Gʼaˬkʼehˇ 6:4 - Akha

⁴ Nga maꞈ-aˬ, guiˬ lahˬ shaˇ-eu hawˇ-eu dawˬ mehˬ mehˬ-eu jeˬ tehꞈ-ehˇ aˇ yamˬ tiˬ byah ni mˇ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, nga’maf-aq, guiqlanq shar-awr, Yaerdawq-anr taf-eu guiqlanq-euq gar-anr taef-aer noeqtsov taq-awr mr ma.”

Gʼaˬkʼehˇ 6:4 ပူးပေါင်းရင်းမြစ်များ

Luˇkaꞈ 1:23

Uˬ duˬ tahˬ nymˇ nymˇ ma laꞈ kʼoeˇ aˬ yawꞈ gaˇ ya mˇ-eu aˇ yamˬ dzeuˇ ngeh, iˇ kahˇ-ahˇ gʼoꞈ-iˇ-euˬ meh.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Lormav 1:9

Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

Piˇliˇpiˆ 1:4

Naw maꞈ dawˬ tawˆ luꞈ gʼaˇ duˬ ngaˇ guiˬ lahˬ kʼaˇ shaˇ ngeh, laˬ kʼaˬ cehˇ-eu laꞈ kʼoeˇ shaˇ-eu ma.

Gawˇlawˇsehˇ 2:1

Naw maꞈ-euˬ gʼaˇ duˬ maˬ ehˇ, Lawˬdiˬciˆ meuˬ-ahˇ jawˇ-eu tsawˇ haˬ deuˬ gʼaˇ duˬ maˬ ehˇ, ngaˬ-ahˇ maˬ mawˇ haw-euˬ tsawˇ haˬ dawˬ tawˆ luꞈ gʼaˇ duˬ maˬ ehˇ, ngaˇ aˇ naˆ ni leh jeh-awˇ gaˇ mˇ luꞈ-eu gaˇ kawˆ naw maꞈ-ahˇ bi siˬ mawꞈ miˇ-a.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

Gawˇlawˇsehˇ 4:17

Aˬgiˇpuˆ-ahˇ kʼawꞈ, “Sahˬpaˬ Yeˬsuˇ-euˬ gaˇ laꞈ kʼoeˇ nawˇ mˇ-eu gaˇ deuˬ-ahˇ yaw muiˬ paˬ-ehˇ mˇ luiˆ jiˇ-awˬ” lehˇ tiˬ poˆ tsaꞈ gaˬ nehˬ-awˬ.

2 Tiˆmoˇseˬ 4:2

Miˬyehˇ dawˬ kawˬ mehˬ-awˬ. Aˇ yamˬ tsaˬ ngeh maˬ ehˇ, maˬ tsaˬ ngeh maˬ ehˇ, leh jeh-awˇ mehˬ-awˬ. Yaw lehˬ-ahˇ toeˬ mehˬ-awˬ. Yaw kʼaˆ kʼaˆ-ehˇ mehˬ paˇ tsoˆ paˇ-awˬ. Gʼaˬ biꞈ-awˬ. Nui ma gʼawˬ mahˇ ni taˬ-awˇ mehˬ nehˬ tsoˆ nehˬ-awˬ.