Gʼaˬkʼehˇ 5:33 - Akha

³³ Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqyawfmaf dawq khoerdawq-anr yagaq ngae, nuima paer duidui lar-awr, ghaqkhaer deuq-anr saef-eu laer tov-eu mae.

Gʼaˬkʼehˇ 5:33 ပူးပေါင်းရင်းမြစ်များ

Maꞈtehˬ 1:19

Yoˇsehˆ-aˬ, yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh. Ehˇ kʼawꞈ, Maˬliˇ-euˬ myaˆ pyawˬ naˇ mehˇ cawˆ ni aˬ yawꞈ maˬ jahˇ mawꞈ-eu miˇ neh, aˬ yawꞈ-ahˇ maˬ bi siˬ-ehˇ ciˬ cuˇ ni gʼawˬ tsehˆ ma lehˇ noeˬ-euˬ meh.

Maꞈtehˬ 10:21

“Mehˇ nmˇ yaw kaˬ tiˬ gʼaˬ tiˇ gʼaˬ bi shiˇ ni ahˬ dzaˬ-awˇ, aˬ da deuˬ kʼawꞈ zaˬ deuˬ-ahˇ kʼoeˇ loꞈ-ehˇ jahˇ nehˬ-eu jeˬ keuˆ le tehꞈ-a. Zaˬ deuˬ yawˬ ha-euˬ aˬ da aˬ ma bi shiˇ-eu jeˬ toˆ tehꞈ-a.

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

Luˇkaꞈ 20:19

Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu piˇ ma aˬ yuiꞈ deuˬ, Yeˬsuˇ-ahˇ tiˬ poˆ tehꞈ-ehˇ nyehꞈ-eu lehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ yaw jeˬ ma jeˬ ja-eu kʼoeˇ aˬ yawꞈ maꞈ-ahˇ ehˇ mawꞈ-eu meh lehˇ, aˬ yawꞈ maꞈ gʼoˆ siˬ-euˬ meh. Ehˇ kʼawꞈ, tsawˇ haˬ aˇ maꞈ-ahˇ aˬ yawꞈ maꞈ guˆ-eu miˇ neh maˬ nyehꞈ peuˬ-a.

Luˇkaꞈ 6:11

Ehˇ kʼawꞈ, tsawˇ haˬ kʼoeˇ deuˬ nui ma pehˇ dui dui-awˇ, Yeˬsuˇ-ahˇ aˬ joˆ-ehˇ jahˇ nehˬ paˬ nga lehˇ, aˬ yawꞈ maꞈ yaw kaˬ bawˬ dzaˬ-euˬ meh.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.

Gʼaˬkʼehˇ 9:23

Gʼawˬ mya nah byah laˇ-awˇ, Sawˇluˆ-ahˇ sehꞈ-eu gʼaˇ duˬ Yuˇdaˆ tsawˇ haˬ deuˬ bawˬ kʼoeˬ-euˬ meh.