Gʼaˬkʼehˇ 5:40 - Akha

⁴⁰ Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁰ Aqyawf, aqyawf maf-anr japyawr-awr, aqyawfmaf, ghaqkhaer deuq-anr kurur laf-awr nae aqyawf maf-anr diqghaq-euq nar-aq, Yeqsur-euq tsawrmyanr-anr ghoeghoe-aer taqpar maeq laer dawq bif-awr, aqyawf maf-anr pyaeqnaeq-euq mae.

Gʼaˬkʼehˇ 5:40 ပူးပေါင်းရင်းမြစ်များ

Dawqdaq 12:10

Yaw tsaˬ yaw dawˇ tsawˇ haˬ-aˬ, yawˬ ha-euˬ jeˬ zaˬ-ahˇ ngeh gʼeh-awˇ, haiˬ-eu tsawˇ haˬ-aˬ, yawˬ ha-euˬ jeˬ zaˬ-ahˇ kʼehˬ-eu meh.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Aˬmoˆ 2:12

Ehˇ kʼawꞈ, Naˬzaˬliˇ tsawˇ haˬ deuˬ jiˇ baˬ dawˇ ni naw maꞈ jahˇ-awˇ, Miˬyehˇ gʼaˇ duˬ ngehˬ dah-eu deuˬ ngaˬ neh bi ngehˬ-euˬ dawˬ maˬ ya ngehˬ ni naw maꞈ laˆ tsoeˬ-euˬ meh.

Miˇkaˬ 2:6

Ngaˬ neh ehˇ-euˬ dawˬ-ahˇ gaˬ-euˬ deuˬ ngaˬ-ahˇ dawˬ mehˬ mehˬ laˇ-awˇ ehˇ-eu, “Nga maꞈ-ahˇ dawˬ mehˬ taˬ mehˬ. Gaˇ kawˆ heu deuˬ maˬ mehˬ ni jawˇ-awˬ. Nga maꞈ daˬ ga ni Miˬyehˇ maˬ mˇ-aˇ.

Maꞈtehˬ 10:17

Yaw kʼaˆ kʼaˆ-ehˇ yahˇ-awˬ. Aˬ jeˬ miˇ neh ehˇ naˇ, naw maꞈ-ahˇ paꞈ-awˇ, yaˇ kʼaˬ daˇ-eu nymˇ-ahˇ tsahˇ gʼeh-eu tsawˇ haˬ jawˇ tehꞈ-a. Yuˇdaˆ tsawˇ haˬ-euˬ uˬ duˬ tahˬ nymˇ laꞈ kʼoeˇ, naw maꞈ-ahˇ aˬ yawꞈ maꞈ yahˬ caˆ neh juiꞈ tehꞈ-a.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Maˬkuˆ 13:9

“Naw maꞈ yaw gahˇ gahˇ-ehˇ ya dehꞈ meh. Naw maꞈ-ahˇ aˬ cawˬ paꞈ-awˇ, yaˇ kʼaˬ daˇ-eu saˇ naˇ-ahˇ tsahˇ gʼeh tehꞈ-a. Uˬ duˬ tahˬ nymˇ laꞈ kʼoeˇ naw maꞈ-ahˇ aˬ cawˬ diˬ tehꞈ-a. Naw maꞈ ngaˬ-ahˇ jah-eu jeˬ baˬ da neh, sahˬ paˬ sahˬ ma deuˬ mehˬ shi naw maꞈ ya yawꞈ leˇ-awˇ, saˇ kiˇ ya kamˬ tehꞈ-a.

Luˇkaꞈ 20:10

Aˬ gaꞈ aˇ siˬ pyaˆ yamˬ tsaˬ laˇ ngeh, yaˇ kmˇ mˇ paˆ paˆ-eu deuˬ jawˇ gaˇ aˬ yawꞈ-euˬ zaˬ kʼaˆ tiˬ gʼaˬ kʼehˇ gʼeh-awˇ, aˬ yawꞈ-ahˇ oꞈ-eu aˬ gaꞈ aˇ siˬ bi pi laˬ-iˇ-euˬ meh. Ehˇ kʼawꞈ, yaˇ kmˇ mˇ paˆ paˆ-eu tsawˇ haˬ kʼoeˇ deuˬ zaˬ kʼaˆ kʼoeˇ gʼaˬ-ahˇ diˬ-awˇ, tiˬ jeˬ-iˬ maˬ biꞈ ni bi gʼoꞈ leˇ-euˬ meh.

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

2 Gawˇliˬtu 11:24

Yuˇdaˆ tsawˇ haˬ deuˬ yahˬ caˆ neh smˬ tseˇ gʼoeˬ laꞈ juiꞈ nehˬ laꞈ gaˇ, ngaˬ poˆ keuˆ ni ngaˇ ya daˬ haw-euˬ ma.