Gʼaˬkʼehˇ 6:5 - Akha

⁵ Gʼaˬ kʼehˇ deuˬ kʼoeˇ loꞈ-ehˇ ehˇ gaˇ, aˇ muˇ muˇ lah-ehˇ nui ma tsaˬ-awˇ, tsawˇ haˬ heu deuˬ-ahˇ tseˇ doˆ-euˬ meh. Jah-eu nui ma tiˬ byah ni ahˇ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ, Piˇliˇpuˆ, Bawˇkawˬ, Niˇgaˬnawˬ, Tiˇmoˬ, Baˬmeˬnaˇ, Niˇgawˇla heu deuˬ meh. Niˇgawˇla-aˬ, yaw beh Aˬdiˇawˬ meuˬ-ahˇ jawˇ-euˬ lawˇ ciꞈ zaˬ pyeuꞈ-awˇ, dzeuˇ laˇ ngeh Yuˇdaˆ tsawˇ haˬ-euˬ zahˇ tiˬ poˆ tawˬ haw-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf aer-eu gar, tsawrhaq armaf maflanni nuikhanr shir-awr, heudeuq-anr tserdov-euq mae: jan-eu jeq byan-awr Yawshawr Saflar byan-eu Saqteqpaq hawr-eu Pirlirpuv, Bawrkawq, Nirgaqnawq, Tirmoq, Baqmeqnar hawr-eu Yurdav-euq zanr tawqlar-euq Aqdirawq-anr jawr-eu Nirgawrla heudeuq mae.

Gʼaˬkʼehˇ 6:5 ပူးပေါင်းရင်းမြစ်များ

Aˇ dahˬ 41:37

Yoˇsehˆ neh ehˇ nehˬ-euˬ loꞈ-ehˇ mˇ-eu gʼaˇ duˬ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma tsaˬ-euˬ meh.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 15:23

dawˬ tsaˬ tmˇ-eu nui saˇ bi oꞈ-awˇ, dawˬ muiˬ ngeh-eu laˬ kʼaˬ bi cehˇ-eu meh.

Miˇkaˬ 3:8

Ehˇ kʼawꞈ, ngaˇ gʼaˬ-aˬ, Sahˬpaˬ Miˬyehˇ-euˬ yaw sahˇ hawˇ-eu baoˬ tiˬ byah ni za taˬ-awˇ, yaw tsaˬ yaw dawˇ-ahˇ siˬ nya-eu jeˬ hawˇ-eu, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ-euˬ iˬ baˇ gaˇ kawˆ ja mehˬ-eu gʼaˇ duˬ nui kʼaˬ biꞈ laꞈ taˬ-euˬ meh.

Maꞈtehˬ 23:15

Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ tsawˇ haˬ yaw shuiꞈ tiˬ gʼaˬ bi uˇ laˇ-eu gʼaˇ duˬ, miˇ kʼahˬ poˆ laˆ cah paˇ-awˇ, laˆ shaˆ nui baˬ iˇ tsehˆ iˇ tsehˆ-ehˇ naw maꞈ leh jeh-eu meh. Ehˇ kʼawꞈ, tsawˇ haˬ kʼoeˇ gʼaˬ-ahˇ naw maꞈ mehˬ paˇ nehˬ gʼaˬ ngeh jawˇ, naw maꞈ loꞈ-ehˇ shiˬ buiˇ lah ma-ahˇ uˇ leˇ-eu paw, gʼaˬ nyiˬ bymˇ paˇ kʼaˆ dzehˬ laˇ ni jahˇ nehˬ gaˇ duˇ-eu meh.

Gʼaˬkʼehˇ 11:19

Saˬteˬpaˬ-ahˇ sehꞈ ngeh poˆ kʼehˬ-eu kʼaˆ-eu jeˬ-ahˇ ya daˬ-awˇ cehˆ byaˆ-euˬ jah-eu tsawˇ haˬ tiˬ paˆ na deuˬ-aˬ, Piˇniˇshaˆ miˇ kʼahˬ, Guˇbaˬluˇ iˇ jaw lahˇ hawˇ-eu, Aˬdiˇawˬ meuˬ-ahˇ keuˆ ni cehˆ keuˆ-euˬ meh. Aˬ yawꞈ maꞈ-aˬ, Yuˇdaˆ tsawˇ haˬ deuˬ-ahˇ tehꞈ-ehˇ guiˬ lahˬ dawˬ mehˬ-euˬ meh.

Gʼaˬkʼehˇ 11:20

Ehˇ kʼawꞈ, Guˇbaˬluˇ iˇ jaw lahˇ hawˇ-eu Kuˇleˬniˬ miˇ kʼahˬ-ahˇ jawˇ-eu jah-eu tsawˇ haˬ tiˬ deuˬ-aˬ, Aˬdiˇawˬ meuˬ-ahˇ le-awˇ, Yuˇdaˆ tawˇ haˬ maˬ ngeuˇ-eu deuˬ-ahˇ kʼawꞈ guiˬ lahˬ dawˬ mehˬ-awˇ, Sahˬpaˬ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ ja mehˬ-euˬ meh.

