Gʼaˬkʼehˇ 6:13 - Akha

¹³ Kʼoeˇ naˇ, jaˬ myawꞈ myawꞈ-eu gʼaˇ duˬ aˬ yawꞈ maꞈ neh mehˬ gahˇ taˬ-euˬ tsawˇ haˬ deuˬ sheuˬ ahˇ laꞈ-awˇ, heu loꞈ-ehˇ bi ehˇ-euˬ meh. “Tsawˇ haˬ heu gʼaˬ-aˬ, aˬ dui-euˬ muiˬ-eu shawˇ-eu Uˬ duˬ tahˬ nymˇ nymˇ ma hawˇ-eu Moˇseˬ-euˬ Zahˇ dawˬ kʼoꞈ dawˬ-ahˇ bahˬ leˇ-eu dawˬ maˬ tsehˆ leˇ ni ngehˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoeruqtaf, aqyawfmaf, tsawrkaq jaqmyawf kurlaf-awr heulof-aer bi’aer-euq mae: “Tsawrhaq heughaq-aq, yawshawr lawv hawr-eu zanrdawq-anr maq tsaevlerni yaeqbawq saerlu-aer aerluf-eu mae.

Gʼaˬkʼehˇ 6:13 ပူးပေါင်းရင်းမြစ်များ

Jaceuq 27:12

Ngaˬ-ahˇnawˬdzaˬkʼaˆdzaˬle-eu, muiˇ-eu deuˬ-euˬaˬlaꞈlaꞈkʼoeˇ, nawˇngaˬ-ahˇtaˬ a dzeh nehˬlaꞈ.

Jaceuq 35:11

Haiˬ-eu tsawˇhaˬsaˇkiˇgeuꞈ-awˇ, maˬngeuˇgaˇkeuˆdehˬlehꞈ-eu meh.

Jaceuq 56:5

Muiˇ-eu deuˬ nah ga-ehˇ ngaˬ-ahˇ laˆ shaˬ luꞈ meh. Ngaˬ-ahˇ laˆ coeˬ laˆ ciˆ-eu gʼaˇ duˬ, aˬ yawꞈ maꞈ aˬ myah luꞈ shaˇ noeˬ luꞈ meh.

Hawˇseˬ 7:4

Aˬ yawꞈ maꞈ-euˬ puiˬ-eu nui ma, kaˬ muˇ jahˇ-eu gʼaˬ maˬ dah-ehˇ, maˬ laˆ nyehˆ ni bi jaˆ tawˬ-euˬ, doꞈ-eu tsawˬ bu-ahˇ duˇ-eu meh.

Maꞈtehˬ 24:15

“Miˬyehˇ gʼaˇ duˬ ngehˬ dah-eu Daˬyeˬlaˆ neh ehˇ taˬ-euˬ ‘Guˆ dui dui laˇ paˬ-ahˇ gʼeh-eu yaw jawꞈ jeˬ’ -ahˇ naw maꞈ ya mawˇ tehꞈ-a. Yaw jawꞈ jeˬ kʼoeˇ, muiˬ-eu shawˇ-eu jawˇ duˬ-ahˇ ka tuˇ taˬ-awˇ jaˆ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw luꞈ-uˇ.)

Maꞈtehˬ 26:59

Piˇ ma aˬ yuiꞈ deuˬ hawˇ-eu, Baꞈ dzah aˇ muˇ muˇ lah-ehˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh-eu meh.

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Gʼaˬkʼehˇ 25:8

Kʼoeˇ naˇ, Pawˇluˆ ehˇ kʼoꞈ nehˬ-eu, “Yuˇdaˆ tsawˇ jeuˬ-euˬ Zahˇ dawˬ kʼoꞈ dawˬ-ahˇ maˬ ehˇ, Uˬ duˬ tahˬ nymˇ nymˇ ma-ahˇ maˬ ehˇ, Loˇmaˆ miˇ kʼahˬ-ahˇ maˬ ehˇ, ngaˬ neh mˇ bahˬ taˬ-euˬ tiˬ jeˬ-iˬ maˬ jaˆ.”

Gʼaˬkʼehˇ 6:11

Kʼoeˇ miˇ neh, tsawˇ haˬ tiˬ paˆ na deuˬ-ahˇ aˬ yawꞈ maꞈ laꞈ nmꞈ nmꞈ-awˇ, “Tsawˇ haˬ heu gʼaˬ Moˇseˬ hawˇ-eu Miˬyehˇ-ahˇ bahˬ leˇ-eu dawˬ ngehˬ-euˬ nga maꞈ gaˬ-euˬ ma” lehˇ bi ehˇ-euˬ meh.

Gʼaˬkʼehˇ 7:58

Kʼoeˇ naˇ, aˬ yawꞈ-ahˇ meuˬ laꞈ nyiˇ biˬ doˆ-awˇ, kʼaˬ lo neh biˬ-euˬ meh. Saˇ kiˇ geuꞈ-awˇ haw le-euˬ tsawˇ haˬ deuˬ-aˬ, aˬ yawꞈ maꞈ-euˬ pehˇ kʼahˬ lehˆ taˬ yaꞈ-awˇ, Sawˇluˆ lehˇ kuˇ-eu zaˬ guˬ tiˬ gʼaˬ neh bi haw yaꞈ-euˬ meh.

HeˬByehˇ 7:12

Aˬ jeˬ miˇ neh ehˇ naˇ, piˇ ma yawˬ jeˬ yawˬ laˆ paˇ naˇ, zahˇ dawˬ kʼoꞈ dawˬ kʼawꞈ ya laˆ paˇ-eu meh.