Gʼaˬkʼehˇ 5:5 - Akha5 Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq5 Aqnaqnir dawq khoerdawq-anr yagaq ngae, coqdzae ghae-awr saf tsaev-euq mae. Garkawv khoer yagaq-euq tsawrhaq dawqtawvluf guv duidui-ir-euq mae. အခန်းကိုကြည့်ပါ။ |
Gʼaˬkʼehˇ 5:5
26 ပူးပေါင်းရင်းမြစ်များ
Kʼoeˇ miˇ neh Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ kʼoeˇ loꞈ-ehˇ ehˇ-eu baˬ da neh, nawˬ-euˬ kʼaˬ meh laꞈ kʼoeˇ ahˇ-eu ngaˬ-euˬ dawˬ deuˬ, miˬ dzaˬ doꞈ gaˇ bi duˇ leˇ ma. Tsawˇ haˬ kʼoeˇ deuˬ miˬ dzaˬ miˬ kawˬ loꞈ-ehˇ, miˬ dzaˬ neh bi puiˆ jiˇ tehꞈ-a.”
Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.
SahˬpaˬMiˬyehˇ-euˬ aˬ laꞈ nawˬ-euˬ kʼoeˇ taˆ nymˬ-mˇ keuˆ le-awˇ, nawˇ yaw shehꞈ-ahˇ maˬ mawˇ nya ni myaˆ behꞈ behꞈ-iˇ-awˇ, tiˬ coeˬ tiˬ law ya shaˬ tehꞈ-a.” Tiˬ poˆ tehꞈ-ehˇ, zahˇ tsui ni gʼeh-eu juˬ kʼoeˬ aˬ yawꞈ-euˬ myaˆ nuiˆ-ahˇ tmˬ tsoeˬ-awˇ, aˬ yawꞈ jawˬ jawˬ-ehˇ cah cah-ehˇ, aˬ yawꞈ-euˬ aˬ laꞈ-ahˇ tsahˇ-awˇ bi sheuˬ gʼeh-eu tsawˇ haˬ-ahˇ poˆ-eu meh.
Ngaˇ naw maꞈ jawˇ gaˇ oe keuˆ ngeh, Sahˬpaˬ Ka li neh ngaˬ-ahˇ biꞈ laꞈ-euˬ baoˬ zmˬ-awˇ, naw maꞈ-ahˇ yaw kʼaˆ kʼaˆ-ehˇ maˬ ya jahˇ nehˬ-eu gʼaˇ duˬ, gaˇ mahˇ kaˬ gaˇ jawˇ ngeh neh heu loꞈ-ehˇ boꞈ ahˇ leꞈ-euˬ jeˬ pyeuꞈ-eu ma. Baoˬ kʼoeˇ-aˬ, naw maꞈ-ahˇ bi laˆ cawˆ-eu gʼaˇ duˬ biꞈ laꞈ-euˬ maˬ ngeuˇ-a. Naw maꞈ bi huiˬ bi mahˇ laˇ ni mˇ-eu gʼaˇ duˬ biꞈ laˬ-euˬ meh.
Naw maꞈ laꞈ kʼoeˇ dzeuˇ laˇ ngeh iˬ baˇ mˇ-euˬ deuˬ hawˇ-eu nui deuˬ dawˬ tawˆ luꞈ-ahˇ ngaˇ heu loꞈ-ehˇ ehˇ mawꞈ-eu ma. Ngaˇ naw maꞈ jawˇ gaˇ nyiˬ poˆ tiˬ poˆ oe ngeh, gaˇ kawˆ heu naw maꞈ-ahˇ ehˇ nehˬ gʼaˬ-euˬ ma. Nymˬ-mˇ ngaˇ naw maꞈ nehˬ-ehˇ maˬ jawˇ ngeh kʼawꞈ, tiˬ poˆ paˇ ehˇ poˆ-eu ma. Ngaˇ yawˬ poˆ yawˬ paˇ oe ngeh, tiˬ gʼaˬ-ahˇ-iˬ maˬ paˇ taˬ nehˬ ma lehˇ ehˇ taˬ-euˬ ma.
Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.
Kʼoeˇ ngeh, meuˬ-ahˇ jawˇ-eu tsawˇ haˬ deuˬ aˬ li kʼoeˇ gʼaˬ-ahˇ kʼaˬ lo neh ya biˬ sehꞈ meh. Kʼoeˇ loꞈ-ehˇ jahˇ-eu laꞈ kʼoeˇ, kʼoeˇ loꞈ-ehˇ gʼeh-eu yaw haiˬ jeˬ byoˆ-iˇ ni naw maꞈ ya mˇ meh. Gaˇ kawˆ kʼoeˇ Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ yawˬ gʼaˬ na luꞈ ya gaˬ-awˇ, guˆ-iˇ tehꞈ-a.
Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ deuˬ-ahˇ taꞈ leˇ-awˇ, Aˬkaˬ neh mˇ-euˬ iˬ baˇ-ahˇ shaˇ noeˬ haw sheˇ. Kʼoeˇ baˬ da neh, Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ kʼehˬ-eu kʼaˆ-eu jeˬ-ahˇ ya daˬ-euˬ meh. Aˬ kaˬ-euˬ iˬ baˇ baˬ da neh, aˬ yawꞈ tiˬ gʼaˬ tehꞈ-ehˇ ya shiˇ-euˬ maˬ ngeuˇ-a.”
ကြော်ငြာတွေ