Gʼaˬkʼehˇ 11:22

Gaˇ kawˆ kʼoeˇ Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ-ahˇ gaˬ keuˆ-iˇ-euˬ miˇ neh, Baˬnaˬbaˇ-ahˇ Aˬdiˇawˬ meuˬ-ahˇ aˬ yawꞈ maꞈ pyehˬ gʼeh-euˬ meh.

Gʼaˬkʼehˇ 11:24

Baˬnaˬbaˇ-aˬ, muiˬ-eu jaˬ-eu tsawˇ haˬ tiˬ gʼaˬ pyeuꞈ-awˇ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, jah-eu jeˬ kʼawꞈ tiˬ byah ni ahˇ-eu miˇ neh, tsawˇ haˬ gʼawˬ mya ni Sahˬpaˬ Yeˬsuˇ jawˇ paw ahˇ laˇ-euˬ meh.

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Gʼaˬkʼehˇ 11:27

Aˇ yamˬ kʼoeˇ yamˬ laꞈ kʼoeˇ, Miˬyehˇ gʼaˇ duˬ ngehˬ dah-eu tiˬ paˆ na deuˬ, Yeˬluˇsaˬlehˬ meuˬ-ahˇ neh Aˬdiˇawˬ meuˬ-ahˇ le-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 15:22

Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 2:4

Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 21:8

Yawˬ nah yawˬ paˇ doˆ-iˇ-awˇ, Gehˇsaˬliˇ meuˬ-ahˇ iˇ keuˆ-euˬ ma. Piˇliˇpuˆ lehˇ myahˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ-euˬ nymˇ-ahˇ nga maꞈ yaꞈ-euˬ ma. Yeˬluˇsaˬlehˬ meuˬ laꞈ kʼoeˇ gaˇ bi caw mˇ-eu gʼaˇ duˬ tsawˇ haˬ shiꞈ gʼaˬ tseˇ doˆ ngeh, aˬ yawꞈ kʼawꞈ ahˇ-eu meh.

Gʼaˬkʼehˇ 22:20

Kʼoeˇ uˬ taꞈ, nawˬ-euˬ gʼaˇ duˬ saˇ kiˇ kamˬ-eu gʼaˬ pyeuꞈ-eu Saˬteˬpaˬ-ahˇ sehꞈ ngeh, ngaˇ kʼawꞈ kʼoeˇ gaˇ jawˇ-euˬ ma. A yawꞈ-ahˇ sehꞈ gaˇ ngaˇ gʼaˬ baꞈ baꞈ-awˇ, aˬ yawꞈ-ahˇ diˬ sehꞈ leˇ-euˬ deuˬ mehˬ tsoeˬ lehˆ taˬ yaꞈ-euˬ gaˇ ngaˇ loꞈ yaꞈ-euˬ ma.’

Gʼaˬkʼehˇ 6:10

Ehˇ kʼawꞈ, Yaw sahˇ Miˬyehˇ neh Saˬteˬpaˬ-ahˇ tsawˇ gahˇ biꞈ taˬ-euˬ miˇ neh, aˬ yawꞈ maꞈ maˬ pyehˇ gʼaˬ nya-a.

Gʼaˬkʼehˇ 6:3

Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Gʼaˬkʼehˇ 6:8

Miˬyehˇ neh guiˬ lahˬ tiˬ byah ni biꞈ taˬ-awˇ, baoˬ tiˬ byah ni ahˇ-eu Saˬteˬpaˬ-aˬ, aˬ cawˬ-euˬ mehˬ shi zahˬ dui dui leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ mehˬ-euˬ meh.

Gʼaˬkʼehˇ 7:1

Piˇ ma yaw huiˬ gʼaˬ Saˬteˬpaˬ-ahˇ naˇ haˬ-eu, “Aˬ yawꞈ maꞈ ehˇ-eu ngeuˇ meh loˇ.”

Panmaeq 2:15

Kʼoeˇ gaˇ duˇ ni, nawˬ-euˬ tsawˇ haˬ tiˬ paˆ na deuˬ-aˬ, Niˇgawˇlaˆ tsawˇ haˬ deuˬ mehˬ-eu tsoˆ-eu mehˬ nah caw teh-eu meh.

Panmaeq 2:6

Niˇgawˇla tsawˇ haˬ deuˬ mˇ luꞈ shaˇ luꞈ-eu jeˬ-ahˇ ngaˇ maˬ haw nahˇ-eu loꞈ-ehˇ, nawˇ kʼawꞈ maˬ haw nahˇ-a.