Gʼaˬkʼehˇ 5:9 - Akha

⁹ Ehˇ kʼawꞈ, Beˬtuˆluˆ ehˇ-eu, “Aˬ jeˬ miˇ neh naw nyaꞈ dzeˇ zaˬ nui ma tiˬ siˬ tehꞈ-ehˇ taˬ-awˇ SahˬpaˬMiˬyehˇ-euˬ Yaw sahˇ-ahˇ lawˬ haw te. Nawˬ-euˬ kʼaˬ dzeˇ zaˬ-ahˇ baꞈ pahˬ-iˇ-euˬ tsawˇ haˬ deuˬ nymˬ-mˇ gʼoˆ kʼehˬ-ahˇ gʼoꞈ uˇ laˇ luꞈ meh. Aˬ yawꞈ maꞈ nawˬ-ahˇ paˇ ya baꞈ doˆ gʼeh tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerngae, Beqtuvluv, aqyawf-anr aernaeq-eu, “Nawnyaf aqjox-aer tiqgar gm-awr, Sanqpaq Miqyaer-euq Saflar-anr tsermr haw-eu le? Taeq, nawq-euq khaqdzerzaq-anr bafpanq-ir-euq deuq ghovkhaeq-anr ghofkeuv lar-euq ngar-a. Aqyawfmaf, nawq-anr khawf bafdovghae taef-a.”

Gʼaˬkʼehˇ 5:9 ပူးပေါင်းရင်းမြစ်များ

Aˇ dahˬ 20:13

Kʼoeˇ miˇ neh, ngaˬ da-euˬ nymˇ-ahˇ byehˇ dzeh yaꞈ-awˇ, maˬ siˬ maˬ suˇ-eu miˇ kʼahˬ-ahˇ Miˬyehˇ ngaˬ-ahˇ bi iˇ laꞈ ngeh, Nawˇ ngaˬ-euˬ dmˇ ma pyeuꞈ-eu ma lehˇ aˬ cawˬ-ahˇ ehˇ nehˬ-eu laꞈ kʼoeˇ, nawˇ ngaˬ-ahˇ aˇ naˆ ni saˇ jaˇ ziꞈ-eu gaˇ kawˆ bi siˬ bi mawˇ laꞈ-awˬ lehˇ, aˬ yawꞈ-ahˇ ngaˇ ehˇ nehˬ-euˬ ma.”

2 Sahˬpaˬ 6:32

Eˇliˇshehˇ-aˬ, aˬ yawꞈ jawˇ gaˇ dawˬ deh gʼa le-euˬ tsawˇ mawˬ tsawˇ kʼaˆ deuˬ nehˬ-ehˇ, nymˇ laꞈ kʼoeˇ nuiˇ luꞈ-eu meh. Kʼoeˇ ngeh, sahˬ paˬ neh tsawˇ haˬ tiˬ gʼaˬ pyehˬ gʼeh leꞈ-euˬ meh. Ehˇ kʼawꞈ, tsawˇ haˬ kʼoeˇ gʼaˬ maˬ oe keuˆ mi naˆ-ehˇ, tsawˇ mawˬ tsawˇ kʼaˆ kʼoeˇ deuˬ-ahˇ Eˇliˇshehˇ ehˇ nehˬ-eu, “Tsawˇ haˬ-ahˇ sehꞈ-eu kʼoeˇ gʼaˬ tsawˇ haˬ tiˬ gʼaˬ pyehˬ leꞈ-awˇ, ngaˬ-ahˇ bi sehꞈ le-eu lehˇ bi oe luꞈ meh. Aˬ yawꞈ heu gaˇ oe keuˆ naˇ, maˬ bi uˇ laˇ ni laˇ gʼoˆ piˬ tehˬ-awˬ. Sahˬ paˬ kʼawꞈ aˬ yawꞈ-euˬ mehˬ nah caw teh leꞈ tehꞈ-a.”

Jaceuq 50:18

Smˇ kʼoeˬ kʼaˇ tahˬ puˬ le gaˇ naw maꞈ cawˬ cawˬ taꞈ-awˇ, aˬ cawˬ-euˬ miˬ zaˬ yo zaˬ-ahˇ bahˬ-eu deuˬ nehˬ-ehˇ, naw maꞈ mehˬ bawˬ gm-eu meh.

