Gʼaˬkʼehˇ 5:38 - Akha

³⁸ Kʼoeˇ miˇ neh, gaˇ kawˆ heu hmˬ-ahˇ taꞈ leˇ-awˇ, naw maꞈ-ahˇ ngaˇ heu loꞈ-ehˇ ehˇ mawꞈ miˇ-a. Tsawˇ haˬ heu deuˬ-ahˇ do maˬ yuˇ ni bi jawˇ-awˬ. Aˬ yawꞈ maꞈ neh mˇ-euˬ gaˇ heu, tsawˇ haˬ zaˬ neh noeˬ doˆ-awˇ mˇ-euˬ jeˬ ngeuˇ naˇ, aˬ yawˇ yawꞈ piˬ-iˇ byoˆ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Khoermirnae, nymq-mr tsawrhaq heudeuq-anr tiqjeq-iq maq janrnaeqni bijawrtawq sher-eq laer ngar, nawmaf-anr sharmawf mir-a. Aqyawf maf-euq bawqtov hawr-eu mr-eu jeq tsawrhaq-anr nae dovlar-euq ngeur nar-aq, yawqngaef pyeuf-ir taef-a.

Gʼaˬkʼehˇ 5:38 ပူးပေါင်းရင်းမြစ်များ

Neˬhaˬmiˇ 4:15

Aˬ yawꞈ maꞈ mˇ-eu lehˇ lehˬ hmˬ taˬ-euˬ jeˬ-ahˇ nga maꞈ ya siˬ gʼaˬ-euˬ gaˇ kawˆ nga maꞈ-ahˇ muiˇ-eu deuˬ ya gaˬ ngeh, gaˇ kʼoeˇ-ahˇ Miˬyehˇ laˆ tsoeˬ-euˬ meh lehˇ aˬ yawꞈ maꞈ siˬ duˬ-euˬ meh. Kʼoeˇ ngeh, nga maꞈ dawˬ tawˆ luꞈ meuˬ lahˇ gawˬ muiˬ-eu gaˇ-ahˇ paˇ dawꞈ leˇ-euˬ ma.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Maˬkuˆ 11:30

Yoˇhaˬ iˇ cuꞈ shawˇ-eu kʼoeˇ, aˬ gaˇ-euˬ baoˬ za-awˇ mˇ ta. Miˬyehˇ neh bi mˇ taˬ loˇ. Tsawˇ haˬ zaˬ neh bi mˇ taˬ loˇ.”

Yoˇhaˬ 11:48

Aˬ yawꞈ-ahˇ kʼoeˇ loꞈ-ehˇ tehꞈ-ehˇ mˇ mˇ-ehˇ bi jawˇ naˇ, tsawˇ haˬ yawˬ gʼaˬ na luꞈ aˬ yawꞈ-ahˇ jah leˇ jiˇ-eu ngaˇ. Kʼoeˇ loꞈ-ehˇ pyeuꞈ laˇ naˇ, Loˇmaˆ tsawˇ haˬ deuˬ oe-awˇ, aˬ dui-euˬ Uˬ duˬ tahˬ nymˇ nymˇ ma hawˇ-eu aˬ dui-euˬ tsawˇ jeuˬ-ahˇ laˆ cawˆ le-eu ngaˇ.”

Gʼaˬkʼehˇ 5:35

Kʼoeˇ naˇ, Baꞈ dzah-ahˇ aˬ yawꞈ heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, tsawˇ haˬ heu deuˬ-ahˇ aˬ joˆ-ehˇ jahˇ nehˬ nmˇ lehˇ ehˇ-eu gaˇ kawˆ heu, yaw kʼaˆ kʼaˆ-ehˇ shaˇ noeˬ-awˬ.

1 Gawˇliˬtu 3:19

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ zaˬ siˬ tsawˇ gahˇ lehˇ sawˇ taˬ-euˬ jeˬ-aˬ, Miˬyehˇ mehˬ shi tiˬ jeˬ-iˬ gaˇ dahˇ maˬ tsoeˬ-a. “Zaˬ siˬ tsawˇ gahˇ ahˇ-eu deuˬ gahˇ dui dui luꞈ gaˇ Miˬyehˇ lahˇ ju kʼmˇ paꞈ-eu meh” lehˇ, Jaˇliꞈ laꞈ kʼoeˇ boꞈ taˬ-euˬ jaˆ meh.