya-eu loꞈ-ehˇ boꞈ ahˇ laꞈ-eu ma. Miˬyehˇ neh aˬ yawꞈ-euˬ tsawˇ haˬ deuˬ-ahˇ mˬ maˬ maˬ byaˆ zaˇ ziˇ tiˬ poˆ tehꞈ-ehˇ biꞈ-euˬ jah-eu jeˬ gʼaˇ duˬ leh jeh dui dui-awˇ deuˆ ceh ceh paˬ-ehˇ gʼeh-eu gaˇ kawˆ, naw maꞈ-ahˇ gʼaˬ biꞈ-eu sahˬ boꞈ yaw kawˇ-ehˇ boꞈ paˬ-ehˇ gʼeh-eu meh lehˇ ngaˇ noeˬ-eu ma.