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Doˆ-iˇ 17:2

Aˬ yawꞈ maꞈ nui ma cawˆ-eu laꞈ kʼoeˇ, Moˇseˬ-ahˇ iˬ baˇ taˬ-awˇ, “Nga maꞈ dawˇ-eu gʼaˇ duˬ iˇ cuꞈ biꞈ nehˬ laꞈ-awˬ” lehˇ ehˇ nehˬ-euˬ meh. Moˇseˬ gʼeh, “Aˬ jeˬ miˇ neh naw maꞈ ngaˬ-ahˇ iˬ baˇ taˬ te. Aˬ jeˬ miˇ neh naw maꞈ Sahˬpaˬ Miˬyehˇ-ahˇ lawˬ haw te” lehˇ aˬ yawꞈ maꞈ-ahˇ ehˇ nehˬ-euˬ meh.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Dawqdaq 16:5

Jahˇ gʼeh-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, maˬ kʼehˬ maˬ kʼaˆ-ehˇ maˬ bi dzeuˇ-iˇ-a.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Maꞈtehˬ 4:7

Yeˬsuˇ ehˇ-eu, “‘Nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ nawˇ maˬ ya lawˬ haw-a’ lehˇ, Jaˇ liꞈ laꞈ kʼoeˇ ehˇ taˬ-euˬ meh.”

Luˇkaꞈ 16:2

Kʼoeˇ miˇ neh, myawˬ jeˬ hmˬ-eu kʼoeˇ gʼaˬ-ahˇ aˬ yawꞈ kuˇ-awˇ ehˇ nehˬ-eu, ‘Nawˬ-euˬ gaˇ kawˆ ngaˇ ya gaˬ-euˬ maˬ muiˬ nya. Nawˬ neh ngaˬ-euˬ myawˬ jeˬ hmˬ-euˬ jaˇ laˇ dawˬ tawˆ luꞈ ngaˇ jawˇ gaˇ yuˇ laꞈ sheˇ. Nawˬ-ahˇ ngaˬ-euˬ myawˬ jeˬ hmˬ-eu gʼaˬ maˬ paˇ gi geuꞈ nya ngaˇ.’

Gʼaˬkʼehˇ 15:10

Toˆ-ehˇ ngeuˇ naˇ, aˬ dui-euˬ aˬ poeˬ aˬ bawˇ deuˬ maˬ ehˇ, aˬ dui maˬ ehˇ, maˬ daˬ coeˇ-eu kʼaˆ behˆ kʼoeˇ-ahˇ jah-eu tsawˇ haˬ deuˬ-euˬ naˇ kʼah ciˬ pi nehˬ-eu laꞈ kʼoeˇ, aˬ jeˬ miˇ neh naw maꞈ Miˬyehˇ-ahˇ lawˬ haw-eu gʼeh te.

Gʼaˬkʼehˇ 5:6

Zaˬ guˬ deuˬ uˇ laˇ-awˇ, aˬ yawꞈ-euˬ gʼawˇ mawˇ-ahˇ mawˇ tawˆ tawˆ-awˇ baꞈ pahˬ-iˇ-euˬ meh.

Lormav 10:15

Mehˬ nehˬ-iˇ-eu tsawˇ haˬ maˬ kʼehˇ gʼeh naˇ, aˬ joˆ-ehˇ bi mehˬ nehˬ-iˇ nmˇ. Kʼoeˇ miˇ neh, “Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ deuˬ-euˬ kuiˇ toꞈ aˇ naˆ ni haw muiˬ-eu nga” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

1 Gawˇliˬtu 10:9

Aˬ yawꞈ maꞈ tiˬ paˆ na deuˬ Miˬyehˇ-ahˇ lawˬ haw-euˬ loꞈ-ehˇ aˬ dui maˬ ya lawˬ haw-a. Aˬ yawꞈ maꞈ kʼoeˇ loꞈ-ehˇ lawˬ haw-euˬ miˇ meh aˇ lawˇ neh bi toˆ sehꞈ-euˬ meh.